Páll Pálmason fæddist í Vestmannaeyjum 11. ágúst 1945. Hann lést 6. nóvember 2021 á Heilbrigðisstofnun Vestmannaeyja eftir erfiða baráttu við heilabilun.

Foreldrar hans voru Pálmi Sigurðsson, f.21.7.1920, d. 25.11.2011 og Stefanía Marinósdóttir, f.25.6.1924, d. 19.9.2016. Systkini Páls: Ragna María Pálmadóttir, f.27.3.1941, maki Sigþór Magnússon, Guðbjörg Pálmadóttir, f.23.12.1941, maki Geir Haukur Sölvason, Sigmar Pálmason, f.23.3.1943, maki Kristrún Axelsdóttir og Hafþór Pálmason, f.22.2.1954, d. 10.9.1977.

Hinn 6. apríl 1969 kvæntist Páll, Guðrúnu Kristínu Guðjónsdóttur, f.21.6.1946. Börn: 1) Stefanía f.9.1.1964, móðir Eygló Kjartansdóttir. Börn: Ester f.25.12.1984, faðir Bragi Halldórsson, börn: Jón Bragi Kristinsson f.8.7.2007 og Freyja Ósk Viðarsdóttir f.29.9.2012. Harpa f.15.4.1987 og Erla Hrund f.18.12.1995, faðir Gunnar M Konráðsson, barn Erlu: Gunnlaugur Óttarsson f.6.5.2015. 2) Hörður f.21.2.1966, maki Kolbrún Matthíasdóttir, börn: Matthías Páll f.22.8.1993, Guðný Charlotta f.20.3.1997 og Bogi Matt f.7.9.2004. 3) Grétar Víðir f.15.9.1975, maki Lilja Logadóttir, börn: Hekla Þöll f.22.1.2015. Veigar Elí f.4.3.2003 og Nökkvi Páll f.4.9.2004, móðir bræðranna Sandra Dögg Pálsdóttir. Bergdís Líf f.25.11.1996, Magdalena f.25.12.2002 og Logi Veigar f.1.11.2005, börn Lilju.

Páll útskrifaðist úr Stýrimannaskóla Vestmannaeyja 1967 og vann nokkur ár við sjómennsku. Árið 1970 varð Páll verkstjóri í Fiskimjölsverksmiðju Vinnslustöðvarinnar til starfsloka hans 2010.

Páll og Guðrún hófu búskap í Hlíðarhúsum, svo í Hásteinsblokkinni fram að Heimaeyjargosinu. Dverghamar 7, sem þau byggðu, varð síðan þeirra heimili í 45 ár.

Á sínum yngri árum lék Páll knattspyrnu með Knattspyrnufélaginu Týr og átti farsælan knattspyrnuferil í um 20 ár með meistaraflokki ÍBV sem markvörður. Hann varð bikarmeistari með ÍBV árin 1968, 1972 og 1981 og Íslandsmeistari árið 1979. Árið 1980 var hann valinn íþróttamaður Vestmannaeyja, en alls spilaði hann tæplega 400 leiki fyrir ÍBV. Páll var um skeið í landsliði Íslands, spilaði fjölmarga æfingaleiki með því og var um tíma varamaður landsliðsins. Árið 1969 var hann aðalmarkmaður landsliðsins í leik við Bermúda á útivelli. Hann ferðaðist oft og víða í Evrópukeppni með ÍBV og eftir að knattspyrnuferlinum lauk var hann aðstoðar- og markmannsþjálfari með Kjartani Mássyni 1984-85 og Snorra Rútssyni 1994.

Snóker varð ástríða Páls, sérstaklega eftir að knattspyrnuferlinum lauk og varð hann margfaldur Vestmannaeyja- og Kiwanismeistari. Hann var félagi í Kiwanisklúbbnum Helgafelli um árabil og gegndi þar trúnaðarstörfum. Á árlegri þrettándagleði á vegum ÍBV var hann einn af jólasveinunum sem er virðingarstaða sem fótboltafélagarnir sóttust eftir, en Hörður sonur hans tók síðar við þeirri stöðu af honum.

Útför Palla Pálma fór fram frá Landakirkju í Vestmannaeyjum 19. nóvember 2021 kl.13 og var streymt af vefnum landakirkja.is.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Páll Pálmason

Útför

Ertu með minningargrein?