Valborg G. Stefánsdóttir fæddist þann 18. september árið 1950 í Reykjavík og lést 6. febrúar 2025 á Heilbrigðisstofnun Suðurlands. 

Foreldrar hennar voru Stefán Halldórsson (22.08.20-04.10.94) og Helga Sigtryggsdóttir (23.08.21-11.07.2007). Systkini hennar eru Ólöf (15.10.42), Sigtryggur (02.06.44), Sævar (06.03.48), Kolbrún (03.01.53) og Sigurður (10.05.64). 

Valborg giftist Þórólfi Kristjánssyni þann 18. september 1971. Þau eignuðust þrjú börn. 

1) Óskírð Þórólfsdóttir, fædd andvana 4. ágúst 1974. 

2) Ívar, fæddur 2. nóvember 1975, maki hans er María Dögg Tryggvadóttir, börn þeirra eru Kári Jökull (6. ágúst 2010) og Fjóla Snædís (30. mars 2015). 

3) Ævar, fæddur 6. febrúar 1977, maki hans er Berglind Jónsdóttir, börn þeirra eru Saga Líf (7. september 2001) og Elva Marín (5. ágúst 2005).

Valborg ólst upp í Hafnarfirði í stórum hópi systkina og gekk þar í grunnskóla og Flensborgarskóla, áður en hún nam við Húsmæðraskólann að Staðarfelli. Hún hóf búskap með Tóta sínum við Úthlíð í Reykjavík, en svo fluttu þau til Hafnarfjarðar þar sem þau ólu upp drengina sína, fyrst í norðurbænum og svo uppá Hvaleyrarholti. Árið 2015 fluttu þau hjónin til Hveragerðis og leið þeim mjög vel þar í litlu og samheldnu samfélagi á Smyrlaheiði.

Hún starfaði alla sína ævi við þjónustustörf, til langs tíma á veitingastaðnum Kænunni í Hafnarfirði og síðar meir á leikskólum. Árið 2012 greindist hún með krabbamein sem hún sigraðist á, og aftur árið 2019. Í þriðja skiptið sem hún greindist árið 2024 hófst baráttan enn á ný, en þreyttum líkamanum tókst ekki að sigra í þetta skiptið. Þrátt fyrir alla þessa baráttu var hún eftir sem áður endalaust kát, glöð og jákvæð og tók öllum með gleði og hlýju.

Hún naut sín hvað mest við tvennt, annars vegar að ferðast bæði innanlands og utan, hins vegar við að vera í kringum barnabörnin sín fjögur sem hún elskaði svo heitt og þau hana á móti. Allra best þótti henni að geta sameinað þetta tvennt, ferðalög og barnabörnin, og eiga þau fjölmargar og dýrmætar minningar um skemmtilegar ferðir um landið í hjólhýsinu eða í sumarbústöðum. Hún og Tóti ferðuðust afar mikið til útlanda á seinni árunum og þótti henni best að fá að vera í hita og sól, hvort sem það var á Tælandi eða víðs vegar á Spáni. Síðustu árin dvöldu þau talsvert á Spáni yfir vetrartímann og nutu sín vel.

Sigrún Guðjónsdóttir

Votta

   fjölskyldunni innilegar samúð hafið það ætíð sem best 

[DEFAULT]

Þá ert þú farin í síðasta ferðalagið þitt, en ekki það sem við vorum búnar að plana, til Færeyja nú í maí..

Og þú kveður fyrst af okkur sex systkinunum 

En frá fæðingu hefur lífið lagt þér mörg erfið verkefni

Þú komst í heiminn með mjög litlar lífslíkur, þú sigraðir þá baráttu. Þú misstir tvö börn í fæðingu. Svo færð þú krabbamein í annað brjóstið og nokkrum árum síðar  í hitt brjóstið, svo greinist þú í þriðja sinn með ólæknandi krabbamein á síðasta ári, sem sigraði að lokum hetjuna þig. 

En elsku Abba við erum nú búnar að vera samferða í gegnum lífið, við fórum í fóstur til ömmu Siggu í tæpt ár þegar mamma greindist með berkla, ég á þriðja ári og þú á fimmta ári, þá passaðir þú uppá mig. Síðan þá höfum við alltaf hjálpast að í gegnum lífið. Þegar Tóti og Jói voru á sjó saman, og við gengum með börnin okkar, og þú eignaðist gullin þín þá  Ívar og Ævar. Svo var farið í nokkrar tjald útilegurnar og ferðast erlendis saman og notið lífsins á Gran Canarí síðustu tvo vetur. Og mikið á ég nú eftir að sakna húmorsins og stríðninar hjá þér. 
Elsku systir góða ferð í sumarlandið.

Megi minningin um þig lifa áfram, í hjörtum þeirra sem þig þekktu.

Innilegar samúðarkveðjur til elsku Tóta, Ívars, Maríu, Kára Jökuls, Fjólu Snædísar, Ævars, Berglindar, Sögu Líf og Elfu Marínar

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Valborg Guðrún Stefánsdóttir

Útför

Elsku systir.