Elskuleg móðir okkar, tengdamóðir, amma og langamma, Sjöfn Helgadóttir, lést á Hrafnistu Boðaþingi föstudaginn 9. júní. Útförin fer frá frá Kópavogskirkju, 28. júní kl.13:00

Útför Sjafnar fer fram frá Kópavogskirkju, miðvikudaginn 28. júní 2023 klukkan 13:00.

Sjöfn Helgadóttir, Lilla, fæddist í Reykjavík 27. janúar 1934. Hún lést á hjúkrunarheimilinu Hrafnistu í Boðaþingi í faðmi fjölskyldu sinnar þann 9. júní 2023. Foreldrar Sjafnar voru Helgi Einarsson, húsgagnasmíðameistari, f.25. júlí 1905 d. 28. sept. 1995 og Aðalbjörg Halldórsdóttir, f. 26. nóv. 1910, d. 10. des 1982.

Systkini Sjafnar eru Edda Helgadóttir, f. 21. maí 1932 og Birgir Helgason, f. 15. janúar 1944. Hálfbróðir samfeðra er Logi Helgason, f. 19. apríl 1968.

Sjöfn giftist eiginmanni sínum Hannibal Helgasyni frá Unaðsdal á Snæfjallaströnd þann 4. júní 1955, en hann lést 25. júlí 2014. Foreldrar Hannibals voru Guðrún Ólafsdóttir, f. 3. júlí 1897, d. 24. nóvember 1987 og Helgi Guðmundsson, f. 18. september 1891, d. 8. október 1945. 

Börn Sjafnar og Hannibals eru: 1) Hörður Hrafndal Smárason (sonur Sjafnar), f. 30. 12. 1953, kvæntur Guðnýju Stefánsdóttur, þeirra dætur eru a) Drífa Lind, unnusti Óðinn Ólafsson, og á Drífa einn son, b) Hildur, unnusti Arnar Grétarsson, þau eiga þrjú börn. Fyrir átti Hörður Hafdísi Sjöfn sem býr í Danmörku og á hún fjóra syni og eitt barnabarn. 2) Harpa f. 15. 10. 1958, hennar börn eru a)Tara Lind, maki Sigurður Óskar Sigmarsson og eiga þau þrjá syni, b)Karólína Íris, unnusti Björgvin Andri Garðarsson og eiga þau eina dóttur og c) Walter Hannibal, unnusta hans er Elín Ósk Björgvinsdóttir Long og eiga þau eina dóttur en fyrir átti hann einn son. 3) Helgi f. 3. 2. 1960, hann á a) Þórdísi Sjöfn sem búsett er í Bandaríkjunum, gift Luis Muralles og eiga þau fjögur börn b) Agnes Ýr, unnusti hennar er Anton Logi Helgason. 4) Hannibal f. 29. 5. 1963, dóttir hans er Helena Rún, unnusti Andri Már Óskarsson og eiga þau samtals 3 börn og stjúpdóttir af fyrra hjónabandi er Erla María sem búsett er á Spáni og á hún tvær dætur. 5) Heimir f. 4. 11. 1967 d. 4. febrúar 2022, börn hans eru a)Sunna Rós sem á einn son, b) Bjarki Jón. 6) Hekla f. 5. 8. 1970, gift Ólafi Má Sigurðssyni og eiga þau tvíburana Kjartan Helga og Ólöfu Örnu, unnusti hennar er Ásgrímur Gunnarsson.

Sjöfn ólst upp í Laugarnesinu og gekk í Laugarnesskóla. Eftir að grunnskólagöngu lauk starfaði Sjöfn við afgreiðslu í bakaríi og önnur störf, m.a. sem kaupakona í Auðsholti í Hrunamannahreppi og í Unaðsdal. Eftir að hún gekk í hjónaband var Sjöfn lengst af heimavinnandi húsmóðir. Hún fór í hlutastarf í versluninni Ullarhúsið við Aðalstræti á 9. áratugnum og starfaði þar við afgreiðslustörf í um 15 ár. Sjöfn var lengi virkur félagi í Oddfellow.

Sjöfn og Hannibal áttu heimili lengst af í Melgerði 20 í Kópavogi sem þau byggðu upp úr 1961 en fluttu þaðan 2003 og bjuggu í átta ár á Hólmavík. Eftir veikindi Hannibals fluttust þau í Boðaþing 22, en Sjöfn bjó þrjú síðustu árin á hjúkrunarheimili Hrafnistu í Boðaþingi. 

Útför Sjafnar fer fram frá Kópavogskirkju miðvikudaginn, 28. júní 2023 og hefst athöfnin kl. 13:00.

Sandra Solöy Kjartansfru

Elsku hjartans Sjöfn mín❤️
Þú átt sérstakan stað í hjarta mitt og ég á eftir að sakna þín mikið🫶🏼

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sjöfn Helgadóttir

Andlátstilkynning

Útför

Aðstandendur

Þakkir

Ertu með minningargrein?