Ástkær eiginkona mín, móðir okkar, tengdamóðir, amma og langamma, Sigríður Sæunn Óskarsdóttir lést á Heilbrigðisstofnun Suðurlanda í Vestmannaeyjum laugardaginn 24 júní sl. 

Útför Sigríðar fer fram frá Landakirkju mánudaginn 17. júlí kl 13:00.

Innilegar Þakkir sendum við starfsfólki Heilbrigðisstofnunar Vestmannaeyja fyrir góða umönnun.Fjölskyldan þakkar auðsýna samúð

Sæunn María Borgþórsdóttir

Elsku besta amma
Ég trúi ekki ennþá að þessi dagur sé kominn að ég þurfi að kveðja þig í hinsta sinn , þú varst mér allt, svo gjöfug, falleg og góð. Þú varst sólin sem skein og nú ertu skærasta stjarnan á himninum.
Ég fékk þann titil að verða fyrsta barnabarnið þitt og þú þann titil að vera amma, aðeins 39 ára gömul, ég átti bestu ömmu og afa í heimi og allir vissu það og vinir mínir sögðust oft öfunda mig hvað ég átti frábæra ömmu , ömmu sem gerði allt fyrir mig og ég gat leitað til með allt.
Ég á margar fallegar minningar um þig elsku amma og þakka fyrir tíman sem við fengum saman, ég var svo heppin að fá að koma til þín á hverju sumri þegar ég var barn og vera hjá þér og afa. Þessi tími mótaði mig mikið og eru með þeim bestu minningum sem ég á um mína barnæsku. Ég veit að ég var nú samt stundum erfið og frek en þú vildir aldrei viðurkenna það, sagðir alltaf að ég væri bara ákveðin.
Ég var líka svo heppin að fá að vinna með þér á Herjólfi tvö sumur þegar ég var 17  og 18 ára , það var yndislegur tími og þú kenndir mér svo margt.
Þið afi hafið alltaf haft yndi á að matreiða góðann mat og við fjölskyldan höfum fengið að njóta góðs af því . Ég hef nú oft þurft að hringja í þið til að fá ráð þegar ég er að elda eitthvað og er eitt sem er mér minnistætt , þegar ég var að elda kjötsúpu handa honum Björgvini mínum og það voru ekki til rófur í búðinni nema rauðrófur og ég hélt að það væri nú í lagi en súpan var bleik, þú hlóst nú bara af þessu hjá mér og sagðir að það væri ekki sama og rófur, en af einhverri ástæðu hef ég allavega aldrei þurft að elda kjötsjúpu aftur á mínu heimili.
Við gátum talað saman um allt við vorum mjög líkar og ég þakka fyrir allar góðu stundirnar sem við áttum saman. Þú varst svo dugleg að koma til mín í bæinn og gista hjá mér og við spjölluðum um allt og ég gat sagt þér öll mín leyndarmál og þú sagt mér þín.
Þú elskaðir okkur barnabörnin og barnabarnabörnin þín skilyrðislaust og passaðir alltaf að gera aldrei upp á milli okkar. Við fengum stundum sendar gjafir austur frá þér og man ég eftir stórum kassa sem var fullur af þjóðhátíðar dótir, risastórum gleraugum,  ljósum og öðrum skemmtilegu sem vakti mikla lukku það var eins og ég hafði ekki misst af þjóðhátíðinni sjálfri heldur var hún bara komin til mín.
Systkinum mínum hlakkaði allltaf  til að fá þig austur í heimsókn og  að þú myndir baka handa þeim pönnukökur með sykri, því Siggu Ömmu pönnukökur voru langbestar. Öll símtölin sem við fengum frá þér voru þau skemmtilegustu, það var alltaf eins og þið afi væruð aldrei langt í burtu frá okkur. Við munum halda minningu þinni á lofti og segja börnum okkar sögur um Siggu ömmu. Elsku Sigga amma megi algóður guð þína sálu nú geyma, þótt þú sért komin í aðra heima þá mun minning þín lifa með okkur. Við ætlum kveðja þig með sömu orðum og þú kvaddir okkur með , elska þig upp í geim og til baka, upp og niður, upp og niður, upp og niður.
Þín barnabörn Sæunni, Freysteinn og Berglind
 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigríður Sæunn Óskarsdóttir

Andlátstilkynning

Útför

Aðstandendur

Þakkir

Ertu með minningargrein?