Okkar ástkæri sonur,bróðir, mágur og frændi. Sveinbjörn Sigjónsson Skipholti 11,Ólafsvík, lést þann 23 nóvember á Landspítalanum við Hringbraut. Útförin hefur farið fram í kyrrþey.

Ragnheiður Víglundsdóttir

Minnist Sveibjörns með hlýju. Vann með honum um tíma í versluninni Kassanum.  Var alltaf svo vingjarnlegur og gott að vinna með honum.  Minningin lifir um góðan dreng. 

[DEFAULT]

﻿Sveinbjörn var alltaf svo rólegur, bliður, góðhjartaður, var vinur allra og  dæmdi fólk ekki.

Hann ﻿var mjög góð og blíð sál og mjög góður vinur. Ég á margar góðar minningar um þennan mikla meistara og hans verður sárt saknað. 

Minningargrein um Sveinbjörn Sigjónsson 

Í lok nóvember barst okkur sú sorgarfrétt að Sveinbjörn Sigjónsson hefði látist, langt fyrir aldur fram. 

Sveinbjörn starfaði við skólann í ellefu ár sem stuðningsfulltrúi og starfsmaður í Skólabæ sem er lengd viðvera skólans. Sveinbjörn varð fljótt vinsæll á meðal nemenda og vann hjörtu þeirra, m.a. tók hann það upp hjá sér að kenna nemendum að tefla þegar tími vannst til. Honum var sérstaklega umhugað um þá nemendur sem voru skjólstæðingar hans og í raun bar hann hag og líðan allra nemenda fyrir brjósti. Fljótlega eftir að hann hóf störf þá fengum við fréttir af því að nemendur vildu vera í Skólabæ vegna þess að Sveinbjörn væri svo skemmtilegur. 

Sveinbjörn vann sér traust samstarfsfólks síns og var einstaklega bóngóður. Hann kom fljótlega að lausn tæknimála á starfstöðinni á Hellissandi og aðstoðaði starfsfólk með tól og tæki. Greiðasemi hans náði út fyrir vinnuna og ein samstarfskona minnist þess að hafa þurft að leita til hans með persónuleg vandræði á jóladag þar sem hún hafði gleymt lykilorði á smáforriti sem hann hafði sett upp í símann hennar og að sjálfsögðu leysti Sveinbjörn úr því máli. Sveinbjörn hafði mikinn áhuga á kvikmyndum og var fljótur til að útvega þær þegar kennarar þurftu á ákveðnum myndum að halda. Þessi aðstoð einskorðaðist ekki við starf og vinnutíma. Önnur samstarfskona, sem deildi áhuga með Sveinbirni á hryllingsmyndum, minnist aðstoðar hans við að útvega slíkar myndir á leifturhraða og allra umræðnanna sem þau áttu um myndirnar. 

Sveinbjörn var í eðli sínu skapgóður rólyndismaður sem kunni best við sig í fámenni. Hann skipti sjaldan skapi og minnumst við ekki að hann reiðst eða pirrast við samstarfsfólk eða nemendur þó stundum hafi verið tilefni til. Hann var glettinn og stutt var í gleðiglampann í augum hans. Hann var góður húmoristi. Samstarfsfólk hans var nær eingöngu kvenfólk sem hann deildi pásum, matar- og kaffitímum með. Þegar karlkyns starfsmaður fór að koma á starfstöðina á Sandi þá þótti honum gott að setjast niður með viðkomandi í einrúmi og ræða um eitthvað annað, s.s. „föðurlífsbólgur“. Hann deildi áhugamálum sínum með samstarfsfólki sínu og var ráðagóður, m.a. var hann matmaður og hafði gaman af eldamennsku og brauðbakstri og var ráðagóður með súrdeigsbakstur. Eins átti Sveinbjörn það til að vera mjög kappsamur sem hann fór afar vel með, þannig minnist samstarfsmaður hans þess að það var honum mikið kappsmál að vera fyrstur að ráða orðagátur sem voru í Dagskránni sem kom vikulega á vinnustaðinn,. Þegar veikindin fóru að gera vart við sig tók hann þeim með æðruleysi og lét ekki sjá hvað þau reyndu á hann. 

Að lokum vottum við fjölskyldu Sveinbjarnar okkar dýpstu samúð.  

Fyrir hönd Grunnskóla Snæfellsbæjar  

Minn kæri vinur, Séra Lávarður Bubbi.

Ég er einhvernveginn enn ekki enn búinn að meðtaka það að þú sért búinn að kveðja í hinsta sinn, ég er enn að bíða eftir skilaboðum frá þér með einhverjum fyndnum athugasemdum, sót svörtu aulabröndurum eða nýjustu nafnbótinni í safnið þitt.

fyrir um 14-15 árum þá kynntumst við í gegnum mág minn í gegnum fjölmörg spilakvöld, maraþon í lélegum bíómyndum um Manndráps tómata eða illvíga ánamaðka. ekki tók það ekki langan tíma fyrir okkur að verða miklir vinir þú reyndar áttir þann eiginleika að geta verið vinur allra, þú gafst öllum séns, þú sýndir öllum jafnan áhuga með jafnaðargeði. 

Það voru ófá verkefnin sem við byrjuðum á en aldrei kláruðum, sennilega því við töldum alltaf tímann vera með okkur.

Við ætluðum okkur að umturna kvikmyndageiranum. Ófáar voru kvöldstundirnar hjá okkur þar sem við ræddum kvikmyndir, skrifuðum heilan haug af hugmyndir af handritum og öðru tengdum verkefnum.

Áttum eftir að fullkomna vöfflu upskriftna okkar ásamt hangikjöts sallatinu, en ég vill meina að við vorum komnir annsi nálægt því og jafnvel búnir að ná því markmiði þótt þú vildir meina að við gætum teigt okkur lengra til himins með það.

það er því erfitt að kyngja því að það verða ekki fleirri rúntar hjá okkur, ekki fleirri kvöldstundir þar sem við tökum pool eða tafl á netinu. Ég meira að seigja á eftir að sakna þess að heyra ekki tuðið í þér.

Takk Bubbi minn fyrir að hafa verið vinur minn. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sveinbjörn Sigjónsson

Andlátstilkynning

Útför

Aðstandendur

Kæri skólabróðir

Kæri skólabróðir

Minningargrein um Sveinbjörn Sigjónsson

Minn kæri vinur, Séra Lávarður Bubbi.