Lést á heilbrigðisstofnun Vestfjarða Ísafirði mánudaginn 20 júní 2022.Útför hennar fer fram  frá Þingeyrarkirkju laugardaginn 2.júlí 2022 kl.13:00

Ástkær sambýliskona, móðir, amma og langamma
Jóna Karitas Jakobsdóttir
lést á Landspitalanum aðfararnótt 9. júní 2022.
Útförnin fer fram í Kópavogskirkju 23. júní kl. 13.00


Útförin fer fram í Kópavogskirkju 23. júní

Elskulegur eiginmaður faðir tengdafaðir afi og langafi
Vilhjálmur Hafsteinsson 
Lést laugardaginn 18. Júní á líknadeild Landspítalans í Kópavogi
        

Útför fer fram frá Grafarvogskirkju þriðjudaginn 12 júlí 2022

Elskulegur eiginmaður minn, faðir okkar tengdafaðir,afi og langafi okkar lést á gjörgæsludeild Landspítalans á Fossvogi þann 1.júní.2022

Ástkær móðir, amma og langamma okkar, Ragna Þorgerður Stefánsdóttir, lést sunnudaginn 19. júní, á Hrafnistu Sléttuvegi. 

Útför Rögnu fer fram frá Bústaðakirkju föstudaginn 24.júní og hefst athöfnin kl.10.

Ragna Þorgerður Stefánsdóttir fæddist í Pétursborg á Reyðarfirði, 18. október 1924. Hún lést á Hrafnistu Sléttuvegi í Reykjavík 19. júní 2022. 

Foreldrar hennar voru Guðmundur Stefán Bjarnason frá Fossi á Síðu og Sigríður Jónsdóttir frá Einholti á Mýrum.

Ragna var sjötta í röð tíu alsystkina, Blómey, Geir, Guðríður, Bjarni Jón, Pálína Anna, Gunnar Auðunn, Helga Valborg, Kristín Stefanía og Guðný, en þau eru öll látin.

Að auki átti hún fjögur hálfsystkin, eldri, börn Stefáns af fyrra hjónabandi, Matthildur, Skarphéðinn, Gunnar og Njáll sem öll eru látin.


Ragna giftist 22. október 1949, Vigfúsi Sigurðssyni frá Húsavík fæddur 18. janúar 1924, dáinn 13. nóvember 1998.
Barn þeirra er Hanna Rúna f. 1956, hennar dóttir er Ragna Skinner f. 1977, sambýlismaður David Schlechtriemen f. 1979, dætur þeirra eru Ronja f. 2008 og Rúna Karlotta f. 2013.
Fyrir átti Vigfús, soninn Inga f. 1951, kvæntur Hrefnu Eyjólfsdóttur f. 1954, eiga þau þrjá syni.

Ragna ólst upp á Reyðarfirði en fluttist ung til Reykjavíkur, þar sem hún bjó allar götur síðan. Hún vann ýmis störf á sinni starfsævi. Starfaði við aðhlynningu á Kleppsspítalanum og síðan hjá Samvinnutryggingum og VÍS í 28 ár sem matráður til starfsloka.

Elsku mamma, tengdamamma, amma og langamma
Sigríður Friðsemd Sigurðardóttir
lést 17.júní síðastliðinn á hjúkrunarheimilinu Sóltúni


Ásvaldur Magnússon varð bráðkvaddur á heimili sínu í Tröð þann 14.6. 2022 

Ásvaldur verður jarðsunginn í Ísafjarðarkirkju 25.6. 2022 kl 14:00.
Jarðsetning fer fram í Holtskirkjugarði 
Streymt verður frá útförinni

Ásvaldur Magnússon fæddist 8. júlí 1954 að Ökrum í Reykjadal. Hann varð bráðkvaddur á heimili sínu í Tröð, Önundarfirði þann 14. júní síðastliðinn. 

Ásvaldur var sonur hjónanna Ástu Ásvaldsdóttur f. 12.10.1930 á Breiðumýri S-Þing, d. 29.10. 2016 og Magnúsar K. Guðmundssonar f. 24.10. 1924 í Hjarðardal í Önf. d.  29.7. 2006. Þau voru bændur í Tröð. 

Systkini Ásvaldar eru: Sigríður Magnúsdóttir f. 1955, Guðmundur Helgi Magnússon f. 1958, Sólveig Bessa Magnúsdóttir f. 1962 og Guðný Hildur Magnúsdóttir f. 1969. 

Ásvaldur giftist Helgu Dóru Kristjánsdóttur frá Brekku á Ingjaldssandi 2.7. 1983. Foreldrar hennar voru Kristján Guðmundsson f. 1918, d. 1988 og Árilia Jóhannesdóttir f. 1923, d. 2014. 

Börn þeirra eru 1) Ásta Ásvaldsdóttir f. 1985, 2) Kristján Óskar Ásvaldsson f. 1986, giftur Hólmfríði Bóasdóttur. Þeirra börn eru Helga Dóra, Auður og Bóas Ásvaldur. 3) Eyvindur Atli Ásvaldsson f. 1990, giftur Sæbjörgu Freyju Gísladóttur. Þeirra börn eru Ívar Hrafn Ágústsson, Andri Pétur Zakarías Ágústsson, Sólveig Erla Eyvindardóttir og Sæmundur Búi Eyvindarson. 

Ásvaldur bjó í foreldrahúsum á Flateyri en á fjórða ári flutti fjölskyldan að Tröð og átti hann þar heimili síðan. Hann stundaði sjómennsku í 7 ár en vann á sumrum við bústörfin. Hann lauk búfræðiprófi frá Hvanneyri og að því loknu hóf hann búskap með kindur og kýr ásamt foreldrum sínum í Tröð og 1983 kom Helga Dóra inn í búskapinn. Þau keyptu síðar jörðina og tóku alfarið við rekstri hennar. 

Ásvaldur tók virkan þátt í ýmsum félagsmálum. Fyrst sem félagi og stjórnarmaður í Ungmennafélaginu Önundi og hann var í stjórn Héraðssambands V-Ís. Hann var frumkvöðull og leiðtogi í félagsmálum bænda. Var stofnandi og formaður Loðdýraræktunarfélags á svæðinu meðan það starfaði og í stjórn Landssambands loðdýreigenda.  Stofnandi og formaður Félags skógareigenda á Vestfjörðum í 12 ár og sat þann tíma í stjórn Landssambandi skógareigenda, eins í stjórn Skjólskóga á Vestfjörðum. Gengdi ýmsum öðrum trúnaðarstörfum fyrir bændur,  búnaðarfélög og Búnaðarsamband á svæðinu. Var virkur í pólitísku starfi, átti sæti í stjórnum og nefndum á vegum Mosvallahrepps og Ísafjarðarbæjar. Sat í stjórn Ingastofu. Var meðhjálpari í Holtskirkju. Fjallskila og réttarstjóri til margra ára í Önundarfirði

Ásvaldur tók að sér húsvörslu og rekstur Holts Friðarseturs 2003 í gamla Holtsskóla og rak þar gistiheimili og félagsmiðstöð sveitarinnar. Frá 2018 stofnaði hann og rak Holt Inn sveitahótel ásamt konu sinni, Kristjáni syni sínum og Hólmfríði tengdadóttur. Var hann þar sem annarstaðar, frumkvöðull og drifkrafturinn.

Ástkær móðir okkar, tengdamóðir, amma, langamma, langalangamma og sambýliskona, Anna Sigurjóna Halldórsdóttir, lést miðvikudaginn 8.júní á líknardeild Landakots.

Útför Önnu fer fram frá Fossvogskirkju kl. 10 föstudaginn 24.júní 2022

Elskuleg móðir, tengdamóðir og amma, Anna Sveindís Margeirsdóttir lést á líknardeild Landspítalans fimmtudaginn 2.júní.

Útför Önnu fer fram frá Seljakirkju miðvikudaginn 15. júní kl. 13:00.

Elskulegur eiginmaður minn, faðir, tengdafaðir, afi og langafi, Jón Matthíasson, rafvirki, Jökulgrunn 10, Reykjavík, lést á Lsh í Fossvogi 10. júní. 

Jón Matthíasson fæddist á Vatneyri við Patreksfjörð 20. ágúst 1931. Hann lést á Landspítalanum í Fossvogi 10. júní síðastliðinn.

Foreldrar hans voru hjónin Steinunn Guðmundsdóttir húsmóðir, f. 1894, d. 1967, og Matthías Pétur Guðmundsson fiskmatsmaður á Patreksfirði, f. 1888, d. 1964. Jón var einn tólf systkina. Þau voru Olgeir Haukur, f. 1914, d. 1928, Ásmundur, f. 1916, d. 1994, Þórdís, f. 1918, d. 2000, Málfríður Jóhanna, f. 1920, d. 2003, Guðmundur Kristinn, f. 1923, d. 1939, Áslaug, f. 1924, d. 1997, Inga Lára, f. 1926, d. 1998, Olgeir Haukur, f. 1928, d. 2007, Erna Helga, f. 1930, d. 2002, Hallgrímur, f. 1932, d. 2013 og Lárus, f. 1933, d. 1935.

Jón kvæntis 25.8.1956 Sigrúnu Helgu Magnúsdóttur frá Reykjavík, f. 25.10.1937, foreldrar hennar voru Herborg Hjálmarsdóttir og Magnús Janus Guðmundsson. Börn Jóns og Sigrúnar eru: 1) Hreinn, f. 1957, maki Wannee Pramong, 2) Lárus Borgar, f. 1959, maki Phuangphetr Suphannok, 3) Ester, f. 1962, börn hennar Davíð Örn (látinn) og Sigrún Anna,  4) Magnús, f. 1970, maki Helga Ólafsdóttir, börn þeirra Ólafur Jón, Kristín Sigrún og Hjalti Jóel. Barnabarnabörn Jóns og Sigrúnar eru fjögur talsins.

Jón ólst upp á Patreksfirði. Hann byrjaði sem unglingur til sjós fyrir vestan og seinna frá Reykjavík.  Með sjómennskunni lærði hann rafvirkjun, fyrst fyrir vestan en færði sig síðan í Iðnskólann í Reykjavík og lauk þaðan sveinsprófi 1959. Jón var á samning hjá Johan Rönning og vann síðar hjá nokkrum öðrum rafvirkjameisturum. Lengst af vann Jón hjá Rafmagnsveitu Reykjavíkur eða allt þar til hann hætti sökum aldurs árið 2000, þá hafði hann starfað þar í tæp 40 ár.

Ástkær dóttir okkar, systir og barnabarn, Alda Hanna Grímólfsdóttir 
lést miðvikudaginn 8.júní.

Útför Öldu fer fram frá Grafarvogskirkju, fimmtudaginn 16. júní kl. 15:00. 

Alda Hanna Grímólfsdóttir fæddist í Reykjavík 1. ágúst 1980. Hún lést á líknardeild landspítalans þann 8. júní 2022.

Foreldrar Öldu Hönnu eru Jónína Ingólfsdóttir fædd 15. maí 1956 og Grímólfur Sævar Valdimarsson fæddur fæddur 11. september 1956. Sambýliskona Grímólfs er Hugrún Valgarðsdóttir fædd 16. Desember 1954.

Systir Öldu er Anna Laufey Árnadóttir fædd 1. febrúar 1976. Sambýlismaður hennar er Halldór Vilberg Torfason fæddur 29. janúar 1979. 

Alda var hægri hönd móður sinnar og áttu þær náið og fallegt mæðgnasamband. Saman mynduðu Alda, Anna og móðir þeirra sterkt þríeyki í dagsins önn og amstri.  

Alda var afar náin ömmu sinni og afa, Öldu Hönnu Grímólfsdóttir fædd 12. september 1939 og Valdimar Guðlaugssyni f. 18. desember 1930, d. 26. febrúar 2017.

Alda var stúdent frá Kvennaskólanum í Reykjavík. Hún lauk BA gráðu í ensku frá Háskóla Íslands árið 2013. Hún var ferðamálafræðingur frá Ferðamálaskólanum í Kópavogi og lærði viðburðastjórnun við Háskólann á Hólum. Alda starfaði í fjórtán ár hjá Símanum, síðar Já ehf. Frá árinu 2014 starfaði Alda hjá Icelandair.

Hjartans kæri bróðir okkar 
                   Lárus Ingi Valdimarsson
lést á heimili sínu þann  10 júní 2022. Útför verður 
auglýst síðar

Elías Skaftason lést á Heilbrigðistofnun Suðurnesja. 

Elskuleg móðir okkar, tengdamóðir, amma, langamma og langalangamma, 
Sigfríður Jónsdóttir frá Skálholtsvík lést 2. júní að Hjúkrunarheimilinu á Hvammstanga.



Útförin fer fram í Hvammstangakirkju fimmtudaginn 16. júní kl. 14 jarðsett verður í Prestbakkakirkjugarði sama dag.

Blóm og kransar vinsamlega afþökkuð þeim sem vilja minnast hennar er bent á Hollvinasamtök Heilbrigðisstofnunar Hvammstanga. Bent er á minningar.is

Sigfríður fæddist 14. ágúst 1926 að Skálholtsvík í Hrútafirði.  Foreldrar hennar voru Jón Magnússon frá Miðhúsum, f. 15.5. 1891, d. 28.7. 1956 og Guðrún Grímsdóttir frá Kirkjubóli, f. 11.7. 1894, d. 11.2. 1956. Sigfríður átti sex systkini, en hún missti Þorgeir bróðir sinn ungan af árum. Skálholtsvíkursystur voru hins vegar sex talsins og alla tíð mjög samrýmdar, Valgerður var elst, svo Matthildur, Þorbjörg, Sigfríður, Hildur og yngst var Magnea Ólöf.

Þann 12. nóvember 1949 kvæntist Sigfríður Sigurjóni Ingólfssyni frá Gilhaga í Bæjarhreppi. Foreldrar Sigurjóns voru Ingólfur Jónsson, f. 26.7. 1893, d. 11.7. 1932 og Anna Sigurjónsdóttir, f. 11.9. 1900, d. 24.9. 1987.
Sigfríður og Sigurjón ráku blandaðan búskap í Skálholtsvík allt til 1997 þegar þau fluttu til Reykjavíkur.

Dætur Sigfríðar og Sigurjón  eru: 1) Þorgerður, f. 7.6. 1950, maki Gunnar Benónýsson, f. 22.12. 1952. Börn Þorgerðar og Eggerts Waage, f. 19.4. 1950, d. 23.5. 1984, eru a) Sigfríður, maki Guðjón Valgeir Guðjónsson, þau eiga 4 börn og þrjú barnabörn, b) Guðmundur, á 4 börn, maki Jean Adele Vartabedian, c) Sigrún, á 6 börn, maki Heiðar Þór Gunnarsson. 

2) Anna, f. 1.5. 1953 maki Guðjón Jóhannesson, f. 17.3. 1949, börn þeirra, a) Sigfríður, maki Gunnar Sigríksson og eiga þau tvö börn, b) Jóhannes, maki Anja Huber,  eiga þau tvö börn, c) Fjóla, maki Haraldur Ingi Hilmarsson og eiga þau tvö börn, og d) Sigurjón, maki Kathryn Humphries og eiga þau tvö börn

Elskulegur pabbi okkar, tengdapabbi, afi og langafi, Lárus Þórðarson, lést í faðmi ástvina á heimili sínu, þriðjudaginn 31. maí 2022.

Fjölskyldan þakka auðsýnda samúð og vinarhug. Einnig vill hún þakka starfsfólki Hamra fyrir góða umönnun og auðsýnda umhyggju.

Lárus Þórðarson fæddist á Grund í Svínadal 3. júlí 1942. Hann lést á hjúkrunarheimilinu Hömrum 31. maí 2022.  Foreldrar hans voru Guðrún Jakobsdóttir f. 2. október 1921 d. 5. janúar 2005 og Þórður Þorsteinsson f. 27. júní 1913, d 8. ágúst 2000. 

Lárus var elstur fjögurra systkina, þau eru a) Inga Valdís fædd 5. september 1943 hún var gift Jóhanni Pétri Jóhannssyni. Þau skildu. Synir þeirra eru Þórður Gunnar og Jóhann Yngvar. Seinni maður Ingu Valdísar var Brjánn Árni Ólason. Hann lést 2010. b) Ragnhildur f. 12. nóvember 1951. Gift Sigurðurði H. Péturssyni. Þeirra börn eru Guðrún Valdís og Pétur Magnús. c) Þorsteinn Trausti fæddur 11. maí 1959, ógiftur og barnlaus.

Eiginkona Lárusar var Sesselja H. Guðjónsdóttur kennari f. 1946. Þau skildu. Börn þeirra eru a) Steinunn Ásta f. 1970. Maki hennar er Jóhannes Jensson. Börn Steinunnar eru eru Elva Baldursdóttir f. 1987. Maki hennar er Birgir Kristján Guðmundsson. Börn Elvu og Birgis eru Erla Dís og Bjarki Leó. Elías Baldursson fæddur 1993. Maki hans er Helena Hamzehpour. b) Guðjón Ýmir f. 1975. Hann er kvæntur Sigrúnu Önnu Þórisdóttur. Synir þeirra eru Kristófer Darri f. 2001 og Hilmar Darri f. 2003.

Lárus ólst upp á Grund og gekk í barnaskóla í sinni sveit. Hann lauk landsprófi frá Reykjaskóla í Hrútafirði og í kjölfarið kennaraprófi frá Kennaraskólanum árið 1965. Hann var smíðakennari við Álftamýrarskóla allan sinn starfsferil á meðan heilsan leyfði. Hann kenndi einnig útskurð hjá Reykjavíkurborg seinni árin. Lárus söng í ýmsum kórum og sinnti félagsstörfum af miklum áhuga. Lárus flutti í Mosfellsbæ árið 1977 og bjó þar til æviloka.

Útför Lárusar fer fram í kyrrþey að hans ósk

Maðurinn minn, faðir, tengdafaðir og afi lést laugardaginn 4. júní 2022.


Viljum þakka starfsfólki á Eir í Grafarvogi fyrir góða umönnun.

Finnbogi J. Jónasson fæddist í Bolungavík á Hornströndum, fluttist þaðan til Bolungarvíkur en flutti ungur maður á Ísafjörð. Finnbogi var skipstjóri lengi en síðustu áratugina framleiddi hann harðfisk á Ísafirði.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Nýleg andlát

Vagna Sólveig Vagnsdóttir

Jóna karitas Jakobsdóttir

Vilhjálmur Hafsteinsson

Rósinkar Aðalbjörnsson

Ragna Þ. Stefánsdóttir

Sigríður Friðsemd Sigurðardóttir

Ásvaldur Magnússon

Anna Sigurjóna Halldórsdóttir

Anna Sveindís Margeirsdóttir

Jón Matthíasson

Alda Hanna Grímólfsdóttir

Lárus Ingi Valdimarsson

Elías Skaftason

Sigfríður Jónsdóttir

Lárus Þórðarson

Finnbogi J. Jónasson