Selma Júlíusdóttir fæddist í Sólheimatungu við Laugarásveg í Reykjavík 18. júlí 1937. Hún varð bráðkvödd á heimili sínu 26. janúar 2014.

Foreldrar hennar voru Magnea Vilborg Guðjónsdóttir húsfreyja, f. 6. október 1903, d. 2. nóvember 1960, og Júlíus Jónsson skósmíðameistari, f. 13. júlí 1892, d. 6. júlí 1964.

Selma var yngst fjögurra systkina. Þau voru: Valgerður, f. 1925, d. 2009, maki Haukur Ottesen, f. 1922; Jón, f. 1928, d. 1988, maki Guðný Valgeirsdóttir, f. 1930, d. 2008; Svavar, f. 1935, d. 2009, maki I Unnur K. Sveinsdóttir, maki II Helga Þórðardóttir, f. 1940.

Hinn 3. september 1955 giftist Selma eiginmanni sínum, Óskari Indriðasyni vélstjóra, f. 9. september 1930, d. 27. janúar 2015. Foreldrar hans voru Vilborg Þjóðbjarnardóttir og Indriði Jónsson, sjómaður á Akranesi. Systkini hans voru Valdimar Indriðason, maki Ingibjörg Ólafsdóttir; og Sigríður Kristjánsdóttir, maki Jón Otti Sigurðsson.

Sonur Selmu og Óskars er Kristján, f. 18. mars 1959, d. 12.03.2014. Kona hans er Marilyn Herdís Mellk, f. 4. febrúar 1961. Þeirra börn eru Eva Ósk og Kristján Indriði. Uppeldisdóttir þeirra er Margrét Erla Guðmundsdóttir, f. 22. nóvember 1979. Börn hennar eru Kristófer Atli Hagelund Ólason og Tinna Líf Óladóttir.

Selma ólst upp í Laugarásnum. Gekk í Laugarnesskóla og lauk landsprófi. Eftir það fór hún að vinna á veitingastað í miðbænum, þar sem hún kynntist Óskari. Þau byrjuðu búskap í Sólheimatungu og bjuggu þar næstu árin. Fluttu þaðan í Hraunbæ og árið 1973 keyptu þau raðhús í Vesturbergi 73 þar sem þau bjuggu síðan. Hún vann svo á Landsímanum og varð fyrsta símadaman á Bæjarleiðum. Hún sá um veitingareksturinn á Olíustöðinni í Hvalfirði nokkur sumur og fleiri störfum sinnti hún. Þegar Óskar fór í vélstjóranám stofnaði Selma föndurskóla sem hún starfrækti í 15 ár. Á þeim árum gaf hún út barnabækur sem Jón bróðir hennar og Marilyn myndskreyttu. Síðar vann hún mikið rit um kennslufræði fyrir skólann sinn, „Líkamstenging og ilmolíufræði“. Hún vann sem dagmóðir og var formaður Dagmæðrafélagsins. Vann hún þar ötullega að réttindum og reglugerð þeirra vegna. Selma lærði nudd og ilmolíufræði. Stofnaði svo Lífsskólann þar sem hún kenndi þessi fræði og fékk með sér þýska sérfræðinga og lækni í kennsluna. Hún var heilunar- og reikimeistari og lækningamiðill. Formaður BIG, Bandalags ísl. græðara, um tíma. Þegar Óskar var vélstjóri á skipi Landhelgisgæslunnar í þorskastríðinu vann hún af kappi að öryggismálum skipverja Gæslunnar. Hún var formaður sjóðsins Hliðskjálf, sem stofnaður var af konum varðskipsmanna. Selma var óþreytandi að hjálpa fólki í fjölbreyttum vandamálum og veikindum. Hún lét sér ekkert mannlegt óviðkomandi.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Selma Júlíusdóttir

Útför

Ertu með minningargrein?