Elskuleg móðir, systir og amma okkar lést á heimili sínu 19. febrúar 2022
Útförin verður frá Guðríðarkirkju 3. mars kl 13.


Útför elsku móðir, systur, ömmu og frænku okkar verður haldin í Guðríðarkirkju, fimmtudaginn 3. mars. Í anda hennar eru allir hjartanlega velkomnir.

Sigurbjörg Guðríður Óskarsdóttir, f. 6. apríl 1955, d 19. febrúar 2022.

Foreldrar hennar voru Guðmundur Óskar Guðmundsson, f. 13. júlí 1927, d. 26 janúar 2004 og Ingibjörg Bjarnfreðsdóttir f. 16. ágúst 1925, d. 10. desember 1985.

Bræður hennar eru Bergsteinn Ómar Óskarsson, f. 3. janúar 1953 og Þórhallur Helgi Óskarsson f. 17. desember 1958.

Synir hennar eru Ingimundur Óðinn Sverrisson, f. 19. júní 1975 og Eyvindur Þorsteinsson f. 25. janúar 1991.

Ingimundur Óðinn er í sambúð með Lilju Ingimundardóttur frá Patreksfirði og eiga þau tvo syni, Kristófer Ísar og Ingimund Ármann. 

Gugga, eins og hún var alltaf kölluð, ólst upp í Blesugróf við Elliðaár og gekk í Austurbæjarskóla. Fjölskyldan flutti að Móakoti á Vatnsleysuströnd þegar Gugga var 11 ára og lauk hún skyldunámi í Brunnastaðaskóla.

Gugga gerðist verkakona og vann í Bæjarútgerð Reykjavíkur, Kjötmiðstöðinni og við ræstingar. Hún bjó um tíma í Svíþjóð, þar sem hún starfaði við heimahjálp, auk þess sem hún gerðist ráðskona í Meðallandi, skammt frá æskustöðvum móður sinnar. Hún sparaði sig hvergi og var vel liðinn starfskraftur. En upp úr miðjum aldri tók heilsu hennar að hraka og neyddist hún til að draga sig út af vinnumarkaði. En sonum sínum kom hún vel til manns, þrátt fyrir heilsubrest.

Þó efni hennar væru ekki alltaf mikil, stóðu dyr hennar ávallt opnar, sérstaklega þeim sem stóðu höllum fæti í samfélaginu. Hún tók hverjum eins og hann eða hún var og dæmdi engan. Hinir heimilislausu og útskúfuðu áttu alltaf víst skjól hjá Guggu.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigurbjörg Guðríður Óskarsdóttir

Andlátstilkynning

Útför

Aðstandendur

Ertu með minningargrein?