Elsku eiginmaður minn, pabbi, tengdapabbi, afi og vinur,

Sigurður J Hafberg

lést miðvikudaginn 11. janúar eftir stutta baráttu við krabbamein.


Útförin fer fram frá Flateyrarkirkju laugardaginn 21. janúar.

Sigurður Jóhann Hafberg fæddist á Flateyri þann 5. janúar árið 1959. Þar bjó hann alla tíð að undanskildum þeim árum sem hann var í námi. Sigurður lauk gagnfræðaprófi frá Núpi í Dýrafirði og síðan stúdentsprófi frá Verkmenntaskólanum á Akureyri árið 1986. Hann tók próf í útgerðartækni frá Tækniskólanum árið 1987, stundaði fjarnám í nútímafræði við Háskólann á Akureyri árið 2000 og lauk síðan Grunnskólakennara prófi frá Háskóla Íslands árið 2010. Sigurður var á sjó frá 1975 til 1985 og síðan aftur frá 1987 til 1994. Frá þeim tíma og þar til árið 2002 sinnti Sigurður hinum ýmsu störfum, flest tengd sjávarútvegi. Sigurður söðlaði um árið 2002 hóf að kenna við Grunnskólann á Flateyri. Þar kenndi hann til ársins 2010 þegar hann tók sér aftur pásu til að sinna sjávarútveginum sem alltaf var honum hugleikinn. Haustið 2018 hóf Sigurður síðan aftur störf við Grunnskólann á Flateyri og kenndi þar til vorsins 2022. 

Meðfram öðrum störfum síðustu 20 árin kom Sigurður einnig að að ferðaþjónustu, kajakleigu, gistingu og kaffihúsarekstri með Þorbjörgu eiginkonu sinni.

Eiginkona Sigurðar er Þorbjörg Sigþórsdóttir f. 5.2. 1959, móttökuritari á Sjúkrahúsinu á Ísafirði. Börn Sigurðar og Þorbjargar eru 1) Íris Dröfn Hafberg f. 8.1.1980, grunnskólakennari á Akureyri. Maki hennar er Gísli Rúnar Gíslason, rakari. Sonur Írisar er Róbert Máni Hafberg, f. 3.5.2002 en saman eiga Íris og Gísli Emil Magna Hafberg Gíslason f. 18.1.2017. 2) Sævar Jens Hafberg f. 29.7.1982, skipstjóri. Börn Sævars eru Matthías Máni Hafberg f. 28.3. 2008 og Hrafnhildur Kata Hafberg f. 15.5.2012. 3) Hannibal Hafberg f. 8.4.1991, sjávarútvegsfræðingur. Maki hans er Guðný Ósk Árdal Sveinbjörnsdóttir, nemi.

Systkini Sigurðar eru: Friðrik E. Hafberg f. 21.3.1949, Ægir E. Hafberg f. 24.1.1951, Sesselja E. Hafberg f. 25.12.1952, Björn E. Hafberg f. 4.7.1959 d. 18.7.2020 og Ágústa M. Hafberg f. 13.7.1967. Foreldrar Sigurðar voru Einar Jens Hafberg f. 8.8.1919, d. 2.1.1974 og Kristbjörg Hjartardóttir f. 17.7.1928, d. 30.1.1979.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigurður Jóhann Hafberg

Andlátstilkynning

Útför

Aðstandendur

Ertu með minningargrein?