Sigríður Konráðsdóttir fæddist 12. mars 1920 á Miðjanesi í Reykhólasveit. Hún lést á Heilbrigðisstofnun Vesturlands 3. maí 2019.

Foreldrar hennar voru Konráð Sigurðsson bóndi og Ingveldur Pétursdóttir ljósmóðir.

Systkini hennar voru Torfi, fæddur 1916, látinn 1988, Þorbjörg, fædd 1924, látin 2015, Petrea Guðný, fædd 1931, látin 2007.

Sigríður ólst upp á Miðjanesi fram til átta ára aldurs en þá flutti fjölskyldan að Finnmörk í Fitjárdal. Ári síðar að Böðvarshólum í Vesturhópi þar sem hún ólst upp með fjölskyldu sinni fram á fullorðinsár.

Skólagangan var ekki mikil eins og títt var á þessum tíma en einhverja vetrarparta var Sigríður í farskóla á Grund í Vesturhópi. Eftir fermingu var hún síðan tvo vetur við nám í Reykjaskóla í Hrútafirði.

Sigríður giftist 29. desember 1940 Torfa Óldal Sigurjónssyni frá Hörgshóli í Vesturhópi, f. 1918, d. 2002.

Sama ár hófu þau búskap á Hörgshóli en 1942 fluttu þau að Stórhóli í Línakradal og bjuggu þar allt fram til ársins 1999 er jörðin var seld.

Sigríður og Torfi eignuðust fjögur börn. 1) Sigurjón, f. 1940, d. 2015, giftur Vilborgu Þórðardóttur. Synir þeirra: Torfi, f. 1969, giftur Grétu Garðarsdóttur, og Þórður, f. 1973, giftur Karenu Ingimundardóttur. 2) Konráð Ingi, f. 1944, giftur Þórhildi Elíasdóttur en var áður giftur Vilborgu Eddu Lárusdóttur og eiga þau þrjár dætur. Sigríður, f. 1967, gift Sverri Bergssyni. Unnur, f. 1972. Björk, f. 1982, í sambúð með Unnari Reynissyni. 3) Birna, f. 1951, var í sambúð með Guðna Vigni Jónssyni og þeirra sonur er Jón Vignir, f. 1979, giftur Elsu Dórótheu Kjartansdóttur. 4) Aðalsteinn, f. 1956, d. 2015, var giftur Þuríði Halldórsdóttur og eiga þau tvær dætur. Andrea Ágústa, f. 1991. Sigríður María, f. 1993. Aðalsteinn var áður giftur Ólöfu Kristjánsdóttur. Langömmubörnin eru 13.

Eftir að Torfi og Sigríður brugðu búi 1999 fór Torfi á sjúkrahúsið á Hvammstanga en Sigríður leigði íbúð þar uns hún flutti í Nestún árið 2000. Hún dvaldi í Nestúni fram til haustsins 2013 er hún fór inn á Heilbrigðisstofnun Vesturlands þar sem hún dvaldi fram til dauðadags.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Sigríður Konráðsdóttir

Útför

Ertu með minningargrein?