Ástkær eiginmaður minn, faðir okkar, tengdafaðir, bróðir, afi og langafi
Ágúst Guðröðarson 
bóndi á Sauðanesi
lést á Nausti, Þórshöfn 28. nóvember.


Útför hans fer fram frá Þórshafnarkirkju laugardaginn 13. desember kl 14

Þökkum innilega auðsýnda samúð og hlýhug

Ágúst Guðröðarson fæddist í Neskaupstað 24. október 1944. Hann lést á hjúkrunarheimilinu Nausti á Þórshöfn 28. nóvember síðastliðinn. Foreldrar hans voru Halldóra Sigfinnsdóttir húsfreyja frá Borgarfirði Eystri, f. 18. ágúst 1911, d. 18. apríl 1986, og Guðröður Jónsson kaupfélagsstjóri frá Miðbæ, f. 2. janúar 1908, d. 24. júlí 1979. Systkini Ágústar eru Friðjón f. 1936, d. 2003, Hákon f. 1937, d. 1991, Sigríður f. 1941, og óskírð stúlka f. 1952, d. 1952. 

Ágúst og Erla Bil Bjarnardóttir eignuðust soninn Guðröð f. 1966 en þau slitu samvistum. Maki Guðröðar er Freydís Dana Sigurðardóttir og eiga þau soninn Snorra f. 1997, maki Ester María Eiríksdóttir, og dæturnar Bil f. 2006 og Salvöru f. 2008. Ágúst og María Guðmundsdóttir eignuðust dótturina Esther f. 1968 en þau slitu samvistum. Esther er gift Hersteini Óskarssyni, dóttir þeirra er María f. 2006. Sonur Estherar og Kára Gunnarssonar er Oddur f. 1995, maki hans er Katri Elina Hirvi. 

Ágúst giftist Dagnýju Marinósdóttur 19. júní 1969 og eignuðust þau fjögur börn: a) Þórhalla f. 1970, maki Viðar Guðmundsson og eiga þau dæturnar Birnu Marín f. 2001, Ingu Sóleyju f. 2004 og Ágústu Völu f. 2006, fyrir átti Þórhalla dótturina Dagnýju Ástu f. 1993 með Rúnari Jóhannessyni. b) Björn f. 1973, d. 2001. c) Ágúst Marinó f. 1978, maki Steinunn Anna Halldórsdóttir, þau eiga soninn Steinbjörn f. 2018. Fyrir átti Ágúst dæturnar Dagrúnu Sunnu f. 2005 og Viðju Sóllilju f. 2007 með Andreu Eðvaldsdóttur ásamt fósturdótturinni Elvu Eik f. 1992, og Steinunn dótturina Katrínu Sif f. 2010 með Bjarna Þór Broddasyni. d) Halldóra Sigríður f. 1980, maki Karl Ásberg Steinsson. Fyrir átti Dagný dótturina Svölu f. 1966, maki Eyþór Atli Jónsson, þau eiga dæturnar Álfrúnu Mareyju f. 2002, maki Dagur Gnýsson, og Bjarneyju Huldu f. 2004. Fyrir átti Svala dótturina Karítas Ósk f. 1990 með Agnari Bóassyni, hennar maður er Steinar Pálmi Ágústsson og eiga þau langafabörnin Dögun Rós, Björn Jörfa og Steinar Inga. Ágúst og Dagný slitu samvistum.

Ágúst giftist eftirlifandi eiginkonu sinni Sigríði Margréti Gamalíelsdóttur 24. október 2001. Hún á tvær dætur með Friðbergi Leóssyni: a) Anna Lára f. 1977, synir hennar og Halldórs Rúnars Stefánssonar eru Óskar Þór, maki Bergrós Pálmadóttir Morthens og eiga þau soninn Hinrik Leó, þá koma Grétar Stefán, Friðbergur Smári, Sigurbergur Gunnar og Benedikt Jósef. b) Halldóra Jóhanna f.1980, maki Guðmundur Ari Arason, þau eiga synina Unnar Gamalíel, Ara Snæ og Leó Hrafn.

Ágúst útskrifaðist sem búfræðingur frá Hólum vorið 1964 og úr Kennaraskóla Íslands vorið 1969. Hann starfaði sem verkamaður, bílstjóri, kennari, lögreglumaður, landpóstur, vitavörður og veðurathugunarmaður - en fyrst og fremst var hann bóndi og hestamaður af lífi og sál. Hann var oddviti um árabil, fjallskila,- gangna- og réttarstjóri, fulltrúi á þingi Stéttarsambands bænda og sinnti margvíslegum trúnaðar- og félagsstörfum í sínu samfélagi.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ágúst Guðröðarson

Andlátstilkynning

Útför

Aðstandendur

Þakkir

Ertu með minningargrein?