Steinunn Jóhanna Ásgeirsdóttir fæddist í Reykjavík 4. Ágúst 1951. Hún lést á Hrafnistu við Sléttuveg 23.nóvember 2022. Foreldrar hennar voru Björg Einarsdóttir (saumakona og húsmóðir) f. 4.apríl 1924, d. 27.ágúst 2014 og Ásgeir Pétursson flugmaður. f. 5.nóvember 1926, d. 30.júlí 1991. 

Eftirlifandi eiginmaður Steinunnar er Ásgeiri S. Hallgrímssyni f.19. ágúst 1951, þau eignuðust fjögur börn. 

Ásgeir Hallgrímur Ásgeirsson f.16. ágúst 1981 giftur Guðný Rós Sigurbjörnsdóttur f.12. desember 1980 börn þeirra eru Sigurrós Nótt f.21. september 2003, Ástrós Vígdögg f.7. maí 2008 og Ásbjörn Dreki f.23. maí 2016, Björg Aðalheiður Ásgeirsdóttir f.9. júní 1984 gift Davíð Erni Ingasyni f.27. júní 1984 börn þeirra eru Júlíus Jóhann f.26. desember 2004, Aldís Elka f.16. desember 2008, Elías Ernir f.26. júní 2010, Steinþór Ívar f.12. október 2014 og Freyja Björg f.14. ágúst 2018, Karólína Vigdís Ásgeirsdóttir f.2. janúar 1990 í sambúð með Majid Zarei f.22. mars 1991 og Árni Sigurður Ásgeirsson f.31. janúar 1992 í sambúð með Sigríði Ingu Pálsdóttur f.14. nóvember 1997. 

Systkini Steinunnar eru Einar Magnús f.27. apríl 1953, María f.22 október 1959 og Pjetur Georg f.3. desember 1966, d. 25. Júní 2019.

Steinunn og Ásgeir giftu sig 4. júní 1983 og héldu alltaf heimili að Óðinsgötu 23 í Reykjavík, æskuheimili Steinunnar. 

Steinunn var fyrsta barn foreldra sinna og bjó að Óðinsgötu 23 með foreldrum sínum, Einari bróður sínum, Steinunni ömmu sinni og Árna föðurbróður sínum þar til hún varð 5 ára. En Steinunn minntist þess dags alla tíð þegar þau fjölskyldan fluttust búferlum til Bandaríkjanna þann 4 ágúst 1956 á 5 ára afmælisdegi hennar.

Fyrsta hálfa ár fjölskyldunnar fór í atvinnuleit föður hennar þar til þau enduðu í Baltimore í desember 1956 en þar bjó ömmusystir Steinunnar. Steinunn gekk í barnaskóla í Baltimore og síðar fór hún í Western High School, þar átti hún ótal margar góðar minningar og talaði oft um það við okkur börnin sín.

Fjölskyldan flutti síðan í sýslu rétt fyrir utan Baltimore árið 1965, Steinunn saknaði alltaf vinkvenna sinna úr borginni og fannst henni óbærilegt að búa svona langt í burtu frá þeim, en hún kláraði síðasta árið sitt í Western High þó þau væru flutt á annan stað. 

Árið 1966 eignaðist hún síðan lítinn bróður sem henni þótti óendanlega vænt um frá fyrsta degi og passaði hann mikið fyrir foreldra sína. Strax á unga aldri var Steinunn farinn að sýna hvað hún hafði mikinn áhuga á börnum og það sýndi sig alveg fram á síðasta dag hennar. Hún var aðal barnapían í hverfinu sem þau bjuggu í og var mjög eftirsótt. 

Steinunn fór síðan í University of Maryland að læra…

Árið 1974 ákvað Steinunn að hana langaði til þess að prufa að búa á Íslandi, enda var Íslendingurinn í henni alltaf svo sterkur. Hún bjó þá á Óðinsgötunni hjá Árna frænda sínum sem henni þótti óendanlega vænt um. Hún hóf nám við Háskóla Íslands og lærði þar Íslensku fyrir útlendinga, henni fannst þó ekki mikið til koma með það nám enda tapaði hún aldrei íslenskunni sinni þegar hún bjó úti.

Hún vann á þessum árum hjá póst og síma en Árni frændi hennar var yfirmaður þar og útvegaði henni vinnu, hún hafði gaman af að fara út að skemmta sér með vinkonum og frænkum og eitt sem var algjört prinsipp atriði þegar hún fór að skemmta sér var að vera alltaf á 10 cm háum hælum og ef hún gat horft upp á strákana sem hún var að dansa við þá voru þeir eiginmannstilefni. Hún kynnist á þessum árum honum Ásgeiri sínum, hún gat verið á 10 cm hælum en samt var hann rúmlega 10 cm hærri. 

(Steinunn kynntist Ásgeiri sínum á Klúbbnum í Borgartúni)

Árið 1981 eignast hún sitt fyrsta barn hann Ásgeir sinn, og ekki leyndi sér hvað móðurhlutverkið var henni eðlislægt. Hún giftist síðan Ásgeiri Hallgrímssyni árið 1983 og eignuðust þau síðan dóttur hana Björgu árið 1984, Karólínu árið 1990 og síðan litla barnið sitt hann Árna árið 1992.

Steinunn lagði mikla áherslu á að vera alltaf til staðar fyrir börnin sín, hún ákvað þegar hennar elsta barn hóf skólagöngu að hún yrði bekkjaformaður og síðan liðu árin og hún var ávallt í forsvari fyrir bekkina hjá börnunum sínum og síðar formaður foreldrafélags Austurbæjarskóla, þau börnin hennar hafi nú alls ekki verið eins hrifin af þessu uppátæki hennar eins og henni sjálfri þá er það alveg ómetanlegt hvað hún vann mikla vinnu fyrir skólann. Hún hætti síðan þegar hennar yngsta barn kláraði 10 bekk, sem gerir yfir 20 ár í að sinna sjálfboðastarfi í þágu barnanna sinna. Hún var einnig um tíma formaður Samfok og gegndi því starfi til sóma.

Steinunn sat lengi vel fyrir sem módel í Myndlistaskóla Reykjavíkur fyrir nemendur sem voru að spreyta sig á að teikna kvenmannslíkamann, þetta gerði hún bæði fyrir sjálfa sig og nemendurna sem þótti ótrúlega vænt um að hún gæfi sér tíma í þetta, seinna meir notaði hún launin sem hún fékk til að greiða fyrir myndlistakennslu elsta sonar síns sem hafði mikinn áhuga á myndlist.

Þeir sem þekktu Steinunni segja allir það sama um kökurnar hennar; eitt orð VÁ bestu kökur í heimi. Súkkulaðikaka Steinunnar var hennar meistarastykki, uppskriftina vildi hún ekki deila fyrr en mjög seint eða þegar börnin hennar vildu fara að baka fyrir barnaafmæli. Hún bakaði á hverjum degi fyrir kaffihúsið 22 í nokkur ár bæði súkkulaðikökuna og eplapæið sitt fyrir góða vinkonu sína sem rak kaffihúsið. Þetta gerði hún með tvö ung börn meðan Ásgeir maðurinn hennar vann vaktavinnu á Borgarspítalanum og aldrei kvartaði hún yfir að þetta væri mikil vinna heldur fannst henni ómetanlegt að geta gefið af sér og leyft öðrum að gæða sér á þessum dásemdar kökum sem hún gerði svo frægar. 

Á tímabili vann hún fyrir Vífil frænda sinn og teiknaði raflagnir og pípulagnir í margar byggingar en hún var gædd mjög faglegum og fallegum teiknihæfileikum. Seinna meir unnu þau Vífill að því að teikna upp viðbygginguna að Óðinsgötunni og það sem hún var stolt af því og gat ekki beðið eftir að bjóða foreldrum sínum að sjá afraksturinn sem síðan Ásgeir maðurinn hennar, pabbi hennar og tengdapabbi náðu að vinna saman að byrja á, ómentanleg stund fyrir mennina í hennar lífi.

Þegar Steinunn missti síðan pabba sinn langt fyrir aldur fram stóð hún sterk uppi og sinnti börnunum sínum eins og hetja, nýorðin ófrísk af yngsta syni sínum. Hún kenndi þarna þann ótrúlega kærleik að standa uppi sterk fyrir börnin sín þó hún væri að upplifa óraunverulegan missir.

Steinunn hafði frá unga aldri haft mikinn áhuga á þjóðbúningum og sá áhugi var til staðar alla tíð, Steinunn gerði sér lítið fyrir og endurgerði upphlut ömmu sinnar, síðar saumaði hún einnig upphluti á dætur sínar og systir og einnig barnabörnin. Hún varð alltaf svo stolt þegar mæðgurnar voru saman komnar á samkomum í upphlutunum sínum. Einnig skrifaði hún margfalda meistararitgerð um þjóðbúninga sem einn daginn mun fá að láta ljós sitt skína.

Steinunn lærði einnig að fljúga flugvél en pabbi hennar var flugmaður og flugkennari, hann lagði mikinn metnað í að kenna dóttir sinni að fljúga þegar hann eignaðist sína fyrstu vél árið 1979, en þá tók Steinunn einnig einkaflugmanns próf og var ákaflega stolt af því og þá sérstaklega þar sem það var pabbi hennar sem kenndi henni.

Steinunn var einnig með mikinn áhuga á bílum en það sem henni þótti þó allra skemmtilegast var að fá að keyra og keyra hratt sem hún gerði í ófá skipti þegar hún og Ásgeir maðurinn hennar fóru erlendis. Ein minning sem stendur hátt var þegar þau Ásgeir fóru saman til Frakklands og fengu leigðan splunkunýjan 6 gíra Lexus og Steinunn tók ekki annað í mál en að fá að keyra. Þau keyrðu alla leið til Ítalíu saman upp alla fjallavegi og keyrði hún hraðast á 180 km hraða meðan Ásgeir sat slakur í farþegasætinu en þarna má lýsa ótrúlegu trausti sem vakti yfir þeirra hjónabandi. 

Steinunn tók líka ekki annað í mál en að hún kenndi sínum börnum að keyra en hún var svo örugg alla tíð þegar kom að faratækjum.

Steinunn og Ásgeir áttu kærleiksríkt og fallegt samband sem einkenndist af húmor, og ást. Þau gátu spjallað saman öllum stundum, grínast með hluti þó oft sem Steinunni þótti Ásgeir sinn ekkert alltaf fyndinn en þá gat hún alltaf hlegið af hlutum eftir á þegar hún var búin að skamma hann smá. Eitt dæmi sem er sterkt í minni okkar er þegar jarðskjálftinn stóri reið landið árið 2000 en þá voru Steinunn, Ásgeir, Karólína og Árni stödd á Árbæjarsafni og Steinunn var á efri hæðinni og Karólína með henni á Laufásvegi 31 ásamt nokkrum konum allar klæddar í þjóðbúning þegar skjálftinn hófst og Árni og pabbi voru í stiganum þegar allt húsið nötraði, Ásgeir hélt þá að þær konurnar væru farnar að dansa þjóðdansa með svo miklum látum og þeir fara upp feðgarnir og spyrja útí það. Þetta þótti Steinunni ekki fyndið á þeim tímapunkti þó vissulega hefði hún haft gaman að því seinna meir og sagði fólki þessa sögu oft eftir það.

Árið 2004 tilkynnir Björg dóttir hennar foreldrum sínum að hún eigi von á barni, Steinunn var nú alls ekki kát með þær fréttir enda dóttirin búin að ganga í gegnum erfið veikindi á unglingsárunum og var einungis 19 ára gömul. Steinunn þurfti smá tíma til þess að melta þessar fréttir, en eins og flestir vita þá var Steinunn ákveðin kona sem var jafn fljót upp eins og hún var niður. Síðar þegar leið á meðgönguna af hennar fyrsta barnabarni þá varð hún strax besta amma sem hægt var að hugsa sér. Hún verslaði heilan helling af fötum á tilvonandi barnabarnið og gat ekki beðið eftir að kynnast þessum unga manni sem gerði hana af ömmu, hann Júlíus Jóhann. Hún passaði hann alveg frá fyrstu mínútu og var mjög dugleg að sinna honum, fara með hann í leikskólann og sækja, passa hann um helgar og kvöldin þegar mamma hans var að vinna, sjá um að hann fengi alltaf eitthvað gott að borða osfrv. Síðan bættist í barnahópinn og Steinunn eignaðist eitt bónus barnabarn hana Sigurrós Nótt þegar Ásgeir sonur hennar kynntist henni Górý sinni. Síðan eignuðust þau dóttur árið 2008 hana Ástrósu Vígdögg og önnur stelpa bættist í hópinn seinna sama ár hjá Björgu, hún Aldís Elka, áfram héldu barnabörnin að bætast í hópinn og amman alltaf jafn glöð að fá fréttir af nýjum afkomendum. Elías Ernir fæddist árið 2010, Steinþór Ívar árið 2014, Ásbjörn Dreki árið 2016 og loksins Freyja Björg árið 2018. 

Steinunn hikaði ekki við það að passa öll barnabörnin sín, sama hvaða tíma dags það var. Ef þau voru veik þá vildi hún frekar að við sinntum vinnu og hún skyldi passa. 

Árið 2009 ákvað Steinunn að skella sér aftur á skólabekk og nú skyldi hún læra eitthvað sem hún hafði alla tíð haft áhuga á en það var Þjóðfræði, hún kláraði allt námið en alltaf sat ritgerðin eftir, hún er til og er yfir 70 blaðsíður af þvílíku meistaraverki um Fataeign kvenna sem létust árið 1843 í Rangárvallasýslu.

 Þegar Steinunn var við það að klára síðustu önnina sína í Þjóðfræðinni þá helltist yfir fjölskylduna mikið áfall þegar Steinun fór í hjartastopp og var vart hugað líf. Við fengum þó að hafa hana hjá okkur í tæp 10 ár í viðbót og erum óendanlega þakklát fyrir þann tíma sem við öll fengum í viðbót.

Þegar Steinunni fór að versna árið 2018 þá tókum við fjölskyldan ákvörðun um að gera allt til að henni liði sem allra best og hennar hagur væri alltaf í fyrirrúmi, við erum ómetanlega þakklát fyrir hjúkrunarheimili Hrafnistu á Sléttuvegi, stafsfólkið þar gerði allt til að Steinunni liði sem best og höfum við fengið sögur af því hvað hún var alltaf jákvæð og skemmtileg og með sterkan og fallegan persónuleika og ekki leyndi sér þegar hún fékk fólkið sitt í heimsókn, hún ljómaði öll og sagði alltaf „Hvað ert þú að gera hér“ en naut síðan hverrar mínútu sem við sátum hjá henni og spjölluðum. Skemmtilegast þótti henni samt að fá barnabörnin í heimsókn. Hún gerði í því að stríða Ásgeiri manninum sínum alveg fram á síðasta dag. En það síðasta sem hún sagði við pabba þegar hann spurði hana „veistu hvað ég heiti“ þá hikaði hún ekki við að svara og sagði „Jón Njörður þriðji“  þetta undirstrikar þeirra skemmtilega húmorsmikla samband.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Steinunn Jóhanna Ásgeirsdóttir

Útför

Ertu með minningargrein?