Ölvir var bráðamóttöku á Rush University Medical Center á jóladag 25. desember 2021 í Chicago, þar sem hann bjó ásamt Amy eiginkonu sinni.  

Minningarathöfn/Ölvirs Life Celebration mun fara fram í Chicago 17.janúar. 
Það mun verða útför/minningarathöfn í Langholtskirkju 
19. mars, en þá hefði Ölvir Freyr orðið 32 ára 

„Til að byrja með viljum við þakka allan þann stuðning, samhug og aðstoð sem þið hafið sýnt okkur á þessum erfiða tíma".

Ölvir fæddist á Fæðingardeild Landspítalans 19. mars 1990 í snörpum jarðskjálfta (4,7 stig).  Fyrstu 10 æviárunum eyddi hann á Blönduósi en fluttist með foreldrum sínum, til Reykjavíkur árið 2000 og bjó þar, lengst af á Langholtsvegi 102.

Foreldrar hans eru Guðrún Gyða Ölvisdóttir og Guðmundur Unnar Agnarsson. Hálfsystkini hans eru: Guðrún Birna Guðmundsdóttir f. 1966, Agnar Bragi Guðmundsson f. 1968, Hulda Lilja Guðmundsdóttir f. 1975, Elín Hrönn Geirsdóttir f. 1976, Björn Rúnar Guðmundsson f. 1980 og Örvar Geir Geirsson f. 1981. Einnig ólst upp með honum jafnaldri hans Auðun Hjörleifsson í nokkur ár. Þeir voru mög samrýmdir  og héldu þeir alltaf mjög góðu sambandi.

Skólagangan var hefðbundin: Grunnskólinn á Blönduósi, Langholtsskóli þar til skyldunámi lauk, Tækniskólinn (Grafísk hönnun) og NTV þaðan sem hann úskrifaðist sem Kerfisstjóri. Hann starfað við ýmislegt fyrstu árin og var oft í fleiru en einu starfi. Lengst af vann hann sem vaktstjóri og aðstoðar verslunarstjóri í 10–11 og hjá Lyru ehf sem sölu og lagermaður í nærri 10 ár, eða þar til hann flutti til Chicago.

Þann 14. desember 2019 gekk hann að eiga eftirlifandi eiginkonu sína, Amy Marie Duncker frá Chicago, en þar bjuggu þau sér fallegt heimili.

Hann lést á bráðamóttöku Rush University Medical Center í Chicago á jóladagsmorgun 25. desember 2021.

Jón O Sigfússon

Kæru vinir, Unnar og Gyða. Okkar innilegustu samúðarkveðjur til ykkar á þessum erfiðu tímum.
Jón Ólafur og Alda

Sigríður Magnúsdóttir

Elsku Gyða og Unnar, megi allar góðar vættir umvefja ykkur í sorginni, megi minningarnar hlúa að ykkur og gefa ykkur frið, megi samúð og væntumþykja vina ykkar vera smyrsl á sárin. Kærleikskveðja frá okkur kæru vinir
Jón, Sirry og Magnús Jóel

Sigríður B Svavarsdóttir

Kæra fjölskylda. Innilegar samúðarkveðjur til ykkar allra. Blessuð sé minning góðs drengs og samferðamanns míns.
Kærleiksljós sent inn í ykkar líf kæru vinir.
kveðjan er frá Siggu Svavars

Sigríður Helga Sigurðardóttir

Kæra fjölskylda
Innilegar samúðarkveðjur til ykkar allra. 
Einar Óli Fossdal og fjölskylda 


[DEFAULT]

Ölvir fæddist á Fæðingardeild Landspítalans 19. mars 1990 í snörpum jarðskjálfta (4,7 stig) sem fannst mjög vel. Fyrstu 10 æviárunum eyddi hann á Blönduósi en fluttist með foreldrum sínum, til Reykjavíkur árið 2000 og bjó þar, lengst af á Langholtsvegi 102. 

Skólagangan var hefðbundin: Grunnskólinn á Blönduósi, Langholtsskóli þar til skyldunámi lauk, Tækniskólinn (Grafísk hönnun) og NTV þaðan sem hann úskrifaðist sem kerfisstjóri. Hann starfað við ýmislegt fyrstu árin og var oft í fleiru en einu starfi. Lengst af vann hann sem vaktstjóri og aðstoðar verslunarstjóri í 10–11 og hjá Lyru ehf sem sölu og lagermaður í nærri 10 ár, eða þar til hann flutti til Chicago.

Elsku sonur okkar, Ölvir Freyr Guðmundsson, kerfisstjóri, lést á bráðamóttöku Rush University Medical Center í Chicago á jóladagsmorgun. Þangað hafði eiginkona hans ekið honum og hann gengið þar inn en varð bráðkvaddur skömmu síðar og endurlífgun tókst ekki.

Ölvir var strax mikið ljós í lífi okkar foreldranna og annarra. Ótal minningar brjóta sér leið fram í hugann. Strax sem barn var hann farinn að velta tilverunni fyrir sér og kom okkur oft á óvart. Hann sá oft eitthvað nýtt við tilveruna sem aðrir höfðu ekki veitt athygli, bjó til ný orð yfir það sem hann sá og upplifði.

Hann var einstaklega rólegt og ljúft barn, gerði litlar kröfur og gat dundað sér í einveru við að skoða hluti. Þegar hann var 10 ára sigraði hann á landsvísu í nýsköpunarkeppni grunnskólanema í útlits- og formhönnunarflokki  þar sem hann hannaði og útfærði hugmynd sem fól í sér að draga úr notkun á plastpokum.

Hann hafði oft fjölmennan hóp vina og var einstaklega fær í að sameina þau ólíku sjónarmið sem voru í gangi í hópnum og miðla málum. Hann ferðast með okkur foreldrunum bæði innanlands og erlendis. Þar naut hann þess að sjá eitthvað nýtt og var alltaf frjáls og áhugasamur um það sem fyrir augu bar. Í einni slíkri ferð 30. júní 2006 vorum við á veitingastað í Búlgaríu þar sem hann fór að spjalla við þjónusustúlkuna og hún sagðist vera að safna fyrir ferð til að heimsækja foreldra sína sem hún hafði ekki séð lengi, þá tók hann alla peninga sem hann var með á sér og gaf henni, hún var bæði þakklát og hrærð. Þetta lýsir góðmensku hans gagnvart öðrum mjög vel. Hann var greiðvikinn, mikill dýravinur og hafði góð tengsl við náttúruna. Ölvir fæddist í jarðskjálfta, var við upptökin á báðum Suðurlandsskjálftunum 17. og 24. júní árið 2000. Eldgosið í Fagradalsfjalli byrjaði á afmælisdaginn hans þegar hann varð 31 árs og sagðist hann hafa fengið það í afmælisgjöf og var iðinn við að sýna fólki erlendis myndir frá því og kynna Ísland.

Þegar hann var 14 ára eignast hann vinkonu, Lori Scherger, í Ástralíu og haf þau alltaf haldið sambandi síðan. Þegar hún gifti sig fór hann í brúðkaupið og lýsir það vel hversu óhræddur og skipulagður hann var. Flug til London – Kína – Ástralíu og svo var brúðkaupið haldið á Fiji eyjum. Þetta varð eitt af stærstu ævintýrum í hans lífi hans. Lori og Adam (eiginmaðurinn) komu til Íslands í brúðkaupsferð og tók Ölvir á móti þeim í Keflavík og fór m.a. með þau á Þingvöll og svo var ferðinni heitið á Laugarvatn, Geysi og Gullfoss. Það gerði stórhríð á Lyngdalsheiði og þurftu þau að aðstoða nokkra bíla er höfðu fest sig eða ekið útaf. Þvílíkt ævintýri fyrir Ástralíubúa, sem höfðu aldrei séð snjó áður. Þau enduðu þessa ferð í sumarbústaðnum okkar þar sem hann útbjó góða máltíð fyrir þau, en hann hafði alltaf gaman af matreiðslu, kenndi okkur foreldrunum m.a. að hægelda.  Lori segir að hann hafi verið besti vinur sem hún hafi eignast og þegar hún eignaðist dóttur fyrir ári síðan skírði hún hana Freyju í höfuðið á Ölvi Frey.

Hann eignaðist mjög góða vini, skólafélaga, samstarfsfólk og aðra. Það hefur verið yndisleg upplifun að fá skrif frá þessu fólki sem lýsir öllum hans góðu eiginleikum og reis hæst þar sem einn skólabróðir hans segir eftir lýsingu á honum: „Hann var einfaldlega besta manneskja sem ég hef kynnst“ og hugsi til hanns þegar hann sé að ala upp eigin börn.

Eftir að Ölvir flutti til Chicago lifðu hann og Amy lífinu lifandi. Þau þreyttust aldrei á að skoða og kynna sér hluti, matarmenningu, söfn og staði, mjög oft sendi hann myndir og skrifaði: „Ég verð að sýna ykkur þetta þegar þið komið“. En í kjölfar Covid faraldurs, komust við foreldrar og ættingjar ekki í þá heimsókn þar sem jafnframt átti að sameina brúðkaupsveislu og þrítugs afmælið hans. 

Þau lifðu hamingjusömu lífi með sína hunda og ketti sem þau höfðu mjög mikið dálæti á. Ölvir átti hundinn Tótó hér heima á Íslandi (nú að verða 14 ára), sem varð eftir hjá okkur og hann saknaði hans mikið og spurði alltaf um hann en þeir voru mjög nánir.

Amy og Ölvir ferðuðust talsvert mikið. Hún kom nokkrum sinnum til Íslands og í einni ferðinni fóru þau til Englands og voru þá nokkra daga í London, tóku lestina til Parísar þar sem hann bað hennar við Eiffelturninn. Ölvir þekkti París nokkuð, en hann hafði verið þar með okkur foreldrunum tvisvar, samtals í 3 vikur. Frá París héldu þau til Orihuela Costa á Spáni þar sem þau voru í viku í íbúðinni okkar í rólegheitum.

Stórfjölskyldan í Chicago var Ölvi strax kær og þreyttist hann seint á að lýsa ýmsu sem þau gerðu sameiginlega. Sérstaklega náðu hann og tengdafaðir hans vel saman. Þau suðu niður grænmeti og ávexti úr garðinum saman, bjuggu til pylsur og frystu og svo mætti lengi telja. Voru sjálfum sér nóg að mörgu leyti. Við dvöldum hjá tengdaforeldrum hans í 10 daga þegar við fórum til Chicago strax eftir að Ölvir lést. Þetta er allt yndislegt fólk og báru okkur á höndum sér þennan tíma sem við vorum þarna.

Amy er yndisleg stúlka, hlý og vikunnanleg. Þessi tími síðan á jóladag hefur verið henni mjög erfiður eins og okkur. Við höfum verið í góðu sambandi og reynt að styrkja hvert annað. Þau stefna á að koma til Íslands í sumar og það verður frábært að njóta samveru með þeim.

Elsku hjartans Ölvir Freyr okkar. Við vitum að ef einhverjum hlotnast að lenda á góðum stað eftir dauðan þá hlotnast þér það. Vonandi hittum við þig fyrir, glaðan að vanda, þegar við komum. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ölvir Freyr Guðmundsson

Andlátstilkynning

Útför

Aðstandendur

Þakkir

Ölvir Freyr Guðmundsson