[DEFAULT]

Minningarorð: Óskar Henning Valgarðsson Áldal

Óskar Henning Valgarðsson Áldal Vélvirki fæddist á Siglufirði 13. júní 1935.

Hann lést á Líknardeild Landspítalans í Kópavogi 28. janúar 2022.

Foreldrar hans voru Valgarður Þorkelsson skipstjóri, ættaður frá Húnstöðum í Fljótum f. 17. mars 1905, d. 17. nóvember 2000 og Fanney Björnsdóttir húsfreyja, ættuð frá Göngustaðakoti í Svarfaðardal f. 17. febrúar 1904, d. 28. febrúar 1986.

Systkyni Óskars eru Sigurður Helgi f. 11. ágúst 1933, d. 10. janúar 2021, Anna Sigríður f. 13. október 1936, Valgarður f. 27. september 1945, og Fanney f. 12. febrúar 1948.

Óskar kvæntist eftirlifandi eiginkonu sinni Kolbrúnu Karlsdóttir, hinn 31. mars 1957 Kolbrún er fædd 21. febrúar 1935.

Foreldrar hennar voru Karl Ingjaldsson verslunarmaður f. 29. maí 1900, d. 12. nóvember 1935, og Hallfríður Gísladóttir, húsfreyja f. 23. ágúst 1911 d. 1. janúar 1990.

1) Karl Óskarsson f. 1. desember 1956, kvikmyndagerðarmaður, maki Telma Lucinda Tómasson, stjórnmálafræðingur og blaðamaður, f. 19. ágúst 1962 (þau slitu samvistum). 

Barn þeirra: Mikael Karlsson f. 10. október 1995. 

Barn Telmu: Tanja Berglind Hallvarðsdóttir f. 20. október 1985, sambýlismaður Ólafur Pálsson f. 31.10.1981, börn þeirra: Hrafnhildur Mía, Helena og Anna Maren.

2) Björk Óskarsdóttir f. 1. desember 1959 verkefnastjóri, maki Halldór Jökull Ragnarsson matvælaiðnfræðingur f. 15. janúar 1957 (þau slitu samvistum). 

a) Katrín Ösp f. 23. janúar 1984, maki Elvar Ægisson f. 3. mars 1982, börn þeirra: Íris Lind  og Axel Örn. 

c) Ari Kristján f. 3. febrúar 1990, sambýliskona Aldís Eva f. 24. apríl 1991, börn þeirra: Rúrik Þór og Karen Huld.

3) Hlynur Óskarsson, f. 23. febrúar 1963, maki Ásta Hólmfríður Bragadóttir f. 22. apríl 1963 (þau slitu samvistum). 

Barn þeirra: Arnar Helgi Hlynsson f. 11. apríl 1984, sambýliskona Sunna Árnadóttir, (þau slitu samvistum). Börn þeirra: Alexandra Helga og Hrafntinna Ásta.

Síðari maki Hlyns: Borghildur Gunnarsdóttir f. 26. ágúst 1967 (þau slitu samvistum). 

Börn þeirra: Thelma Björk f. 19. júlí 1993, 

Andri Freyr, f. 26. janúar 1996, sambýliskona Stella Árnadóttir, barn þeirra: Aþena Ósk.

Barn Borghildar: Unnar Helgi 7. janúar 1990, sambýlisskona Linda Jónsdóttir, barn þeirra: Sóllilja.

Óskar flutti ungur frá Siglufirði með foreldrum sínum til Reykjavíkur. Gekk í Miðbæjarskólann og síðar í Gagnfræðaskóla Austurbæjar.

Hann var snemma virkur í öllu félagslífi. Stundaði fimleika í Fimleikadeild Ármanns í 12 ár. 

Lauk námi í vélvirkjun og járnsmíði hjá Vélsmiðjunni Héðni í Reykjavík 1957 með hæstu einkun.

Gekk ungur í Fylkinguna og var starfaði í Félagi Járniðaðarmanna, var ritari félagsins í 4 ár. 

Óskar rak bifreiðaverkstæði með öðrum við Háleitisbraut. Lét sig alla tíð verkalýðsmál og launabaráttu miklu varða. 

Óskar tók ríkan þátt í kórstarfi. Söng með karlakórnum Stefni í tvo áratugi.

Óskar starfaði hjá Héðni og ÍSAL. Eftir að hann hætti vinnu helgaði hann sig listsmíði og vann við hugðarefni sín, smíðar og garðrækt allt fram á síðasta dag.

Hann var náttúrubarn, mannvinur og umhyggjusamur fjölskyldufaðir.

Útför Óskars fór fram frá Garðakirkju á Álftanesi 14. febrúar 2022

Pabbi minn, Óskar Henning Valgarðsson Áldal er látinn.

Æææji svo sárt, en það mildar sorgina að finna að hann þjáist ekki lengur.

Veikindin voru snörp og erfið. Hann fékk styðsta tímann sem læknar töldu í upphafi að hann gæti átt eftir eða rétt rúma 3 mánuði.

Við höfðum hann heima þennan tíma með aðstoð Heranna líknarfélags og var það erfiður en ómetanlegur tími að geta annast hann á þann hátt meðan Covid hindraði heimsóknir sjúkrahúsin, gátum við verið umvefjandi á Hólastekknum.

Hugurinn reikar og ber mig beina leið á Rauðalækinn þar sem við bjuggum mín fyrstu æviár.

Göngutúrar á sunnudagsmorgnum niður í Vatnagarða ( núna Sundaborg ) að skoða sjóinn, henda steinum og stappa í pollunum, akkúrat.. stappa í pollunum þar til vatnið sullaði ofan í stígvélunum. Það var skemmtilegast og pabba fannst það fyndið, þar til við komum heim og hann sá að mömmu var ekki eins skemmt, að sunnudagskjóllinn og sokkabuxurnar voru rennandi blaut.

...Tjaldútilegur með strætó upp að Lögbergi með allar græjur í bakpoka á bakinu,tvö  börn í sitthvorri hendinni og mamma með það þriðja.

Eldað á prímus fyrir utan tjaldið, spilað á spil og sungið langt fram á kvöld, því það var íslenskt sumar, bjart og þá mátti maður vaka lengi. Þannig lærði ég mörg íslensk alþýðulög og texta sem hafa fylgt mér fram á þennan dag.

Seinna þegar við eignuðumst bíl voru þessi sömu lög sungin hástöfum á ferðalögum um landið okkar.

... Endrum og sinnum var sett mjólk í glerflösku fyrir hvern og einn, öllum staflað í VW bjölluna og haldið niður á Bæjarins bestu. Það var dásamlegt að fá pylsu með tómatsósu og sinnepi með mjólkurflöskunni. 

Kíkt á skipin í höfninni meðan pylsan var kláruð. 

...Veiðiferðir við Þingvallavatn og svo mætti lengi telja.

Pabbi minn kenndi mér að unna íslenskri náttúru. 

Móðir jörð var það sem hann tilbað og bar mikla virðingu fyrir. Löngum stundum gat hann horft á sólarlagið, rigninguna eða snjókomuna. Allar árstíðir voru í uppáhaldi hjá honum. “Maður klæðir sig bara vel” sagði hann venjulega

Hann hugsaði ákaflega vel um fuglana í garðinum á Hólastekk, nærði þá og baðaði. Fylgdist með þeim alla daga ársins koma í garðinn og þiggja kræsingarnar sem hann bar til þeirra.

Barnabörnin hafa fengið að njóta þess að geta fylgst með spökum fuglunum fyrir innan gluggann í stofunni.

Ég veit að mamma hefur átt fullt í fangi með að næra fuglafjöldann eftir að pabbi veiktist og hafa þeir stundum staðið á garginu eftir mat og ekkert skilið í Óskari að gefa þeim ekki að borða eða skipta um baðvatn.

Þúsundþjalasmiður, listamaður og mikill fagurkeri var hann.         Ef það var ekki blóma og garðrækt með fullt gróðurhús af dalíum, rósum og skógarvölvu þá var það koparsmíði á rennibekknum í kjallaranum, kríusmíði úr þorskbeinum við eldhúsborðið eða renndir tréfuglar sem var hans nýjasta smíði. 

Það lék allt í höndunum á honum enda liggja eftir hann ótal munir sem prýða margar hillurnar víðsvegar. Kríur, svartþrestir, kertastjakar, rokkar, klukkur, og tréfuglar svo að eitthvað sé nefnt.

Pabbi var söngelskur eins og áður hefur komið fram, hann var kórfélagi í Karlakórnum Stefni í 20 ár.  Söngurinn gaf honum alla tíð mikið og sameinuðust hann og mamma svo fallega í þessum félagsskap í gegnum mörg ár og núna síðast hafa þau sungu saman í Heldrimannakór Gerðubergs. Með þeim kór sagðist hann aðallega vera að syngja fyrir GAMLA fólkið, orðin 86 ára sjálfur.

Sem ungur maður áttu fimleikar hug hans allan og bjó hann að því alla tíð að hafa stundað þá íþrótt. Hann vera léttur og sprækur alla tíð, kattliðugur og skreið um allan garðinn á Hólastekknum à vorin og reitti arfann úr beðunum.

Þegar ég nefni léttur og sprækur get ég ekki látið vera að nefna það að þegar ég var að vaxa úr grasi þá mældum við hæðina okkar reglulega og þegar ég náði því að verða 170 cm teygði hann örlítið úr sér svo að hann næði 171 cm

Svona var hann og minningarnar óteljandi. 

...fyrir heiminum var hann faðir okkar…en fyrir fjölskyldunni var hann heimurinn.

Minning þín er ljósið í hjarta mínu pabbi minn.

Það er viðeigandi að kveðja þig með þessu lagi sem við sungum svo oft:

Inn milli fjallanna hér á ég heima, 

hér liggja smaladrengsins léttu spor. 

Hraun þessi leikföng í hellunum geyma, 

hríslan mín blaktir enn í klettaskor. 

Við þýðan þrastaklið  og þungan vatnanið, 

Eiginmaður minn Óskar Henning Valgarðsson Áldal

Nú ertu farinn eftir 70 ára samveru. Enda kynntumst við ung, aðeins 16 ára.

Tómleikin er mikill, því að við gerðum alla hluti saman. Ég studdi þig í öllu, sem að þú varst að fást við og þú mig, meira að segja í saumaskap. Við áttum svo margt sameiginlegt. Enda er ég að læra marga hluti núna. Meira að segja gefa fuglarinir þínir ekkert eftir, sem að þú ert búin að ala í mörg ár. Þeir standa og garga ef að ég er ekki á réttum tíma með að kasta til þeirra. Þeir elska pönnukökur. 

Dans og söng elskuðum við. Þú söngst í 20 ár í Karlakórnum Stefni og við síðan enduðum saman að syngja í Gerðubergjarkórnum, eins og þú sagðir oft...syngja fyrir gamla fólkið, sjálfur orðin 86 ára. 

Veikinditímabilið þitt voru 4 mánuðir. Við höfðum þig heima, önnuðumst þig saman af væntumþykju og ást. Þú kvaddir okkur 28. jánúar sl. og jarðneskar leyfar þínar setjum við niður á afmælisdaginn þinn 13. júní kl. 13.00 Við verðum að sjálfsögðu við óskum þínum um að ein kría verður sett í duftkerið. 

Elsku vinur og besti félagi, kveð þig hér með kvæði eftir Örn Arnar.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Óskar Henning Valgarðsson Áldal

Útför

Minningarorð: Óskar Henning Valgarðsson Áldal

Minningarorð

Eiginmaður minn Óskar Henning Valgarðsson Áldal