Þorsteinn Ívar Sæmundsson fæddist 21. apríl 1945. Hann lést 6. júní 2016. Þorsteinn var sonur hjónanna Guðlaugar Karlsdóttur kaupmanns, f. 23.6. 1919, og Sæmundar Þórðarsonar kaupmanns, f. 19.10. 1903, d. 26.1. 1998. Systkini hans eru: Þórður, látinn, Anna, látin, Guðrún, var kvænt Viðari Sigurðssyni, látinn, og Sjöfn.

Eiginkona hans var Magnea Guðný Stefánsdóttir, f. 4.6. 1950, d. 4.8. 2011. Börn hans úr fyrra hjónabandi eru Sigursteinn Ívar, sonur hans er Evan Smári. Helma, börn hennar eru Sindri Snær, Klemenz Fannar, Ívar Orri, Ragnheiður Katrín og Hrafn. Börn Magneu eru Dagný, dætur hennar eru Rán Ísold og Saga. Stefán Magnús, kvæntur Ester Sigurjónsdóttir, dætur þeirra eru Lilja María, Magnea Guðný og Eva Sólan. Hildur Björg, sambýlismaður hennar er Rúnar Eyberg Árnason, dætur þeirra eru Alexandra, Katrín og Ósk.Þorsteinn lauk gagnfræðaprófi frá Flensborgarskóla Hafnarfjarðar og flugvirkjanámi frá Spartan School of Aeronautics í Tulsa, Oklahoma. Þorsteinn vann alla sína starfsævi hjá Loftleiðum, síðan Flugleiðum.

[DEFAULT]

Mikið er sárt að kveðja, en síðustu árin hafa verið þér svo erfið, þjáningar sem enginn ætti að upplifa. Það var svo erfitt að horfa upp á þig þjást svona mikið og geta ekkert gert.

Við vorum miklir vinir og áttum mjög sérstakt samband. Við töluðum mikið saman um allt og ekkert og þú sagðir mér hluti sem enginn annar vissi, þú varst samt ekkert mikið fyrir að tjá þig en við áttum okkar „móment“.

Minningar hrannast upp, frá því að ég var lítil stelpa á Hverfisgötunni, þegar við fórum til Mallorca, bara ég, þú og Steini bróðir. Eða þegar þú komst og sóttir mig á Lödunni í skólann og við fórum í bæjarferðir. Alltaf svo stoltur af litlu stelpunni þinni. Tala nú ekki um þegar ég eignaðist strákana, þú varst að springa úr stolti af þessum flottu afastrákum... og viðbrögðin þegar Ívar fékk nafnið sitt. Stolt er það fyrsta sem mér dettur í hug þegar ég hugsa til baka.

Það var alltaf svo gott að koma á Bragavellina, allt alltaf svo fínt og flott. Garðurinn 100 % og bílarnir alltaf eins og nýir.

Við fórum sl. ár oft saman í verslunarleiðangur til að fata þig upp, LEVIS 501 og köflótt skyrta varð alltaf fyrir valinu, það varst bara þú – enda fór það þér svo vel.

Ég sakna þín svo mikið, sakna þess að fá þig aldrei aftur í lambalæri og með því, eða kjötsúpuna sem að þú dásamaðir svo mikið .Tala nú ekki um saltkötið og baunasúpuna , þú dásamaðir allt sem ég eldaði. 

Sakna þess að fá knúsið þitt sem var svo einlægt og fast, en þá fann ég líka hversu illa þér leið. Ég vildi að ég hefði getað gert eitthvað meira fyrir þig en að vera til staðar, eitthvað til að lina þjáningarnar þínar og hjálpa þér að öðlast betra líf, finna lífsneistann og hamingjuna sem var bara farinn.

Ég veit að þér líður betur núna og ert kominn til Magneu þinnar sem þú saknaðir svo sárt.

Þó svíði sorg mitt hjartaþá sælt er að vita af því,

þú laus ert úr veikinda viðjum,þín veröld er björt á ný.

Ég þakka þau ár sem ég átti þá auðnu að hafa þig hér,

þín minning er ljós sem lifirog lýsir um ókomna tíð.

Takk fyrir allt, takk fyrir að vera pabbi minn.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Þorsteinn Sæmundsson

Útför

Elsku pabbi