Sigurður Hermannsson, fæddist þann 4. nóvember 1940 á Álafossi í Lágafellssókn í Kjós. Hann lést á Sjúkrahúsinu á Selfossi þann 22. júlí síðastliðinn.

Elskulegur eiginmaður minn, faðir okkar,
tengdafaðir, afi og langafi,
Sigurður Hermannsson,
Sigtúni 30, Selfossi,
lést á Heilbrigðisstofnun Suðurlands
mánudaginn 22. júlí


Sigurður Hermannsson fæddist þann 4. nóvember 1940 á Álafossi í Lágafellssókn. Hann lést á Sjúkrahúsinu á Selfossi þann 22. júlí síðastliðinn.

Foreldrar hans voru Hermann Guðmundsson f. á Blesastöðum á Skeiðum 23. ágúst 1913, d. 18. október 1980 og Ingibjörg Sæunn Jóhannsdóttir f. í Háakoti í Fljótum. 1. júní 1918, d. 28. október 2007.

Sigurður bjó framan af aldri á Blesastöðum á Skeiðum með foreldrum sínum sem stofnuðu nýbýlið Blesastaði 2. Þar ólst hann upp ásamt 4 yngri systrum. A) Kristín f. 18. janúar. 1943. Eiginmaður hennar er Vilmundur Jónsson. b) Guðrún f. 19. janúar 1947. Eiginmaður hennar Hjalti Árnason d. 18. janúar 2022. c) Sigríður Margrét. f. 8. janúar 1950. Eiginmaður hennar er Jónas Jónsson. d) Hildur f. 30. ágúst 1951. Eiginmaður hennar er Kristján Guðmundsson.

Sigurður fór ungur að fást við almenn sveitastörf. Hann fór snemma að heiman og vann fjölbreytt störf á verkstæðum, við akstur og á vinnuvélum. Hann lærði síðan trésmíði og varð trésmíðameistari.

Stærstan hluta starfsævinnar vann hann sem verkstjóri hjá verktökum, hjá Rannsóknarstofnun byggingariðnaðarins og umsjónarmaður fasteigna hjá Reykjavíkurhöfn.

Hann hóf sambúð með Báru Oddsteinsdóttur 1962 og gengu þau í hjónaband 1. júní 1963. Fyrst bjuggu þau í Reykjavík síðan að Laugarvatni en settust svo að á Selfossi 1968 og  byggðu sér hús þar árið 1969.

Bára og Sigurður eignuðust 3 börn. a) Kristjana Brynja f. 24. apríl 1962, öryggisvörður, gift Sigurjóni Karlssyni trésmíðameistara. Börn hennar eru Guðjón Örn, Rakel Sara og Sigurlaug Þóra. Sigurjón á fjögur börn af fyrra hjónabandi. b) Óskar Ingi Sigurðsson f. 19. september 1963, rafmagnsiðnfræðingur og framhaldsskólakennari, giftur Helgu Aðalgeirsdóttur landslagsarkitekt. Synir þeirra eru Sindri Geir, Almar Smári og Bergur Ingi. c) Alma Jenný f. 8. desember 1972, landfræðingur og kennari, gift Páli Guðmundssyni vélvirkja. Börn þeirra eru Guðmundur Ísak, Ingibjörg Bára, Matthildur Sif og Sigurður Emil.

Sigurður og Bára fluttu frá Selfossi í Mosfellsbæ 1980, þau slitu samvistum 1988, og þá flutti Sigurður til Reykjavíkur.

Seinni kona Sigurðar er Elín Árnadóttir fædd 28. ágúst 1942. Þau hófu búskap 1995 og gengu í hjónaband 4. september 2004 og á hún fimm uppkomin börn af fyrra hjónabandi. 

Sigurður og Elín fluttu í Sigtún 30 á Selfoss árið 2004 og bjuggu þar síðan. Sigurður var sjúklingur síðustu árin og hjúkraði Elín honum af einstakri alúð.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigurður Hermannsson

Andlátstilkynning

Útför

Aðstandendur

Ertu með minningargrein?