Óskar Indriðason fæddist á Akranesi 9. september 1930. Hann lést á hjúkrunarheimilinu Sóltúni í Reykjavík 27. janúar 2015.

Foreldrar hans voru hjónin Vilborg Þjóðbjarnardóttir húsmóðir, f. 2. janúar 1903, d. 12. júlí 1984, og Indriði Jónsson vélstjóri, f. 2. febrúar 1899, d. 20. janúar 1933. Seinni maður Vilborgar var Kristján Á. Þorsteinsson, f. 20. nóvember 1908, d. 16. ágúst 1989.

Bróðir Óskars var Valdimar Indriðason alþingismaður, f. 1925, d. 1995, maki Ingibjörg Ólafsdóttir, f. 1925, d. 2017. Hálfsystir Óskars var Sigríður Kristín Kristjánsdóttir röntgentæknir, f. 1939, d. 1997, maki Jón Otti Sigurðsson, f. 1934.

Óskar kvæntist 3. september 1955 Selmu Júlíusdóttur, f. 18. júlí 1937, d. 26. janúar 2014. Sonur þeirra var Kristján, f. 18. mars 1959, d. 12. mars 2014. Kona hans er Marilyn Herdís Mellk, f. 4. febrúar 1961. Börn þeirra eru Eva Ósk og Kristján Indriði. Uppeldisdóttir Óskars og Selmu er Margrét Erla Guðmundsdóttir, f. 22. nóvember 1979. Börn hennar eru Kristófer Atli og Tinna Líf Ólabörn.

Óskar gekk í skóla á Akranesi en lauk síðan minna vélstjóraprófi í Vestmannaeyjum árið 1950, sveinsprófi í vélvirkjun 1964 og lokaprófi frá Vélskóla Íslands árið 1969. Óskar var vélstjóri á skipum Hvals hf. á árunum 1966 til 1970. Hann var vélstjóri hjá Landhelgisgæslunni 1970-1978 og starfaði hjá Ísal í Straumsvík 1978 til 1979. Á árunum 1979 til 1984 var Óskar afleysingavélstjóri hjá Skipadeild SÍS og starfsmaður Strætisvagna Reykjavíkur SVR frá 1984 til 1997. Hann rak um skeið eigið fyrirtæki, Skerpir.

Óskari var tónlist í blóð borin og hann spilaði vel á harmonikku. Eftir að hann hætti á vinnumarkaði var hann óþreytandi í að aðstoða fjölskylduna í störfum hennar, hvort sem það var að róta með hljómsveitum sonarins Kristjáns eða vera kokkur og „alt mulig mand“ á námskeiðum Lífsskólans hennar Selmu.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Óskar Indriðason

Útför

Ertu með minningargrein?