Ástkær móðir okkar, tengdamóðir, amma og langamma 
Ósk Skarphéðinsdóttir lést í faðmi fjölskyldunnar 6.september. 
Útför hefur farið fram í kyrrþey.

[DEFAULT]

Það er svo margt sem kemur upp í hugann þegar ég fer yfir lífið okkar saman. 

Ég man best eftir þér sitjandi í hægindastólnum þínum að spila tetris og reykja pípu. Ég man hvað mér fannst notalegt að sitja með þér í eldhúsinu þegar þú varst að hræra í pottunum og hlusta á þig flauta. Það var alltaf svo mikil ró yfir þér. 

Ég sat stundum og fylgdist með þér leggja kapal á Þingvöllum, þú varst svo einbeitt. 

Ég man líka þegar þú helltir upp á kaffi á gamla mátann og ég sat alveg dáleidd yfir þessu, þetta hljóð verður mér alltaf svo dýrmætt. Hljóðið í vatninu að renna i gegnum kaffið. Svo fékk ég alltaf að dýfa molanum í kaffið þitt. 

Ég man þegar við fórum saman í strætó ferðir af því mér fannst svo gaman að fá að ýta á takkann, þegar þú leyfðir mér að máta flottu fötin þín og skvísuskóna og gafst mér fyrstu Chanel slæðuna mína. Þú varst svo ánægð með að ég væri hrútur eins og þú, þú minntir mig á það reglulega. Þú gafst mér svo mikið af alls konar “Aries” hlutum sem ég hef alltaf passað vel upp á og þykir svo vænt um að eiga. 

Þetta grær áður en ég gifti mig 💔

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ósk Skarphéðinsdóttir

Andlátstilkynning

Útför

Aðstandendur

Elsku amma