Ástkær eiginkona mín, dóttir, systir, mamma, tengdamamma og amma, Margrét Hólm Magnúsdóttir, lést í faðmi fjölskyldunnar fimmtudaginn 24. febrúar. 

[DEFAULT]

Enginn sólargeisli er bjartari en elsku systir, enginn sólargeisli dreifir eins miklum kærleika og gleði í kringum sig og hún. Enginn sólargeisli er eins og þú elsku Magga.

Þú varst einstök og okkar systra samband var ástríkt og fallegt. Við höfum farið í gegnum lífið saman, stundum voru brekkurnar brattar en við tókumst á við þær hönd í hönd. Eftir standa dýrmætar minningar um gleði og þær geymi ég í hjarta mínu. Árin okkar í Listfléttunni voru ævintýri líkust, við ferðuðumst mikið, heimsóttum listamenn og völdum fallega listmuni í galleríið okkar. Oft var bíllinn svo vel hlaðinn á heimleiðinni að við urðum að taka fötin okkar upp úr töskunum og smeigja þeim þar sem einhver smuga var.           

Við hugsuðum eins og lásum hugsanir hvor annarar. Einn daginn mættum við galvaskar í vinnuna, litum hvor á aðra, þá eins klæddar og meira að segja spennurnar í hárinu voru eins.

Þú varst sjúkraliði að mennt og elskaðir að vinna og hlúa að þínum skjólstæðingum á Selinu og Öldrunarheimilinu Hlíð. Allir dáðu þína léttu lund og umhyggju sem þú sýndir þínu fólki. Ef einhverjum vantaði kodda fórstu bara og keyptir hann, ef einhvern vantaði buxur reddaðir þú þeim og ef einhver var einmana dreifstu viðkomandi í bíó eða á rúntinn.  Góð vinkona þín á Hlíð sendi þessar fallegu línur sem lýsa þér svo vel.

Við systur erum alltaf kallaðar Magga, Dísa og Æja. Þegar við vorum litlar og einhver ætlaði að ávarpa eina okkar, áttaði sig ekki á því hver var hvað, þá kom bara öll runan. Í gegnum árin höfum við alltaf verið mikið saman, heimsótt hver aðra og skapað minningar. Við fórum reglulega í sumarbústaðarferðir, nutum þess að ganga í náttúrunni, fá okkur aðeins, hlæja, syngja og dansa. Skemmtilegt fannst okkur að skreppa í búðir, versla og oftast var það þannig að ef ein keypti sér peysu eða bara bolla urðum við hinar að fá okkur eins.

Eins og lífið getur verið yndislegt þá komast fáir í gegnum það án áfalla. Elsku Magga okkar greindist með taugasjúkdóm fyrir nokkrum árum sem herjaði á hana miskunnarlaust síðustu tvö árin. Hún barðist eins og hetja, Gunni minn, við fjölskyldan og Svana æskuvinkona hennar reyndum að létta henni lífið ásamt öllu góða fólkinu í dagþjálfunni á Hlíð og á Lögmannshlíð. Eftir standa allir dagarnir sem við systur áttum saman og eru núna svo ótrúlega ómetanlegir. Við reyndum að taka þátt í lífinu, fórum í gönguferðir með Þoku hennar, á kaffihús, fengum okkur pylsur, fórum í búðir eða bara sofnuðum saman í hjónarúminu þegar þannig stóð á.

Nú er hún komin í Sumarlandið og allar þjáningar að baki. Við vitum að það hefur verið vel tekið á móti sólageislanum okkar, þar halda geislar hennar áfram að skína og dreifa kærleika og gleði.

Við munum ætíð sakna þín. Góða nótt elsku hjartans systir, Guð geymi þig.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Margrét Hólm Magnúsdóttir

Andlátstilkynning

Útför

Aðstandendur

Minning