Útför fór fram í kyrrþey að ósk hins látna

Valdimar Sigurðsson var fæddur í Reykjavík 16. mars 1945.  Foreldrar hans voru þau Ingibjörg Ólafsdóttir verslunarmaður og Sigurður Ingi Jónsson prentari. Valdimar var fimmti af 8 börnum þeirra saman. Í einkalífi var Valdimar gæfumaður.  

Árið 1972 hitti hann eftirlifandi eiginkonu sína, Vilborgu Baldursdóttur.  Síðan þá hafa þau hjónin verið óaðskiljanlega. Þau gengu í heilagt hjónaband þann 13. Maí 1978.  Samband þeirra og sambúð var frá upphafi farsælt, gott og hlýtt.  Ást þeirra og kærleikur öllum ljós og þau voru samhent og samrýmd frá fyrstu tíð. Heimili þeirra var alla tíð í Reykjavík lengst af í Seljahverfinu í Reykjavík en síðust árin í Grafarholtinu.  
Valdimar lést á Landspítalanum í Fossvogi þann 22. janúar 2025. 

Hans verður sárt saknað en eftir standa ógleymanlegar minningar sem ylja um hjartarætur.

Finney Aníta Thelmudóttir

Afi hefur ávallt verið fastur punktur af minni tilveru. Afi var hugljúfi hvers manns, einstakur karakter sem lét mig ávallt finna fyrir því með orðum og gjörðum hversu vænt honum þótti um mig og strákana mína. Afi var sá sem tók upp símann bara til að heyra í okkur hljóðið. Ég er afar þakklát fyrir þann tíma er það voru aðeins nokkur skref á milli okkar en þá gat afi rölt til okkar.  Afi kom ávallt óumbeðinn og rétti fram hjálp sína. Það var alltaf hægt að leita til afa með allt á milli himins og jarðar og hann hlustaði. 

Amma og afi voru óaðskiljanleg og fannst honum verst þegar bobba hans var ekki hjá honum í þau skipti er hann lagðist inn á spítala en ástin sem á milli þeirra var, mun ég taka með mér inn í lífið og læra margt af. Með óendanlegu þakklæti , ást og virðingu kveð ég þennan einstaka mann sem var ekki aðeins afi minn heldur svo stór partur af mínu lífi og besti vinur.  Þó afi hafi kvatt okkur veit ég að hann fer ekki langt því hann mun ávallt vera í hjarta mér.

Þín afastelpa, 
Finney Aníta

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Valdimar Sigurðsson

Andlátstilkynning

Útför

Aðstandendur

Ertu með minningargrein?