Ástkær eiginkona mín, dóttir, móðir okkar, tengdamóðir, amma og langamma
lést á líknardeild Landspítalans, fimmtudaginn 20. janúar. Útför fór fram í Bústaðakirkju, 7. febrúar sl. 

Við aðstandendur viljum senda öllum þeim sem veittu okkur ómetanlega aðstoð og stuðning,  innilegar þakkir. 

Stefanía Þorvaldsdóttir fæddist á Ketilsstöðum í Jökulsárhlíð þann  24. janúar 1956. Hún lést á líknardeild Landspítalans 20. Janúar 2022.

Foreldrar hennar eru Þorvaldur Jónsson frá Torfastöðum í Jökulsárhlíð f. 13 janúar 1931 og Fregn Björgvinsdóttir frá Ketilsstöðum í Jökulsárhlíð  f. 15. október 1934, d. 8 apríl 2005

Stefanía (oft kölluðu Stebba) var elst sjö systkina.  Þau eru 1. Jón Torfi f. 18. október 1957.  2. Björgvin Ketill  f.  25. desember 1959. 3. Margrét f. 25. desember 1959. 4. Vordís f. 25. apríl 1964. 5. Frigg f. 14. desember 1966 og 6. Þorri f. 14. desember 1966.

Árið 1975 giftist Stefanía Víglundi Rúnari Jónssyni  f. 1 desember 1953.  Þau skildu.

Þann 19. nóvember 1988 giftist Stefanía Kristjáni Ágústi Baldurssyni f. 1. nóvember 1954,   starfsmaður hjá Toyota. Foreldrar hans voru Baldur Kristjánsson f. 28. ágúst 1923 d. 24.október 1994 og Unnur Sveinsdóttir f. 7. mars 1923  d. 27. júní 2016.

Dætur Stefaníu og Víglundar Rúnars eru; 1. Jórunn Fregn f. 21. október 1973, gift Árna Inga Steinssyni  f. 30. október 1970.  Börn Jórunnar Fregnar og Sverris Steindórssonar eru Stefanía Lind, Sigurður og Jón Theodór. Börn Árna Inga frá fyrra sambandi  eru Ingibjörg Erla  og Steinn Ingi.  Jórunn Fregn og Árni eiga samtals  6 barnabörn. 

 2. Hilda Bára  f. 24. október 1975, gift Sigurði Gunnari Gunnarssyni f. 15. september 1965. Synir þeirra eru Þorvaldur Daði og Eyþór Andri. Börn Sigurðar frá fyrra hjónabandi eru Gunnar og Ásta Sigríður.  Hilda Bára og Sigurður eiga eitt barnabarn. 

Synir Stefaníu og Kristjáns eru: 1. Baldur fæddur 21. mars 1989,  í sambandi með Brynju Þórsdóttur f. 11. júní 1987.  2. Finnur f. 1. ágúst 1991,  í sambúð með Önnu Köru Eiríksdóttur.  Barn Finns og Áslaugar  Brynju Ingþórsdóttur er Ísak Nóel.

Fyrstu 10 ár ævinnar bjó Stefanía ásamt fjölskyldu sinni að Háafelli í Jökulsárhlíð og  hóf skólagöngu sína að Hrafnabjörgum í Jökulsárhlíð. Ellefu ára gömul flutti hún ásamt foreldrum og systkinum suður til Reykjavíkur. Þar gekk hún í Álftanesskóla, Árbæjarskóla og lauk síðan skólagöngu sinni í Ármúlaskóla. 

Árið 1985 flutti Stefanía á Seyðisfjörð og starfaði þar í fiski næstu árin, þá snýr hún aftur til Reykjavíkur og hóf sambúð með Kristjáni. 

Stefanía vann við ýmis verslunar og þjónustustörf en lengst af í Þinni verslun við Seljabraut í Breiðholti og  þaðan þekktu hana margir. Eftir að Þín verslun lokaði starfaði Stefanía með Jórunni dóttur sinni sem dagforeldri. Síðustu árin starfaði hún á Hrafnistu í Hafnarfirði, þar sem hún unni sér mjög vel.  Hvar sem Stefanía var við störf, var hún best þekkt fyrir mikla atorkusemi og dugnað.

Frigg Þorvaldsdóttir

Elsku besta Stebba mín ætla rétt að vona að  þú hafir hitta pabba og að ykkur líði vel núna og svo vona ég að þið séuð öll sameinuð þú og pabbi og mamma og allir þeir sem eru farnir í blómalandið.Söknuðurinn er mikill en þá, en er ekki sagt að tíminn lækni öll sár.Skilaðu kærri kveðju til allra elska ykkur 

Elsku hjartans Stebba mín ❤hugsa til þín á hverjum einasta degi❤

[DEFAULT]

Það varst þú sem rakst mann og annan til læknis ef hann svo mikið sem hnerraði, eða svo gott sem. En það tók aðeins 190 daga fyrir krabbameinið að taka þig frá okkur. Frá því við fengum þær fréttir að þú værir með óskurðtækt æxli og meinvörp. Meinið  hafði átt  mun lengri dvalartíma í litla kroppnum þínum áður en þú fékkst loksins til að láta athuga þessa stöðugu verki sem þú varst búin að vera með. 

Augnablikið á fundinum með lækninum mun ég ávallt geyma í hjarta mínu. Ró þín og yfirvegun þegar okkur voru sögð tíðindin var svo aðdáunarverð. En ég gat ekki horft á þig, augun störðu svo stíft á lækninn að ég hefði sennilega getað brennimerkt hann með þeim.  Ég heyri þig segja: Já ok, einmitt, þetta er bara verkefni sem þarf að klára. Hvað tekur nú við?   Þannig varstu allt meðferðarferlið þar til yfir lauk. Róleg og yfirveguð.   Aldrei sá ég þig beygja af, þú gerðir það kannski í einrúmi.  Þú varst alltaf sterk fyrir okkur. 

En við ætlum ekki að staldra við það sem við getum ekki breytt. Þú kenndir mér það.  Það tók tíma en ég held að ég sé að ná þessu. Þú varst mín besta vinkona og ósjaldan leitaði ég til þín með eitt og annað sem lá mér á hjarta. Þú áttir alltaf góð ráð eða  náðir ávallt að sýna mér hlutina frá öðru sjónarhorni en ég sá og oftar en ekki  fór ég sáttari frá borði eftir heimsókn til þín. Þú varst mín klappstýra. 

Ró þín og yfirvegun skein skært ef eitthvað bjátaði á hjá okkur systkinunum eða nánasta fólkinu þínu. Ég held ég tali fyrir marga þegar ég segi hversu gott var að hlusta á þig með okkar öll heimsins vandamál eða hafa þig nálægt þegar stórir sem smáir viðburðir gengu á í okkar lífi. Það varst það þú sem hughreystir eða leyfðir okkur að baula þar til okkur leið betur. Já, fyrstu 100 árin eru vandlifuð, sagðir þú oft.

Sama hvað var, ef einhver var að flytja,  var í framkvæmdum, að fara að halda veislu,  að halda Vogadaga eða Skræk, ef börn eða barnabörnin þurftu pössun, já hvað sem er, þá varst þú ekki svo róleg og yfirveguð, ónei! Áður en maður vissi af, þá voru þú eða  Kristján komin til að hjálpa en oft komuð þið saman. Það eru nokkrir vatnslásar sem liggja í valnum, eða bakarofn hefur ekki jafnað sig ennþá eftir að þú komst nálægt með skrúbbinn að vopni. Skipulag heimila tók oft góðum breytingum þegar þú hafðir komið við hjá okkur systkinum og elsta barnabarni þegar hún fór að búa en ef við vorum að heiman á meðan, þá áttu þá helst tengdasynirnir það til að hringja í þig eftir upplýsingum um hvar sumir hlutir áttu nú stað.

Það verður erfitt að feta þín spor sem þú markaðir svo djúpt. Þú ert mín fyrirmynd og ég mun ávallt hafa hana að leiðarljósi. Ég elska þig, mamma mín. Taktu utan um ömmu Fregn fyrir mig. Ég veit að þið tvær lítið til með okkur hinum. 

Ég mun taka utan um okkur systkinin, Kristján þinn, ömmubörnin þín,  langömmubörn,  afa og syskini þín. Við öll sem elskum þig og söknum munum styrkja hvort annað í sorginni. 

Það voru þung sporin sem voru tekin í dag þegar 

Ég bíð og bíð eftir því að vakna, því ég óska þess svo innilega að þetta sé bara martöð, Mér líður sem ég fljóti fyrir utan þennan heim, og að þetta sé ekki veruleikinn.

Þann 15 júlí 2021 er dagur sem mun  seint ef einhvern tímann  fara úr minni mér því þá breyttist lífið hjá okkur systkinum og Stjána að eilífu.. síðasta hálfa árið er búið að vera ansi erfitt fyrir okkur og þig, þú ert hetjan mín sem barðist til síðasta blóðdropa við þetta bévitans krabbamein sem og þú gerðir og stóðst þig frábærlega, ég er svo gífurlega stolt af þér. 

Þegar þetta er skrifað eru 11 dagar síðan þú lést, 11 dagar síðan ég talaði við þig síðast, 11 dagar síðan ég kyssti þig bless.  Ég held að ég gæti talið á fingrum annara handar hversu oft það hefur liðið svo langur tími frá því ég heyrði frá þér og ég fæ nýstandi sársauka í magann þegar ég hugsa til þess að hann eigi aðeins eftir að lengjast.  En mér líður betur að vita  að þú er laus við alla verki og mér líður betur að vita, að amma er hjá þér og hefur tekið á móti þér. 

Ég veit ekki hvernig lífið verður án þín, ég veit ekki hvernig ég get haldið áfram án þín, Þú varst kletturinn í lífi mínu og minna barna, Þú varst alltaf til staðar þegar við þurftum aðstoð við hitt og þetta. 

Þú varst stoð mín og stytta, mín besta vinkona og við vorum mjög nánar og þannig varst þú við okkur öll fjögur systkinin. 

 Þegar þið pabbi skyldu þegar ég var 8/9 ára þá fluttum við tvær saman fyrst til ömmu og afa í Hafnarfjörðinn, og síðan austur á Seyðisfjörð. Þar sem þú fórst að vinna í fiski og vorum við þar í smá tíma,  en það var dálítið flakk á okkur eftir skilnaðinn, en það hægðist nú verulega á okkur þegar við fluttum suður, Jóa flytur til okkar og Þú kynnist Stjána þínum.

Margir hafa hringt í mig og sent mér skilaboð og öll þessi skilaboð eiga eitt sameiginlegt þau segja að þú hafir verið mjög litríkur karakter, hlý og umhyggjusöm, og það varst þú svo sannarlega, hvert sem þú fórst varstu hrókur alls fagnaðar það, það fór aldrei á milli mála þegar Stebba var á staðnum. Það heyrðu það líka allir í margra km fjarlægð .

Mér leið svo vel heima, að ég flutti ekki að heiman fyrr en ég var 23 ára, en það stóð reyndar ekki lengi, því þegar ég varð ófrísk af Þorvald Daða þá kom ekki annað til greina en að ég flytti aftur til ykkar Stjána, því ég hafði ekki efni á að leigja, eða kaupa íbúð. Fyrstu tvö árin bjuggum við Þorvaldur hjá ykkur Stjána ásamt Baldri og Finni í Rjúpufelli. Þegar við Þoraldur fluttum í okkar íbúð þá fórum við ekki langt, rétt í næstu götu og síðan eftir það þá  fluttum við ennþá nær svo Þorvaldur hafði góðan aðgang að ykkur þar sem ég var að vinna á tveimur stöðum og var ykkar heimili hans annað  heimili.  Það hefur reyndar alltaf verið mjög stutt á milli heimilanna okkar oftast nær bara í næstu götu svo að segja , nema þegar við Siggi fluttum í Hafnarfjörðin,  en þið komuð sem betur nokkrum árum seinna í fjörðinn fagra og þá bara hinum megin við götuna hjá okkur,  þið voruð  nokkurn veginn í miðjunni, nálægt öllum börnunum ykkar þar, því þið vilduð ekkert vera of langt í burtu frá okkur. 

Þú varst ein af þeim sem setti sig alltaf í annað sæti og aðra og þá aðalega börnin þín í fyrsta sæti.  Alltaf tilbúin til þess að passa fyrir mann hvort sem það var í hálftíma eða nokkra daga.. Ef það kom fyrir að þú lofaðir upp í ermina á þér, þá reddaðir þú bara pössuninni sjálf án þess að láta okkur vita að því. Ef þú passaðir fyrir okkur yfir helgi eða yfir nætur, þá var oftar en ekki búið að taka alla skápa og gólf í gegn og það var ekki ósjaldan sem þú fékkst símtöl þar sem við þurftum upplýsingar um hvar dótið okkar væri, eftir tiltektirnar þínar. Alltaf voruð þið Stjáni  komin til aðstoðar  þegar veislu bar að höndum hjá okkur eða þegar við vorum að flytja ( sem var nú ekkert sjaldan hjá okkur fjölskyldunni enda köllum við okkur Flakkararnir )  þá varst þú komin með tuskuna og Stjáni komin með pensilinn áður en maður vissi af.

Elsku mamma, Ég gæti skrifað endalaust um þig. 

Elska þig svo mikið,  ég sé þig aftur þegar minn tími kemur og treysti á það að þú  og amma taki þá vel á móti mér, en  þangað til veit ég að þið tvær horfir niður til okkur og vakið yfir okkur. 

Takk fyrir allt sem þú gerðir fyrir mig og mína, ég mun alla tíð sakna þín meira en orði fá lýst. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Stefanía Þorvaldsdóttir

Andlátstilkynning

Útför

Aðstandendur

Þakkir

Elsku mamma mín

Elsku Mamma mín