Sigurður Hólmsteinn Magnússon fæddist í Reykjavík 7. mars 1978. Hann féll skyndilega frá þann 6. febrúar 2019. 

Foreldrar hans voru Magnús Sigurðsson, læknir, f. 28. september 1925, d. 10. apríl 2017 og Kristjana Karlsdóttir, hótelrekstrarfræðingur, f. 24, nóvember 1951. Systur hans eru Sigríður Síf Magnúsdóttir,  f. 5.  maí 1975 og María Kristín Magnúsdóttir, f. 17. maí 1976, bróðir hans er  Karl Magnús Magnússon, f. 15. mars 1979. 

1) Steinn Darri Sigurðarson, f. 6. mars 1999. Barnsmóðirin er Lilja Björg Gunnarsdóttir, f. 12. sept. 1978. 

2) Nökkvi Már Sigurðarson, 14. júlí 2004. Barnsmóðirin er Rakel Dan Petrudóttir, f. 25. feb. 1977.

3) Carmen María Sigurðardóttir  f. 17. feb. 2016. Barnsmóðirin er Rakel Jóhannsdóttir, f. 5. júní 1991.

Hrund Guðmundsdóttir

[DEFAULT]

Stundin hér í dag er merkt lífinu sem lifir og ekki síður, merkt þakklætinu fyrir allt það er þið hvert og eitt áttuð með SIGGA EÐA STEINA eins og hann var gjarnan nefndur.  Hann var SIGGI, meðal fjölskyldunnar en STEINI meðal vinanna.

Nú fyrir nokkru sat ég með ástvinum SIGGA og við ræddum undirbúning þessarar athafnar.  Er ég heyrði um persónu hans, þá vissi ég vel að það hefði ekki verið í anda hans SIGGA, að ég hefði hér einhverja langa tölu um lífshlaup hans og persónu, því eins og fjölskyldan hans sagði mér.  Það var ekkert hefðbundið við SIGGA.  Þó er ekki hjá því komist að minnast hans í nokkrum orðum og ég bað fjölskyldu hans að segja mér aðeins frá honum.  Svör þeirra voru á þessa leið:    

SIGGI lifði stundum háska og ævintýrfullu lífi sem krakki og það fylgdi sögunni að hann hefði náð því að fá 11 göt á hausinn þegar hann var yngri.  Á þeim árum var hann uppátækjasamur og hann og Kalli bróðir og Gunsi vinur þeirra og líkast til fleiri brölluðu mikið saman og oft á tíðum var fólkinu þeirra ekki skemmt.  Þegar fjölskyldan bjó fyrir austan, þá lenti Siggi ofti í hildarleik, hann var meðal annars dreginn undan ís, dreginn upp af systur sinni Siggu upp úr mýri sem var á góðri leið með að draga hann niður með sér og svo margt, margt fleira, já og ellefu göt á hausinn, geri aðrir betur.

Er systkinin voru á barnsaldri, nefndi mamma þeirra öðru hvoru, þau öðrum nöfnum en þeim var gefið við skírn, Siggi var kallaður Gúggelí, Kalli var Dúbbí,   María, Mússí og Sigga var Dikkelí.  Ef þið viljið vita ástæðuna fyrir þessum nöfnum þeirra systkina, þá þurfið þið að ræða betur við Kristjönu á eftir.  Já og stundum voru bræðurnir Siggi og Kalli nefndir Dúbbarnir.

SIGGI, hafði alltaf ákveðnar skoðanir og gat vel talað tæpitungulaust um hlutina og kunni vel að koma fyrir sig orði.   Og sjálfsagt ósjaldan gaf hraustlega á bátinn þegar hann sagði sína skoðun á mönnum og málefnum.  Hann gat verið þrjóskur, þver og frekur.   

Honum leið vel  á hótel mömmu þar fékk hann fyrsta floks heimalagaðan mat og síðan var það gjarnan, sófinn og kertaljós en hann var mikill kertamaður.  Hann var matmaður mikill og var duglegur að elda.   Honum þótti gaman að eiga gamla hluti og var dálítill safnari í sér.  Mikil barnagæla og dýravinur.

Hann var afar handlaginn, það var alveg sama hvað hann tók sér fyrir hendur, hann gat allt.  Fékk hugmyndir og framkvæmdi, þúsundþalasmiður og hjálpsamur og hafa margir notið góðs af.  Hann ferðaðist víða og starfaði einnig á fjölmörgum stöðum erlendis.  

SIGGI var vinamargur og átti auðvelt með að kynnast fólki.  Hann var myndarmaður, sjarmur og átti auðvelt með að heilla allar konur og ekki síður þær sem eldri voru.  

Það var enginn eins og SIGGI, hann var ótrúlega úrræðagóður og útsjónarsamur og til marks um það: er hann var eitt sinn tekinn, þá réttindalaus og fyrir ölvunarakstur, þá viku seinna var hann kominn í sólpallasmíðavinnu hjá lögreglumanninum sem stöðvaði hann.  SIGGI  fór til tannlæknis, vitandi það að hann hafði engan aur í vasanum til að greiða fyrir viðgerð, það kom ekki að sök, því hann samdi við tanna að hann skyldi hreinsa rennurnar og niðurföllin fyrir hann í staðinn.  Sömu sögu er að segja að af samskiptum hans við endurskoðendann hans og fleiri og fleiri, ótrúlega útsmoginn og sniðugur.  Hann gat svo vel talað sig út úr vandræðum og óþægilegum aðstæðum.  Og eins og áður sagði þetta gat enginn nema SIGGI. 

SIGGI, átti mörg líf og lifði hratt.  Það var ótrúlegt hvað hann upplifði, hvert hann fór og hvað hann komst í gegnum.  Hann, hefði getað verið sjálfum sér betri.   Alkohólismi er sjúkdómur og enginn kýs sér það hlutskipti að missa stjórn á lífi sínu.  Allt þetta vissi SIGGI mæta vel og hann vildi njóta lífsgæðanna á náttúrulegan hátt.  En bakkus, fylgdi  og ég veit að það hefur verið ykkur öllum þungbær reynsla.  En sem betur fer er það líka þannig að, þegar litið er til baka yfir langan veg og skyggnst eftir björtum greiðfærum og góðum köflum, þá er það svo sannarlega, að minnið dregur þá fram einn af öðrum.  

SIGGI  var fyrst og fremst góður maður, skemmtilegur maður og vildi öllum vel.    Honum þótti óskaplega vænt um börnin sín, Stein Darra, Nökkva Má og Carmen Maríu og var svo stoltur af þeim.  Og ekki síður af fólkinu sínu, sem reyndi hvað það gat til að létta róðurinn hjá honum.  

Kæru vinir, Guð er í væntumþykjunni og umhyggjuseminni sem farið hefur um samfélag  ykkar og víðar undanfarna daga, hann er í hverju tári sem hefur verið fellt, í hverju einasta kertaljósi sem hefur verið tendrað, í sérhverju handtaki og faðmlagi og huggunarorði.  SIGGI hefur kvatt að sinni en ég veit að hann verður ætíð með ykkur í hjörtum og fjársjóð minningana sem aldrei verður frá ykkur tekinn.  

Ég vil flytja ykkur fallegt ljóð er hljóðar á þessa leið.

Ég vil koma hér á framfæri hugheilum kveðjum frá Ömmu Bellu.  Hansi, Haraldur og Helgi Karlssynir og fjölskyldur þeirra senda ástvinum hugheilar kveðjur en þau eru búsett erlendis.   Einnig flyt ég ykkur kveðju frá Dóru í Þýskalandi.  

Ástvinir SIGGA, vilja koma á framfæri við ykkur hér í dag einlægum þökkum fyrir vináttu ykkar og trúfesti.  Hér er um bálför að ræða og eftir athöfn er ykkur boðið að signa yfir kistu.  Boðið verður upp á kaffiveitingar strax að athöfn lokinni í safnaðarheimili kirkjunnar.  

Kæri, SIGGI, góður engill gefi þér góða heimkomu í Drottins himnahöll.  Amen.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigurður Hólmsteinn Magnússon

Útför

Minningarræða við útför