Charlotte fæddist í Amalienau í Königsberg í Austur-Prússlandi. Dóttir hjónanna Max Sokolowski og Önnu Kloss. Hún ólst upp og bjó í Königsberg meirihluta sinnar ævi. Hún kynntist August Walter Raduschewski og eignuðust þau saman þrjú börn, þau: Horst, Helmut og Úrsúlu Önnu Raduschewski. Hún kynntist síðan Max Franz Krause frá Kapkeim í Austur-Prússlandi og þau gengu í hjónaband 27. október 1938. Hún flúði Königsberg ásamt fjölskyldu sinni 1945 og endaði svo í Dortmund þar sem hún bjó restina af sínu lífi ásamt eiginmanni sínum.

Dóttir hennar hélt til Íslands 1949 til að vinna í íslenskri sveit. Þar eignaðist Charlotte barnabörn og hefur hún verið stolt amma því hún titlaði sig eftir það alltaf sem "oma" í öllum bréfum og kortum jafnvel þó bréfin voru bara til dóttur hennar. Hún leitaðist alltaf til þess að halda sambandi við afkomendur sína á Íslandi, sendi jólagjafir og afmæliskort til allra. Hún kom til Íslands 1966 til að hitta eitthvað af afkomendum sínum. Hún skrifaði einu sinni í jólakorti að afkomendur hennar eiga að vita að þau eiga ömmu og afa í Þýskalandi, svo það hefur verið henni mikilvægt.

Charlotte átti erfiða ævi og þurfti að ganga í gegnum meira en flestir myndu þola. Þrátt fyrir það hélt hún alltaf í mildi sína og hlýju. Hún var ljúf og góð kona, yndisleg og hjartahlý manneskja.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Therese Charlotte Gertrud Sokolowski

Útför

Ertu með minningargrein?