Elsku Sonja okkar , frumburðurinn okkar er farin í ljósið hjá drottni en hún varð bráðkvödd þann 9. Júní sl. og hittir þar nýlátna ömmu sína hana Báru Jónsdóttur frá Hafnarnesi sem lést á Hrafnistu í Hafnarfirði 4. Júní sl. 

Hún Sonja okkar var einstaklega góð manneskja vildi öllum ávalt það besta og var einstaklega hjálpleg þegar hún gat aðstoðað vini og vandamenn.

Sonja var mikil listkona á mörgum sviðum , hún var virkilega góður listmálari og bera málverkin hennar góðan vott um það.

Hún hafði lært förðunarfræði sem hún var virkilega flink í  og ekki má gleyma þeim listrænu hæfileikum sem hún sýndi í allri matargerð, en hún var einstaklega góð í allri matreiðslu. 

Og var virkilega gaman að sjá myndirnar sem hún sendi okkur á Facebook síðunni sinni af glæsilegum réttum sem voru listænt upp settir og við getum borið um það að allt sem hún eldaði smakkaðist einstaklega vel.  Hún ræktaði ýmsar krydd jurtir ,  en uppáhalds jurtin hennar var Skessujurtin sem hún ræktaði af mikilli alúð og notaði hún hana mikið í matargerð sinni einkum þó þegar hún gerði frábæru kjötsúpuna sína. 

Elsku Sonja við eigum eftir að sakana þess að geta ekki hringt í þig eða þú í okkur eins og við vorum vön að gera nær daglega og eins að hlæja saman þegar við komum til þín í kaffi þegar við fórum að versla á Selfossi, já það myndast svo sannarlega tómarúm við fráfall þitt elsku Sonja okkar en þú verður alltaf sterk í minningum sem við eigum svo margar og fallegar um þig.

Og við eigum svo sannarlega eftir að sakna kveðju orðana þinna sem þú kvaddir okkur alltaf með í lok símtalana okkar, en þú kvaddir okkur alltaf með þessum orðum “ Ég elska ykkur bæði 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sonja Sól Einarsdóttir

Útför

Ertu með minningargrein?