Siggeir Ingólfsson, 
frá Efra-Seli, Stokkseyri, 
lést á Heilbrigðisstofnun Vesturlands, Akranesi, föstudaginn 4. mars.

Útförin fer fram frá Eyrarbakkakirkju.

Innilegar þakkir fyrir auðsýnda samúð. Sérstakar þakkir til starfsfólks lyflækningadeildar HVE á Akranesi.

Siggeir Ingólfsson fæddist 17. september 1952 að Seli í Stokkseyrarhreppi. Hann lést á Heilbrigðisstofnun Vesturlands, Akranesi, þann 4. mars sl. 

Foreldrar Siggeirs voru hjónin Ingólfur Gunnarsson, f. 2. desember 1913, d. 8. febrúar 1995 og kona hans, Sigurlaug Siggeirsdóttir, f. 7. febrúar 1914, d. 16. júní 2004. Systur Siggeirs eru þær Elín Ingólfsdóttir, f. 30. desember 1946 og Ingibjörg Kristín Ingólfsdóttir, f. 3. apríl 1950. Hálfsystir er Sigríður Ísafold Ísleifsdóttir, f. 29. júní 1935. 

Eldri dóttir Siggeirs er Sigurlaug, f. 3. desember 1971. Móðir hennar er fyrrum eiginkona Siggeirs, Hulda Kolbrún Guðjónsdóttir, f. 21. september 1952. Sigurlaug á einn son, Guðjón Þór.

Yngri dóttir Siggeirs er Anna Ragna, f. 5. mars 1975, sem Siggeir eignaðist með sambýliskonu sinni, Jónu Björgu Kristjánsdóttur, f. 14. maí 1956. Anna Ragna á þrjú börn, Björn Óskar, Söndru Ósk og Svein Ólaf. Björn Óskar eignaðist tvö börn, annað þeirra er látið, og Sandra Ósk á tvö börn. 

Önnur eiginkona Siggeirs var Sveinveig Guðmundsdóttir, f. 22. desember 1942. Þau skildu.

Síðar giftist Siggeir Regínu Guðjónsdóttur, f. 21. maí 1949, d. 22. september 2014. Hún átti 4 börn, Halldór, Höllu Björgu, Hlöðver og Gyðu Steinu, og gekk Siggeir þeim yngri í föður stað. Þau systkini eiga alls 11 börn.

Sambýliskona Siggeirs síðustu árin var Sólrún Júlíusdóttir, f. 5. september 1955, en hún lést 1. febrúar sl.

Siggeir ólst upp á Efra-Seli og sinnti þar bústörfum þegar hann hafði aldur til. Eftir grunnskóla stundaði hann nám í trésmíði í Iðnskólanum í Reykjavík og lauk þaðan trésmíðameistaraprófi. Ásamt trésmíðinni stundaði hann sjóinn og leið alltaf vel þar. Hann var gæðastjóri í Alpan á Eyrarbakka. Um aldamótin fór hann í Garðyrkjuskólann í Hveragerði og lauk þaðan prófi. Hann var verkstjóri hjá Árborg og sinnti ýmsum umhverfisverkefnum á Stokkseyri og Eyrarbakka. Hann rak menningarstaðinn Stað á Eyrarbakka og byggði þar pall sem fatlaðir gátu nýtt sér til að horfa yfir þessa einstöku fjöru sem er við þorpin tvö. Einnig tók hann að sér leiðsögn um þorpin og fólk kom ekki að tómum kofunum þegar hann var spurður. Sagði reyndar að ef hann vissi ekki svarið, þá byggi hann það til og þyrftu þá aðrir að afsanna það! Hann stundaði líka tínslu og verkun sölva úr fjörunni. Hann var sérlega iðjusamur og duglegur við allt sem hann tók að sér. Hann fékk þrisvar krabbamein um æfina og var oft við dauðans dyr, en stóð alltaf upp aftur, þar til í lokin.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Siggeir Ingólfsson

Andlátstilkynning

Útför

Aðstandendur

Þakkir

Ertu með minningargrein?