Fæddist í reykjavík 20.mars 1950.Hann lést á HVE akranesi á aðfangadag 2022.

Foreldrar hans voru hjónin Helgi Þórarinsson f.15 apríl 1920 og Guðrún Lárusdóttir f.11.sept.1918 d.27.apríl 2001

Systkini hans eru Jónas f.18.nóvember 1947,d.20.janúar 2011,

Guðmundur Lárus f.26mars1953,Einar f.25febrúar 1957

Guðjón f.28 ágúst 1959.Kristín Guðrún f.1.apríl 1962

Þórarinn kvæntist 3.maí 1975 Margréti Báru Jósefsdótturf.22nóvember 1951.foreldrar hennar eru Jósef Björgvin Einvarðsson f.31maí 1921 

d.11júlí 2005 og Elvíra Christel Einvarðsson (fædd Milkoweit)6.mars 1928

Sonur þeirra er Helgi Þórarinsson f.12 desember 1976,maki Anna Karolina Belko f.14febrúar 1983,dætur þeirra eru Villimey Aurora f.26nóvember 2015,Eldey Anja f.22 maí 2017 og Hrafney Helga f.1.júní 2022.börn Helga með Joomjan Kongkam f 22.maí 1973 eru Þórarinn f.2 nóvember 2004 og Sóley Saranya f.7júlí 2006

Þórarinn ólst upp í Reykjavík til 1961 er fjölskyldan flutti vestur í Æðey.Eftir hefðbundna skólagöngu fór hann til edinborgar og lærði þar Hamskurð.Hann var í millilandasiglingum um tíma þar til hann fluttist á Akranes.

Vann hjá Sementsverksmiðju rikisins,var háseti Akraborgar í  15 ár og síðan vaktmaður í gjaldskýli Spalar frá opnun Hvalfjarðarganga til síðustu vaktar er göngin urðu gjaldfrjáls.

Verkalýðsmál voru áhugamálið hans og starfaði hann með verkalýðsfélagi akranes sem var hans félag.

Þórdís Árný Örnólfsdóttir

Kæri Doddi,
Ég sakna skemmtilegu greinanna þinna á Facebook. 
Ég sendi Báru og fjölskyldunni mínar dýpstu samúðarkveðjur 

Sóley Saranya Helgadóttir

Elsku afi minn.                                         Þín verður sárt saknað mér þykir svo vænt um þig og allar minningarnar sem að við eigum saman. Það er ekki hægt að byðja um betri manneskju heldur en þig elsku afi.                         Það var alltaf hægt að tala við þig um hvað sem er og þu komst manni alltaf í gott skap. Það skemmtilegasta sem að ég gerði sem barn var að fara með þér og ömmu í sumarbústað. Besti og lang skemmtilegasti parturinn við það að fara var að ég gat eytt timanum mínum með ykkur.                               Allar minningarnar og allar bílferðirnar sem að við tókum saman og hlustuðum á bítlana verða seint gleimt. Ég er svo stolt og þakklát fyrir það að geta hafað kallað þig afa min. Þú varst besta manneskjan í lífi minu og ég gat alltaf treyst þér með allt. Þú átt lang stærsta partin í hjarta minu og þú munt alltaf eiga hann elsku afi. Takk fyrir að hugsa um mig og alltaf elskað mig. Þú ert það besta sem hefur komið fyrir mig.                                                Takk fyrir að hafa verið þú, elska þig elsku afi minn.  


                       Sóley Saranya Helgadottir

[DEFAULT]

Minn allrabesti stuðningsmaður,elsku Doddiminn og gamliminn sem ég hef kallað svo ,vantaði aðeins 12 daga uppá að við hefðum fagnað 50 ára samveruafmæli.en við héldum uppá daginn sem við vorum kynnt fyrir hvort öðru 5 janúar 1973

Höfum gengið saman gegnum súrt og sætt ,stutt hvort annað og hann oftar mig þeger ég hef fengið margar dellurnar um ævina.

Hann hafði áhuga á tónlist og var mikill Lennon maður ,safnaði öllu sem gefið hefur verið út um the Beatles og hafði unun af að fara með Mumma bróður sínum á hina ýmsu tónleika því ég var í öðru.

Sem betur fer vitum við ekki hvenær okkar tími er komin að yfirgefa þessa jarðvist,en það sem hjarta mitt er fullt af þakklæti fyrir okkar líf og ég veit að Doddiminn er laus við vanlíðan og það hefur verið tekið vel á móti mínum .

okkar bestu stundir síðustu árin voru með barnabörnunum okkar sem hann dáði og elskaði að vera afi.

ég geymi í hjarta mínu svo ótal margar góðar minningar og ylja mér við þær og mun segja barnabörnunum sögur af afadarling sem fór allt of snemma.

Elsku frændi minn er fallinn frá. Stór, hraustur, vitur og góður. 

Með hlýja faðminn sinn og sitt hvassa skemmtilega skopskyn, hann átti sér fáa líka. 

Það var mikið ævintýri fyrir lítinn ferðalang frá Reykjavík að ferðast ein með Akraborginni uppá Akranes í heimsókn til Dodda og Báru, þar starfaði Doddi um borð og sá meðal annars um að vísa fólki til sætis, hafði hann stundum orð á því að það væri betra ef sumir kæmu bara fótgangandi um borð. 

Það fylgdi því mikil spenna að fara í heimsókn til þeirra, þar sem við brölluðum ýmislegt og það voru fjölbreytt verkefni sem við tókum okkur fyrir hendur,allt frá því að fylgjast með uppstoppun á fuglum yfir í að setjast í sófann og horfa á hinarýmsu bíómyndir.

Aðventuferðirnar mínar voru í sérsöku uppáhaldi, þá skreyttum við húsið hátt og lágt og mér fannst Suðurgatan alltaf vera jólaland. Oft fékk ég að koma í heimsókn rétt fyrir jólin og þá náðum við í jólatré saman og skreyttum. 

Það var nóg af öllu á Skaganum og aldrei skorti neitt. Að mínu mati voru Bára og Doddi sérlegir heimsborgarar sem yndislegt var heim að sækja.

Síðasta samverustundin okkar Dodda í þessu lífi var einmitt núna nokkrum dögum fyrir jól þar sem við fjölskyldan duttum inn í kaffi og spjall, þau voru að skreyta jólatréð, og auðvitað tókum við fjölskyldan þátt í því eins og forðum, allir með, allir velkomnir og í hjartanu leið mér eins og ég væri aftur orðin barn á Suðurgötunni að skreyta fyrir jólin. 

Ég er þakklát fyrir að hafa fengið tækifæri til þess að skapa margar góðar og innihaldsríkar minningar á heimili Dodda og Báru .Þar eignaðist ég líka aðra fjölskyldu sem fylgdi með henni Báru og þar fékk ég alltaf að vera eins og ég var, hoppandi, skoppandi og út um allt. 

Ég hef alltaf verið mikill aðdáandi Villa Vill og einhvernvegin hugsa ég alltaf um gamla hliðið á Suðurgötu 45 þegar þessi partur úr laginu Söknuður heyrist og hann á vel við þó hliðið sé farið.

„Ég gái út um gluggann minn.
Hvort gangir þú um hliðið inn.
Mér alltaf sýnist ég sjái þig.
Ég rýni út um rifurnar,
ég reyndar sé þig alls staðar,
þá napurt er.
Það næðir hér
Og nístir mig.“

Elsku besta Bára mín, Helgi stóri, Anna og börn megi englarnir og allar góðar vættir umvefja ykkur.

Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.

Kær vinur, Þórarinn Helgason, veiktist skyndilega og dó á aðfangadag jóla. Harmafregnin barst á milli vina á aðfangadagskvöld.

Hann var gjarnan kallaður Doddi. Minningarnar streyma fram: Samverustundir vina, heima hjá þeim hjónum, Báru og Dodda.

Á veturna: Inni í hlýju, notalegu stofunni í stóra húsinu þeirra. Á sumrin: Úti í garði: Bakaðar vöfflur í sumarsól með góðu kaffi. Spjallað, prjónað og stundum grillað. Ef rigndi var markísan dregin yfir og kveikt í eldstónni. Setið lengur og sól í sinni.

Gjarnan var gestkvæmt á pallinum. Gestrisni og örlæti þeirra hjóna svo augljóst. Þau nutu þess að fá fjölskyldu og vini í fallega garðinn sinn. Ég kalla hann ævintýragarð. Hann virkar þannig.

Doddi var góður fjölskyldufaðir og afi. Glaður í bragði fylgdist hann með afastelpunum skottast um garðinn, leika sér og biðja afa um ís.

Doddi var vel menntaður og margfróður. Hafði ferðast um ókunn lönd og skoðað heiminn. Ungur fór hann utan til náms og hafði frá mörgu áhugaverðu að segja frá námsárunum.

Það var auðvelt að sökkva sér niður í þannig spjall og gleyma stað og stund. Ferðast um heiminn í huganum. Og tíminn varð afstæður.

Við, fjölskyldan, kveðjum Dodda með þakklæti og biðjum þess að honum líði vel í Sumarlandinu. Við biðjum Guð og bestu englana að umvefja Báru og börnin og vera hjá þeim alltaf.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Þórarinn Helgason

Andlátstilkynning

Útför

Doddi minn

Elsku Doddi frændi

Minning um góðan vin