Mamma, tengdamamma, amma og langamma okkar, Erna María Ragnarsdóttir, lést föstudaginn 24. október á hjúkrunarheimilinu Grund. Útförin fer fram í Neskirkju miðvikud 5. nóv kl. 13

Útförin fer fram frá Neskirkju miðvikudaginn 5. nóvember kl. 13

Sérstakar þakkir fær starfsfólk A2 á Grund fyrir umhyggju og 
alúð og er þeim sem vilja minnast hennar bent á minningarsjóð Grundar.

Erna María Ragnarsdóttir fæddist í Reykjavík 2. apríl 2041.  Hún lést á hjúkrunarheimilinu Grund í Reykjavík 24. október 2025.

Foreldrar Ernu voru E. Ragnar Jónsson í Smára, f. 2. 1904, d. 11.7. 1984, og Björg Ellingsen, f 10.12. 1916, d. 7.5. 1997.  Systkini Ernu eru Auður Guðrún, f. 28.7. 1942, d.2025, og Jón Óttar f. 10.8. 1945.  Hálfsystkini Ernu, samfeðra, voru Edda, f.17.3. 1931, d. 2.3. 2007, og Valva, f. 8.6.1935, d. 20.6.2024.

Erna María giftist 1963 Gesti Ólafssyni, f. 8.12. 1941. Þau skildu 1984.
Börn þeirra eru: 1) Ragnar Kristján, f. 4.8. 1964, maki Hildur Jónsdóttir, f. 7.6. 1970.  Börn þeirra: a) Hrefna Björg, f. 15.6. 1995, b) Símon Gestur, f. 9.9 2001, c) Sindri Immanuel, f. 18.9. 2003, d) Agnes Ásta, f. 28.6. 2005, e) Gideon Leo, f. 3.2. 2007, f) Jóhanna Naomi, f. 3.2. 2009, g) Joshúa Eldar, f. 13.2. 2011, h) Friðrik Örn, f. 20.9. 2012 og i) Kristbjörg Súlamít, f. 4.10.2014. 
2) Hrólfur, f. 4.12. 1969, maki Jódís Bjarnadóttir f. 9.8.1971.  Börn hans með fyrri konu Maríu Björnsdóttur a) Erna Kristín, f. 6.5. 1990 og Eva María, f. 8.7. 1999, börn Jódísar a) Ronja Jóhannsdóttir, f. 27.9. 1995, og Hlynur Jóhannsson, f. 17.9.1996.  Langömmubörn: Fannar Árni f. 12.7.2015, Nökkvi Hrafn f. 16.2.2020 og nýfædd Sigurpálsdóttir f. 23.10.2025.

Að loknu stúdentsprófi frá Menntaskólanum í Reykjavík fór Erna til náms í innanhússarkitektúr í Leicester á Englandi, lauk þaðan prófi 1966, flutti síðan til Liverpool þar sem hún lagði stund á typografíu. Árið 1968, hóf hún að vinna sjálfstætt að ýmsum hönnunarverkefnum á Teiknistofunni Garðastræti 17 í Reykjavík sem hún stofnaði ásamt fyrrverandi eiginmanni sínum, Gesti Ólafssyni arkitekt og skipulagsfræðingi. Vann hún við innanhússhönnun fyrir heimili og fyrirtæki, auk bóka- og grafískrar hönnunar. Á þessum árum vann hún m.a. samkeppni um skjaldarmerki Seltjarnarness sem síðar var tekið sem merki sveitarfélagsins. Árið 1982 fór Erna til Parísar til frekara náms og tók próf í iðnhönnun 1989 auk náms í listasögu áður en hún kom aftur til Reykjavíkur 1990.  Erna fór til náms á Arken Bibel Center í Stokkhólmi 1993 þar sem hún nam biblíu- og kristniboðsfræði ásamt sálusorgun. Hún flutti síðan til Lapinlahti í Finnlandi þar sem hún bjó og vann að sálusorgun og hönnun. Hún flutti aftur til Íslands 2002 og hefur að mestu búið í Hveragerði og Eyrarbakka þar sem hún hefur m.a. unnið sem lífsstílsleiðbeinandi og að þróun eigin fyrirtækis á sviði menningarmiðlunar. Fékk hún m.a. styrk frá Menningarráði Suðurlands 2009 til hönnunar menningartengdra ferða er byggja á lífshlaupi föður hennar, Eyrbekkingsins Ragnars Jónssonar forstjóra: „Á Röltinu með Ragnari í Smára".

Erna María hefur gegnt ýmsum trúnaðarstörfum á sviðum málefna kvenna, umhverfis- og menningarmála og fjölmiðla. Hún átti m.a. sæti í útvarpsráði og í Framkvæmdanefnd um kvennafrí 24. október 1975. Hún sat í stjórn Kvenréttindafélags Íslands og ritstýrði tímariti félagsins, 19. júní, í nokkur ár. Erna var um tíma varaborgarfulltrúi Sjálfstæðisflokksins í borgarstjórn Reykjavíkur þar sem hún var virk á sviði umhverfismála. Hún tók þátt í stofnun félagsins Líf og land 1974 og var formaður Félags húsgagna- og innanhússarkitekta um nokkurra ára skeið. Hún var á framboðslista Íslandshreyfingarinnar Lifandi lands 2007 og Borgarahreyfingarinnar tveimur árum síðar fyrir Suðurland.

[DEFAULT]

Danke, dass ich Erna als offene, liebe, ausgeglichene, bemerkenswerte,einzigartige Persönlichkeit kennenlernen konnte. Möge Ihre Seele in Frieden ruhen. Sie wird mir in besonders guter Erinnerung bleiben.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Erna María Ragnarsdóttir

Andlátstilkynning

Útför

Aðstandendur

Þakkir

Danke