Elskulegur eiginmaður minn, faðir, tengdafaðir, afi og langafi Matthías Pétursson fyrrv. skrifstofustjóri Kaupfélags Rangæinga, Hvolsvelli lést á Hrafnistu í Hafnarfirði 21. maí. 

Jarðsett verður frá Vídalínskirkju í Garðbæ kl. 13:00 af séra Elínuborgu Sturludóttur. Ef tíminn segir annað hér fyrir ofan þá verður jarðarförin kl. 13, hvað sem því líður.

Matthías Pétursson fæddist í Skjaldabjarnarvík í Árneshreppi á Ströndum 22. ágúst 1926. Hann lést á hjúkrunarheimilinu Hrafnistu í Hafnarfirði 21. maí 2022.

Matthías var sonur hjónanna Péturs Friðrikssonar, f. 18. júní 1887, d. 9. september 1979 og Sigríðar Elínar Jónsdóttur, f. 10. (19.) nóvember 1893, d. 30. mars 1984. 

Systkini Matthíasar voru Guðmundur, f. 26. febrúar 1917, d. 16. maí 1960, Guðbjörg, f. 28. mars 1920, d. 13. júní 2010, Jóhannes, f. 3. ágúst 1922, d. 5. september 2000, Friðrik, f. 9. apríl 1924, d. 30. júlí 2009 og Jón, f. 27. janúar 1929, d. 31. október 1997.

Matthías kvæntist Kristínu Huldu Þórarinsdóttur, f. 3. nóvember 1926, á Ríp í Hegranesi 2. ágúst 1952. Börn þeirra: 1) Þórólfur Geir, f. 8. desember 1953, maki Jóna Guðmundsdóttir, börn þeirra eru Eirný Þöll og Vala, fyrir átti Þórólfur Pál. 2) Sigríður f. 28. nóvember 1954, d. 8. janúar 2017, maki Finnbogi Guðmundsson, börn þeirra eru Ívar Freyr, Guðmundur og Sara Kristín. 3) Guðmundur Pétur, f. 18. júní 1960, börn hans og Elísabetar Arnardóttur eru Ásta Heiðrún Elísabet, Matthías og Hildur Ellen Pétursbörn. 4) Hörður f. 20. nóvember 1962, maki Sherry Sawitree, barn þeirra er Daniel, fyrir átti hann Kára Ethan og Connor Pétur. 

Matthías bjó í Skjaldabjarnarvík til átta ára aldurs er fjöldkyldan flutti í Reykjarfjörð í Reykjarfirði syðri á Ströndum. Á fyrsta degi kynntist hann Skúla Alexanderssyni, pilti á næsta bæ og hélst vinskapur þeirra til æviloka Skúla. 

Pétur og Sigríður sendu öll börn sín í héraðsskóla, Matthías fór í Héraðskólann í Reykholti.

Á skólaárunum vann Matthías í síldarmennsku, á sjó og í foreldrahúsum við bústörf. Úr Reykholtsskóla lá leið hans í Samvinnuskólann í Reykjavík og síðar framhaldsdeild sama skóla. Að loknu samvinnuskólanámi á Íslandi fór Matthías í samvinnuskóla í Stokkhólmi veturinn 1951 til 1952.

Heimkominn frá Stokkhólmi var hann ráðinn kaupfélagsstjóri Kaupfélagsins á Hellissandi. Á Hellisandsárunum tók hann virkan þátt í þjóðlífinu og sat meðal annars í sýslunefnd.

Árið 1961 verða kaflaskil.  Matthías réð sig sem skrifstofustjóri Kaupfélags Rangæinga á Hvolsvelli og gengdi því starfi þar til hann lét af störfum sökum aldurs árið 1996. Matthías tók alla ævi virkan þátt í félagsstörfum bæði á vettvangi Samvinnuhreyfingarinnar og þeirra byggðarlaga þar sem hann bjó. Hann var einn stofnfélaga Rótarýklúbbs Rangæinga og tók þátt í starfi klúbbsins allt þar til hann og Kristín fluttu í Garðabæ snemma árs 2008. Matthías beitti sér stofnun Kaupfélagssafnins á Hvolsvelli ásamt Margréti Björnsdóttur. Hann hafði löngu fyrir starfslok lagt til hliðar muni til halda við minningu og sögu kaupfélagsverslunar á Suðurlandi.

Matthías var gegnheill samvinnumaður alla ævi. Í ræðu við opnun Kaupfélagssafnins 23. júní 2001 má segja að hann hafi dregið saman lífsskoðun sína með þessum orðum:  Vinnum saman, berum byrðar hvers annars.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Matthías Pétursson

Andlátstilkynning

Útför

Aðstandendur

Ertu með minningargrein?