Þórína Baldursdóttir var fædd í Reykjavík, 19. ágúst 1970. Hún varð bráðkvödd 03. janúar 2022.
Útförin fer fram frá Landakirkju 22.01 nk. 
Streymt verður á landakirkja.is

Sóley Þorsteinsdóttir

Vertu ekki grátinn við gröfina mína
góði, ég sef ekki þar.
Ég er í leikandi ljúfum vindum,
ég leiftra sem snjórinn á tindum.
Ég er haustsins regn sem fellur á fold
og fræið í hlýrri mold.

Í morgunsins kyrrð er vakna þú vilt,
ég er vængjatak fuglanna hljótt og stillt.
Ég er árblik dags um óttubil
og alstirndur himinn að nóttu til.
Gráttu ekki við gröfina hér –gáðu – ég dó ei – ég lifi í þér.
Fallega brosið þitt elsku vinkona er mér ógleymanlegt❤️

Auður Elín Hjálmarsdóttir

Elsku besta fallega ljósið mitt❤️
Hugsa til þín öllum stundum og get varla trúað því að þú sért farin ❤️
Er svo þakklát öllum stundum sem við höfum átt og allar minningar frá fyrstu stundu þegar þú fæddist eru fallegar.
Þetta er svo mikið sárt. Elsku besta frænkuskottið mitt, góða ferð og sjàumst í draumi❤️😥❤️
Auður móðursyss😘



Sirrý Árdís Klörudóttir

Elsku Þórína 
Þín verður alltaf saknað á okkar heimili við sjáumst síðar <3 

Sirrý og Gretar Ingi

Gretar Ingi veit að þú kemur samt á Bozia mótin hjá Ægi
 

Dagur Björnsson

Þín verður sárt saknað, elsku frænka mín, þangað til við hittumst næst.

Aðalsteinn Baldursson

Kveðja frá Kai í Noregi
Vil sakna þín Þórína mín

Sverrir Örn Sverrisson

[DEFAULT]

Ég bíð og bíð eftir skilboðum eða hringingu,lít á símann oft á dag og ég vil ekki trúa að það komi ekkert frá þér aftur,aldrei aftur.

Þegar Hjalli hringdi í mig kvöldið 3.jan og sagði mér hvað hafði gerst þá brotnaði eitthvað inni í mér, og það þarf svo mikið lím til að líma hjartað mitt aftur. Við áttum svo einstakt samband og góða vináttu sem er ekki auðfundin. Þú varst mér svo mikið,ég þarf svo mikið að læra að vera án þín, vera í vinnu án þín,mæta í saumó án þín,fara út að borða án þín hver á nú að fá sér óáfenga kokteila með mér?

Við sögðum hvorri annarri allt og þá meina ég allt,við gátum verið snarruglaðar saman og bullið,galsinn hlátursköstin,svarti húmorinn og hamingjan var allsríkjandi þannig áhrif höfðum við á hvora aðra.Þú gast alveg verið þrjósk og þver og við vorum ekkert alltaf sammála en það mátti alveg við rifumst aldrei og vorum aldrei ósáttar. Í vinnunni vorum við kallaðar,systurnar,síamstvíburarnir eða samlokurnar.

Þú varst svo hjartahlý og hugsaðir svo vel um alla í kringum þig,ef það kom nýr starfsmaður í vinnuna sama hvort það var kvenmaður, karlmaður,íslendingur eða útlendingur fylgdist þú með því að honum liði vel að hann finndi sér sæti í kaffistofunni og væri ekki utangátta. 

Þú fylgdist líka svo vel með öllum og þegar ömmuprinsarnir mínur fæddust  varst þú jafnspennt og ég, Lúkas minn fékk nú líka ófáar gjafirnar frá þér. 

Fjölskyldan þín yndislega var númer 1,2og3 og systrabörnin þín eins og þín eigin börn,þú varst svo stolt af þeim og Hjalli ,,greyið" sem var svo miklu meira en bróðir,þið hugsuðuð svo vel um hvort annað og gerðuð svo margt saman. Þú varst svo einstök hugsaðir fyrir öllu í sambandi við gömlu hjónin og gafst þér alltaf tíma í að sitja hjá þeim og gefa af þér.

Við vorum síðast saman á gamlársdag þegar þú keyrðir mig heim eftir stuttan vinnudag og við knúsuðumst í klessu nokkrum sinnum og hlógum því allir eiga að passa sig á þú veist.

Elsku besta þetta er svo mikill missir fyrir marga þú snertir svo marga á lífsleiðinni, ég lofa að minning þín lifir og ég hugsa vel um litla prinsinn okkar,sem þér þótti svo vænt um,sóttir hann á hverjum morgni og sást til að hann nærðist og liði vel. Ég veit að sytkini þín halda vel utan um gömlu hjónin.

Elsku besta Þórína mín,takk fyrir alla vináttuna,ástina og umhyggjuna í minn garð,ég geymi þig ávallt í hjarta mér, það er svo margt sem ég á frá þér sem ég get yljað mér með og hugsað um þig bæði minningar og gjafir frá þér.

Elsku Bubba ,Baldur,Alli,Hjalli,Soffía,Gummi,Sylvía,Alexander,Gabríel,Guðbjörg og aðrir aðstandendur megi æðri máttur styrkja ykkur á þessum erfiðu tímum.

Elsku besta mín, þú bara fórst án þess að kveðja, ólíkt þér!  

En þér er fyrirgefið því snögglega hefur vantað jákvæða, bóngóða, hláturmilda góða manneskju.  

Sláttumaðurinn reiddi hátt til höggs þegar hann kom til þín að kvöldi      3. janúar síðastliðinn. Það er þyngra en tárum taki fyrir okkur öll sem eftir lifum að þú sért farin frá okkur elsku Þórína okkar. Það verður erfitt fyrir Hjalla bróður þinn að hafa ekki Búkonuna lengur hjá sér og foreldra þína sem þú varst stoð og stytta, alltaf reiðubúin til aðstoðar, hvað annað?

Við vorum vinnufélagar og ég kynntist þér við það, þó ég vissi af þér   áður. Það var mjög gott að vinna með þér þar sem þú varst svo hugulsöm og jákvæð, athyglin í lagi og þú mætt á staðinn ef þú sást að einhverjum leið ekki vel. Þú varst trúnaðarmaður margra og sérstaklega var þér umhugað að fólki af erlendu bergi liði vel í starfi. Það eru margir þar sem og allir starfsmenn sem eiga um sárt að binda við fráfall þitt. 

Við vorum líka nágrannar, ekki hlið við hlið heldur bak við hvor aðra sögðum við. Við spjölluðum saman yfir grindverkið, göspruðum á milli, þú í pottinum, ég á tröppunum. Vorum oft búnar að ræða að setja hlið á milli garða svo við gætum setið saman. Þar sem við vorum báðar lítið fyrir göngutúra þá fannst okkur langt á milli þótt að stutt sé.  

Ég get sagt það að mig verkjar í hjartað þegar ég lít yfir garðinn og sé þig ekki í eldhúsinu og ljósin slökkt, eða ekki kveikt á réttum stöðum, verð nú að ræða þetta við hann Hjalla bróður þinn! 

Síðast hitti ég þig í búð rétt fyrir jól, bað þig að hringja yfir ef jólaljósin í gluggunum væru ekki rétt en þú hringdir ekki, þú vissir að meyjan væri alveg með þetta. Þú beiðst alltaf eftir jólaljósunum hjá mér, lýsa upp á milli okkar, sagðiru.  

Nú stendur yfir EM í handbolta og þar ætlaðir þú að vera, varst farin að telja niður dagana! Ég fagna aukalega þér til heiðurs, þegar ég hef taugar til að horfa.  

Elsku góða Þórína, góða ferð í sumarlandið og já við áttum eftir að borða möndlukökuna frá þér saman, jæja hún kannski bíður mín þegar minn tími kemur.  

Megi allir góðir vættir styðja og styrkja foreldra þína, systkini, frændsystkini og alla sem eiga um sárt að binda við skyndiför þína. Veit þú fylgist með þeim og okkur öllum og er viss um að þú ert óendanlega þakklát Elvu Björk vinkonu þinni sem hefur reynst fólkinu þínu svo vel á þessum tímum.   

Hvar á ég að byrja? Þetta er enn svo óraunverulegt og það má með sanni segja að lífið verður heldur betur tómlegt án þín. 

Hláturmild, alltaf með húmor fyrir aðstæðunum og góðhjörtuð lýsir þér allra best. Goslok og þjóðhátíð verður skrítið að mæta á, án þess að hitta þig og heyra þig hlæja að litlu frænku sem spilaði stundum á kæruleysið, en þú alltaf svo einstaklega hjálpsöm og tilbúin að redda hinu og þessu, hvort sem það var skutl, redda húsnæði eða lána mér dýnu. 

Eins og oft er sagt er margs að minnast og það munum við heldur betur gera, og þar á meðal heyra hláturinn þinn yfir seinheppni fólksins í kringum okkur, sem vakti einstaka kátínu hjá þér.

Öll ástin þar til við hittumst að nýju.

Elsku fólkið mitt, mínar dýpstu samúðarkveðjur.

Síðustu dagar hafa verið svo óraunverulegir og sorgin svo mikil. Það er svo sárt að þú sért bara allt í einu farin frá okkur. 

Ég var 15 ára þegar þú fæddist og mikil var gleðin. Fallega ljóshærða yndisblóm. Það er svo gott að eiga allar góðu minningarnar og myndirnar og ég brosi í gegnum tárin. 

Þú varst mikið hjá okkur á Eyrarbakka sem barn og það er endalaust hægt að rifja upp hitt og þetta og allt eru það ljúfar minningar.Þú vildir öllum vel og varst einstaklega barngóð. Systurbörn þín voru í sérstöku uppáhaldi hjá þér og nutu ástúðar þinnar. Þeirra missir er mikill og sár sem og foreldra þinna systkina og mágs.

Þú varst góð dóttir, systir, frænka og vinkona og sorgin er mikil að þurfa að kveðja þig allt of fljótt. 

Ég tel mig lánsama að hafa fengið þann heiður að vera frænka þín, fá að passa þig þegar þú varst lítil og fylgjast með þér þroskast og dafna í lífinu. 

Ég mun ætíð minnast allra samverustunda okkar með þakklæti og gleði.

Elsku besta Þórina mín, góða nótt, Guð geymi þig, ég elska þig.

Ég sendi ykkur innilegar samúðarkveðjur.

Megi Guð styrkja ykkur í sorginni.Minningin um elsku Þórínu lifir í hjörtum okkar allra um ókomna tíð❤️

Hlý,góð og skemmtileg eru orðin sem koma upp í hugan þegar ég hugsa um Þórínu.

﻿Góða nótt elsku fallegi Engillinn minn ❤

Í dag eru 3 vikur síðan við fengum verstu fréttir sem hægt er að fá, tíminn stóð í stað og heimurinn hrundi. Þetta er enn svo óraunverulegt og svo hræðilega sárt og ég sakna þín svo mikið elsku besta frænka mín 💔 

Á laugardaginn fylgdum við þér svo síðasta spölinn - þyngstu skref lífs míns. En athöfnin var svo falleg og alveg í þínum anda og þú fékkst svo fallegan virðingarvott með heiðursverði frá félögunum sem voru þér svo kær, ÍBV og Björgó ❤ Ég er líka alveg viss um að handboltaguðirnir hafi ákveðið að heiðra minningu þína þennan dag, ÍBV stelpurnar áttu ótrúlegan leik og unnu Hauka og Ísland rústaði Frakklandi á Evrópumótinu sem við vorum svo spenntar fyrir. 

Elsku besta frænka mín, þú snertir svo marga og það er svo dásamlegt að heyra hvað allir tala fallega um þig og hve margir fengu að kynnast dásemdardemantinum sem ég hef þekkt allt mitt líf. Fallega brosið þitt, smitandi púkahláturinn, stríðnin og fjörið. Þú áttir besta knús í heimi, varst ein sú allra skemmtilegasta, góðhjörtuð, vildir allt fyrir alla gera og tókst svo vel utan um alla í kringum þig. 

Ég er svo þakklát fyrir okkar tíma saman og mun sérstaklega geyma í hjarta mínu síðasta kvöldið sem við áttum saman, allt sem við ræddum og ótal mörgu hlátursköstin sem við fengum, og mest af öllu risastóra kveðjuknúsið og hefðbundnar þrætur um hvor elskaði hina meira ❤ Ég mun heiðra líf þitt með gleði og glimmeri alveg einsog þú hefðir viljað og ég skal reyna að vera sterk fyrir uppáhalds fólkið þitt. 

Elsku Bubba, Baldur, Hjalli, Alli, Sossa, Gummi, Sylvía, Alexander og Gabríel, söknuðurinn er svo sár og sorgin er svo mikil 💔 en minningarnar ylja og eru svo ótalmargar og samheldnin er einstök og heldur utan um ykkur þar til storminn hefur lægt, ég elska ykkur ❤ 

Þar til við hittumst á ný elsku Þórína, elska þig alltaf og meira en mest ❤❤

Þetta er erfiður tími núna án þín.

Aldrei datt mér í hug að ég ætti eftir að setjast niður og skrifa minningarorð um þig.

Þú varst ekki bara systir mín, þú varst líka minn besti vinur og ferðafélagi, einnig varst þú búin að búa heima hjá mér í rúmlega 20 ár.

Um kvöldmataleitið þann 3. jan sátum við og spiluðum yatsi við eldhúsborðið og ræddum um ferð okkar til Budapest. Við vorum loksins búin að ákveða að fara aftur á stórmót í handbolta en við fórum síðast árið 2008. Ekkert varð af þessari ferð okkar því að þú ákvaðst að fara í sumarlandið seinna um kvöldið.

Ég veit að 2 bestu vinir þínir Ingólfur og Dóra Björk taka vel á móti þér, einnig afi og amma.

Ég veit að Björg frænka hefur einnig tekið vel á móti þér með einhverjum orðaleppum eins og henni væri einni lagið.

Þú elskaðir að ferðast. Varst búin að prófa að búa 6 mánuði í Sviss og eitt ár í Hollandi þar sem þú varst að vinna sem au pair.

Ég fluttist til Noregs árið 2011 og fór að vinna þar á fjallahóteli. Sumarið 2012, þegar þú misstir þú vinnuna þína á leikskólanum reddaði ég þér vinnu á hótelinu sem að ég var að vinna á.

Þú elskaðir Noreg, þér fannst gott að getað farið í heimsókn til Unnar og Kjell í Oslo þegar þér hentaði.

Þessi ár sem að við unnum saman í Noregi ferðuðumst við svolítið um Noreg, fórum til Danmerkur, tvisvar til Þýskalands og einnig nokkuð margar ferðir til Svíþjóðar.

Eftir að við fluttumst heim til Eyja aftur reyndum við að fara á hverju ári í heimsókn til Noregs.

Við erum búin að ferðast svolítið saman, en 2016 ákvað ég að halda upp á 50 afmælið mitt með því að fara í siglingu í karabíska hafið. Þú hafðir ekki mikin áhuga fyrst að fara í svona ferð, því að ferðast á sjó var ekkert sem að þér fannst gaman en þú lést til leiðast og fórum við 4 í þessa sigling, ég, Alli bróðir, þú og einnig ákvað Flóvent að koma með okkur.

Í þessari ferð fundum við það út að þetta var FRÍIÐ okkar og skemmtum við okkur frábærlega í þessari ferð.

Tveimur árum seinna þegar Alli bróðir varð fimmtugar var fórum við aftur í siglingu í karabíska.

Svo þegar þú varst fimmtug var ákveðið að fara í 3ju ferð okkar en út af covid var þeirri ferð frestað um óákveðin tíma, en vorum við byrjuð að ræða um að reyna fara í afmælisferðina þína núna í haust. En þú kemur víst ekki með okkur Aðalsteini í þá ferð en ég veit að þú verður nú samt með okkur Alla þar.

Ef að mig vantaði ferðafélaga, hvort sem að það var bara að fara á tónleika eða handboltaleiki í Reykjavík eða að koma með mér á fótboltaleik í Finnlandi varst þú alltaf tilbúin að koma með.

Þú hafðir mikinn áhuga á handbolta og var ÍBV liðið þitt og mættir þú á alla leiki sem að þú komst á og verður það skrítið að sjá þig ekki í sætinu þina á leikjunum framvegis.

Enda sýndi ÍBV liðið þér mikla virðingu í fyrsta leik sínum eftir andlát þítt.

Þú þjálfaðir líka boccia hjá Íþróttafélaginu Ægi í fjöldamörg ár og fékkst þú silfurmerki ÍBV í viðurkenningu fyrir störf þín þar og er ég viss um að þeir sem að þú þjáfaðir þar koma til með að sakna þín mikið.

Elsku systir missir okkar allra er mikill og er þín sárt saknað af okkur öllum.

Elsku Pabbi, mamma , Alli, Soffía,Gummi, Sylvía, Alexander og Gabríel missir okkar er mikill enn við eigum öll góðar minnigar um Þórinu sem að við getum yljað okkur með.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Þórína Baldursdóttir

Andlátstilkynning

Útför

Aðstandendur

Elsku besta vinkona mín

Kveðja frá Petru

Elsku frænka💞

Kveðja frá frænku

Minning þín lifir elskuleg❤️

Svo sárt , sakna svoo mikið ❤❤

Hinsta kveðja elsku frænka mín 💔

Elsku systir.