Ólafur Ingólfsson fæddist í Reykjavík 22. júní 1941. Hann lést á Landspítalanum 5. mars 2015.

Foreldrar hans voru Ingólfur Eyrfeld Guðjónsson frá Eyri í Ingólfsfirði, f. 28.6. 1920, d. 22.10. 2012, og Sigurbjörg Guðmundsdóttir frá Reykjavík, f. 1.7. 1918, d. 23.9. 1992. Systkini Ólafs samfeðra eru: Lára Valgerður, f. 13.6. 1946, Sigurður, f. 31.10. 1947, d. 25.10. 2013, Halldór Kristján, f. 31.10. 1954, Guðjón Egill, f. 24.2. 1956, og Þórhildur Hrönn, f. 19.8. 1960. Bræður Ólafs sammæðra eru: Ágúst H. Bjarnason, f. 1945, Guðmundur Bjarnason, f. 1946, Egill H. Bjarnason, f. 1948, Kjartan H. Bjarnason, f. 1952, Þórarinn Bendikz, f. 1954, og Sigurður Óli Bjarnason, f. 1955.

Ólafur ólst upp hjá afa sínum og ömmu á Eyri í Ingólfsfirði, Guðjóni Guðmundssyni hreppstjóra og konu hans Guðjónu Sigríði Halldórsdóttur. Eftir barnaskólanám í Finnbogastaðaskóla lá leiðin í Reykholtsskóla í Borgarfirði. Hann hóf síðan nám í Iðnskólanum í Reykjavík og vélsmiðjunni Héðni og tók sveinspróf í vélvirkjun 1963.

Hinn 29. desember 1962 kvæntist hann Svanhildi Guðmundsdóttur, f. 26. maí 1943 á Eyrarbakka. Foreldrar hennar voru Agnes Þórarinsdóttir, f. 8.2. 1921, d. 4.2. 1946, og Guðmundur Ásgeirsson, f. 24.9. 1920, d. 30.6. 1978. Börn Ólafs og Svanhildar eru: 1) Guðjón, f. 13.10. 1962, kona hans er Fjóla Berglind Helgadóttir, f. 21.11. 1959. Fjóla átti áður tvö börn og eitt barnabarn. Guðjón á dótturina a) Svandísi, f. 7.1. 1990, móðir hennar er María Ólöf Ólafsson, f. 23.3. 1968. Sonur Guðjóns er b) Ólafur Þórir Guðjónsson, f. 2.8. 1995, móðir hans er Jóhanna Þórey Jónsdóttir, f. 14.1. 1961, hennar dóttir er Dagbjört Svana, f. 1985. Ólafur Þórir á soninn Axel Breka, f. 22.11. 2014, með unnustu sinni Margréti Völu Steinarsdóttur, f. 22.1. 1996. 2) Guðrún, f. 11.8. 1964, hennar maður er Gunnlaugur Jónsson, f. 13.7. 1956. Þau eiga saman soninn a) Þráin, f. 2.6. 2003. Áður átti Guðrún b) Agnesi Dís Ágústsdóttur, f. 25.3. 1989, faðir hennar er Ágúst Ísfeld Ágústsson, f. 1964. Sonur Agnesar er Elvar Óli, f. 19.2. 2015. Gunnlaugur átti áður tvö börn og þrjú barnabörn.

Ólafur og Svanhildur hafa lengst af búið í Hafnarfirði fyrir utan sex til sjö ár sem þau bjuggu á Eyri með Guðjóni hreppstjóra. Ólafur stundaði rækjuveiðar á Ingólfsfirði með föður sínum á vetrum en vörubílaakstur á sumrum. Eftir að fjölskyldan flutti til Hafnarfjarðar starfaði í hann í Bátalóni og síðan í Mótun plastbátagerð. Lengst af starfaði Ólafur á Vélaverkstæði Jóhanns Ólafs í Hafnarfirði. Einnig stundaði Ólafur sjóinn á bátnum sínum frá Norðurfirði á Ströndum meðan heilsan leyfði.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ólafur Ingólfsson

Útför

Ertu með minningargrein?