no image

Fylgja minningarsíðu

Ragnar Bjarnason

Fylgja minningarsíðu

3. febrúar 1950 - 4. janúar 2025

Andlátstilkynning

Elsku Ragnar kvaddi okkur að kvöldi til þann 4. janúar á HSN Blönduósi, umkringdur börnunum sínum og nánustu aðstandendum eftir mikla baráttu við bæði Parkinson og Krabbamein

Útför

11. janúar 2025 - kl. 11:00

Útför fer fram frá Blönduóskirkju 11. janúar klukkan 11.

Aðstandendur

Þorbjörg Lóa Pálsdóttir Sólveig Ruth Wium Ragnarsdóttir Bjarni Guðmundur Ragnarsson Björn Ragnarsson Wium Páley Sonja Wium Ragnarsdóttir Jófríður Eva Wium Ragnarsdóttir Steinunn Agnes Ragnarsdóttir Kristín Una Ragnarsdóttir Ragnhildur Ásta Ragnarsdóttir Óskar Þór Davíðsson Edda Þorbergsdóttir

Þakkir

Blóm og kransar vinsamlega afþakkaðir, en þeim sem vilja vilja minnast hans er bent á Hollvinasamtök HSN og Parkinsonsamtökin.

Pabbi minn

Þá ertu farinn að smala á ný elsku pabbi minn, með London Docks í munnvikinu, berhentur og bara í lopapeysu þó það sé brunagaddur úti, svona varstu alltaf á mínum yngri árum. Enda var bara aumingjaskapur að vera með vettlinga sagði ég við skólafélaga mína og var helst alltaf berhent eins og þú. Snjóaveturinn mikla 1992 þá gengum við hönd í hönd með sitthvort prikið um landareignina í Norðurhaga og vorum að pikka ofan í skurði til að leita að kindum, grafa þær upp og koma í skjól. Ég lét mitt ekkert eftir liggja því þetta var verðmætabjörgun og vinir okkar sem þurfti að koma til aðstoðar. Gott fannst okkur að koma inn öðru hverju og þá var mamma búin að smyrja á bakka handa okkur og hita kaffi og kakó svo við næðum einhverri hlýju í okkur áður en við héldum aftur út.

Bæta við leslista

Elsku pabbi

Elsku pabbi, það er sárt að vita til þess að þú sért ekki hjá okkur lengur. Þú varst kletturinn í fjölskyldunni. Það sem lýsir þér best er hvað þú ert vinamargur, kærleiksríkur, góður, glettin, bóndi og hvað þú hugsaðir alltaf vel um börnin þín 10. Alltaf nægt pláss fyrir alla í sveitinni og alltaf boðin og búin til að hjálpa ef eitthvað bjátaði á. 

Bæta við leslista

Elsku afi

Elsku afi þú varst einstakur og harðduglegur og er ég mjög þakklát fyrir allar okkar stundir í sveitinni.

Bæta við leslista