Elskuleg móðir okkar, tengdamóðir, amma og langamma, 
Soffía Magnúsdóttir lést á Hrafnistu, Nesvöllum 4. mars 2022. 
Eiginmaður var Helgi Kristjánsson f.24.07.25 d.14.08.2002

Elskuleg móðir okkar lést 4.mars á Hrafnistu, Nesvöllum.  Útför hennar fer fram frá Keflavíkurkirkju fimmtudaginn 24.mars 2022 kl.13:00.

Soffía Magnúsdóttir fæddist 11.febrúar 1927 á Ísafirði

For:Guðbjörg Sumarliðadóttir frá Bolnungarvík, húsmóðir og Magnús Guðjónsson frá Ísafirði sjómaður. Systkini: Sveinn, Sigríður, Jóna og Sóley öll látin.

Systkini samfeðra: Karl Höfðdal, Hrefna, Ragna, Guðjón og tvíburarnir Þórir og bróðir sem lést í fæðingu. Karl, Hrefna og Ragna lifa.

Foreldrar skilja árið 1931 og fer hún þá í fóstur í Tungu í skutulsfirði

Fóstuforeldrar: Kristín Hagalínsdóttir og Halldór Jónsson

Uppeldisbræður: Sigrjón og Bjarni Halldórssynir og Ebenezer Þórarinsson.

Hún gekk í Skóla í sveitinni frá 7 ára aldri til 14 ára þá tók hún fullnaðarpróf. 

Síðar fór hún í húsmæðraskólann á Laugarvatni og ári seinna á Hallormsstað.

Maki: Helgi Kristjánsson frá Suðureyri f:24.júlí 1925 látinn 14.ágúst 2002

Sveinn giftur Árdísi Láru Gísladóttur, börn: Ingibjörg Soffía látin, Guðbjörn Helgi, Ingibjörg Guðmunda og Sigurvin Þór.

Magnús giftur Björgu Gunnsteinsdóttur, börn Theodóra og  Gunnsteinn. 

Rúnar giftur Þuríði Árnadóttur börn: Gréta Soffía, Árni Freyr, Óskar og Aldís Helga.

Smári giftur Hjördísi Björk Garðarsdóttur, börn: Jón Frímann, Kristján Þór, Bergþór Ingi, Helgi látinn, og Alexander Aron.

Kristín gift Þorbirni Péturssyni börn: Ástþór Ingi, Hafdís Ósk og Laufey Soffía.

Soffía sinnti ýmsum störfum hún starfaði hjá Ragnarsbakarí í Keflavík og í gagnfræðskóla Keflavíkur en lengst af starfaði hún hjá Keflavíkurbæ og síðar Reykjanesbæ þar sem hún sá um félagsstarf aldraðra og var forstöðumaður fyrir íbúðir aldraðra.

Soffía tók þátt í ýmsum félagsstörfum eins og málfreyjum, var mjög virk í félagi eldri borgar og var formaður Styrktarfélags aldraðra á Suðurnesjum um tíma.  Hún barðist fyrir hjúkrunarheimili í Reykjanesbæ og var þátttakandi í að taka  fyrstu skóflustunguna af þjónustumiðstöð Nesvalla.

Hún söng með Eldey kór eldri borgara til margra ára og var virk í því starfi, hún sinnti mörgum ábyrgðastörfum fyrir kórinn.

[DEFAULT]

Elsku mamma hefur kvatt þennan heim og er komin í sumarlandið sem hún talaði oft um, hún var viss um það að vera í sumarlandinu væri góður staður þar sem henni liði vel.  Já það er erfitt að kveðja mömmu sem var mín helsta fyrirmynd, trygg, góð, hvetjandi og alltaf til staðar.  

Ég hef oft fengið að heyra hvað mamma væri frábær manneskja, góð og alltaf tilbúin að leggja mér hjálparhönd þegar á þurfti að halda.  Þegar ég var með börnin mín lítil og vann mikið þá var mamma ævinlega boðin og búin að leggja mér lið.  Börnin mín þrjú hafa svo sannarlega fengið að njóta þess að eiga þessa frábæru ömmu.  Þegar hann Ástþór minn fæddist og ég þurfti að fara að vinna þá gerði mamma allt til að aðstoða okkur og passa drenginn og dætur mínar nutu samvista við ömmu sína líka.  Börnin mín líta upp til ömmu sinnar og oft var hún þeim afar mikilvægt skjól.  

Mamma taldi sig venjulega konu en hún var svo sannarlega langt frá því að vera venjuleg, í mínum huga var hún ofurkona sem gerði allt sem þurfti að gera til að lífið væri sem best fyrir okkur öll.  Ég man eftir henni þegar ég var barn og við bjuggum á Miðtúninu fimm börn í þriggja herbergja íbúð samt alltaf nóg pláss.  Ég var yngst fimm systkina og eina stelpan í hópnum.  Á þeim árum starfaði mamma í Ragnarsbakarí í Keflavík það var skemmtilegt að koma við í bakaríinu og fá eitthvað góðgæti ef einhver afgangur var í lok dags.  Seinna fór mamma að starfa í gagnfræðaskóla Keflavíkur á kennarstofunni.  Hún talaði um störfin sín af mikilli virðingu.  Hún bar ómælda virðingu fyrir kennurunum sem störfuðu í gagnfærðskólanum og lagði sennilega á þeim árum línuna fyrir mínu lífsstarfi.  Þegar hún sagði frá kennurunum þá voru þeir í miklum ljóma en þannig manneskja var mamma bar ómælda virðingu fyrir fólki og störfum þeirra.  Það var afar mikilvægt að alast upp í slíku umhverfi.  Seinna meir fór mamma að vinna hjá Keflavíkurbæ sem forstöðumaður yfir íbúðum fyrir aldrða.  Hún skilaði starfi sínu af miklum metnaði og natni við alla sem voru á hennar vegi. Hún endaði starfsævina hjá Reykjanesbæ við öldurnarþjónustu og tók mikinn þátt í uppbyggingu Nesvalla.

Mamma hvatti mig til náms og eftir að elsti sonur minn fæddist þá sótti ég um í Fósturskóla Íslands og komst inn og  hún studdi mig í einu og öllu til að ég gæti klárað námið og er ég henni ævinlega þakklát.  

Mamma var svo einstök kona aldurinn færðist yfir og síðustu tvö ár hafa verið henni erfið eins og mörgum þar sem covid hefur herjað á okkur og sóttvarnartakmarkanir.  Mamma var svo mikil félagsvera og það var henni mjög erfitt að sjá ekki fólkið sitt eða fá fólkið sitt í heimsókn.  

Hún var alltaf glöð og brosandi og átti hvert bein í öllum sem urðu á vegi hennar og þá sérstaklega börnum og barnabörnum.  Ég minnist þess þegar hún bjó á Kirkjuveginum í Keflavík í húsi fyrir aldraða, þegar ég kom í heimsókn þá heyrðist skvaldur og hlátur um gangana þá sátu þær vinkonurnar í spjalli á ganginum og hlógu og nutu samvista oft hef ég sagt að ég ætla að vera eins og mamma þegar ég eldist og ég vona að mér beri gæfa til þess.  

Mamma náði því að vera 95 ára það var alltaf stutt í grínið hjá henni og við grínuðumst oft með það að hún yrði 100 ára og ég örugglega líka. Henni fannst það nú of mikið en gat samt gantast með það.  Þrátt fyrir verki og þreytu í skrokknum síðustu árin  þá missti hún ekki húmorinn var alltaf með hann til staðar, síðasta kvöldið hennar í þessu lífi þá kom ég til hennar og hún fer að segja mér að tíminn hennar sé að styttast að pabbi hafi komið til hennar um morguninn og sagt henni það og við hlógum og fífluðumst með þetta, hversu dýrmæt stund að eiga þessa síðustu kvöldstund í hlátri með mömmu.  Mikið á ég eftir að sakna þess að hlæja með mömmu að öllu og engu.

Elsku besta mamma mín takk fyrir allt og allt. þín verður sárt saknað en ég veit að þér líður vel núna í faðmi pabba og vinkvenna þinna sem fóru á undan þér og hlæja með þér hinum megin. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Soffía Magnúsdóttir

Andlátstilkynning

Útför

Aðstandendur

Kær kveðja