Sigurjón Torfason fæddist að Hörgshóli, Vesturhópi, Húnavatnssýslu, 1. júní 1940. Hann lést á Hrafnistu í Boðaþingi 5. nóvember 2015.

Foreldrar hans voru Torfi Óldal Sigurjónsson, f. 18. september 1918 á Hörgshóli, Vesturhópi, d. 25. mars 2002, og Sigríður Konráðsdóttir, f. 12. mars 1920 á Böðvarshólum, d. 3. maí 2019. Systkini hans eru Konráð Ingi, f. 25. september 1944, Birna, f. 4. febrúar 1951, og Aðalsteinn, f. 14. maí 1956, d. 20. júlí 2015. Sigurjón kvæntist 28. desember 1969 Vilborgu Þórðardóttur, f. 17. janúar 1943 í Reykjavík. Foreldrar hennar voru Þórður Kárason, f. 26. janúar 1917, d. 29. ágúst 1994, og Elín G. Gísladóttir, f. 22. ágúst 1917, d. 20. júlí 2006. Sigurjón og Vilborg eignuðust tvo syni: 1) Torfi, f. 13. júní 1969, giftur Grétu Garðarsdóttur, f. 26. júlí 1961, d. 13. maí 2020. Barn þeirra er Sigurjón, f. 9. júlí 2003. Áður átti Torfi dæturnar Sigrúnu, f. 16. júlí 1992, og Sylvíu, f. 14. maí 1997.

2) Þórður, f. 4. júlí 1973, eiginkona hans er Karen Ingimundardóttir, f. 10. febrúar 1975. Börn þeirra eru Rakel Ýr, f. 23. október 2004, Vilborg Anna, f. 4. mars 2008 og Ingimundur Elvar, f. 30. júlí 2013.

Sigurjón flutti með foreldrum sínum frá Hörgshóli að bænum Stórhóli, Línakradal, tveggja ára að aldri. Hann stundaði almenn sveitastörf á sínu heimili eins og viðgekkst á þeim tíma. Í fyrstu naut hann kennslu hjá farkennara en sótti síðar grunnskólanám í Reykjaskóla við Hrútafjörð og lauk þaðan skyldunámi. Í kringum tvítugt flutti hann til Reykjavíkur og starfaði við ýmis tilfallandi störf.

Árið 1968 hóf hann starf sem sölumaður hjá Sambandi íslenskra samvinnufélaga (SÍS - Sambandinu) og gegndi því starfi allt til ársins 1992, þegar SÍS hætti starfsemi, en starfaði eftir það hjá Jötni allt til ársins 2002.

Árin á eftir starfaði Sigurjón á fasteignasölu, þar til starfskraftar hans voru á þrotum vegna heilsubrests. Í framhaldinu dvaldi hann á ýmsum hjúkrunarheimilum, en síðustu tvö árin dvaldi hann á Hrafnistu, Boðaþingi.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigurjón Torfason

Útför

Ertu með minningargrein?