Trausti Haraldsson fæddist í Reykjavík 24. janúar árið1957. 

Hann lést á Landspítalanum við Hringbraut 20. janúar síðastliðinn. 

Foreldrar hans voru hjónin Haraldur Örn Tómasson fæddur 1929 en hann lést árið 2004 og Elín Erlendsdóttir fædd 1932 en hún lést árið 2021. Bræður Trausta eru Hörður Haraldsson fæddur 1950 og Gunnar Haraldsson fæddur 1953 en hann lést árið 2020. Trausti ólst upp með foreldrum sínum og bræðrum í Álfheimum í Reykjavík.

Trausti kvæntist Önnu Þorkelsdóttur þann 6. ágúst árið 1977. Þau eignuðust þrjú börn, þau eru: 1) Íris f. 26. september 1978, 2) Erna f. 28. júlí 1981, 3) Þorkell Jóhannes f. 30. nóvember 1984.
Trausti var í sambúð með Elínu Hauksdóttur frá árinu 2013 þar til hann lést.

[DEFAULT]

Elsku pabbi minn, ég trúi því varla að ég sitji hér og skrifi minningagreinina þína, svo ótrúlega óraunverulegt. 

Þú stóðst vörnina gegn krabbameininu í 17 ár sem lýsir þér svo vel því þú varst mikill baráttujaxl innan vallar sem utan. Ekki gat maður séð á þér á þessum 17 árum að þú værir veikur, svo ótrúlega sterkur og flottur. 

Ég hef alltaf litið upp til þín frá því ég var lítil stelpa , litla stelpan þín. Svo ótrúlega stolt af því að eiga pabba sem spilaði með landsliðinu og meistaraflokki Fram og ég á góðar minningar af því að fara með þér á leiki með Fram á Laugardalsvellinum. Einnig erum við systkinin svo lánsöm að hafa alist upp við tónlistina þína, þar sem þú spilaðir fyrir okkur lög með Bítlunum, Jethro Tull og fleiri snilldar hljómsveitum. Einnig tókst þér að smita okkur af áhuga þínum á enska boltanum og uppáhaldsliðinu þínu Liverpool. Við munum halda áfram að styðja við okkar menn til sigurs. 

Minnist skemmtilegra ferðalaga, útilegurnar, jeppaferðirnar og svo einnig deildum við saman áhuga á hestamennsku og við fórum í margar skemmtilegar hestaferðir saman. 

Ég mun sakna þess að fara með þér í tónlistarleikinn okkar og hlátur þíns en þú varst með svo smitandi hlátur og brandaranna þinna. 

Eins og söknuðurinn er mikill og kveðjan sár, þá munu minningarnar og þau forréttindi að hafa átt svo góðan pabba í mínu lífi, með tímanum breyta söknuði í þakklæti.

Englar Guðs þér yfir vaki og verndi pabba minn 

vegir okkar skiljast núna, við sjáumst ekki um sinn. 

En minning þín hún lifir í hjörtum hér 

því hamingjuna áttum við með þér. 

Þökkum kærleika og elsku, þökkum virðingu og trú 

þökkum allt sem af þér gafstu, okkar ástir áttir þú. 

Því viðmót þitt svo glaðlegt var og góðleg var þín lund 

Með englum Guðs nú leikur þú og lítur okkar til 

nú laus úr viðjum þjáninga, að fara það ég skil. 

Og þegar geislar sólar um gluggann skína inn 

þá gleður okkar minning þín, elsku pabbi minn. 

Vertu góðum Guði falinn er hverfur þú á braut 

gleði og gæfa okkur fylgdi með þig sem förunaut. 

Og ferðirnar sem förum við um landið út og inn 

John Denver - Guðrún Sigurbjörnsdóttir

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Trausti Haraldsson

Útför

Minningarorð til pabba