[DEFAULT]

Sæll, er eitthvað markvert að frétta?  Svona byrjuðu símtöl okkar Magga vinar míns og skólafélaga þegar hann hringdi í mig. 

Já það fækkar í þeim góða hópi sem kom saman í fyrsta bekk Vélskólans haustið 1972. Þetta var samheldinn hópur sem tók sér ýmislegt fyrir hendur annað en að liggja yfir námsbókum, en auðvitað var aðalmarkmiðið að verða góðir vélstjórar. Við Maggi urðum fljótt góðir vinir og hélst sá vinskapur alla tíð, mis mikil samskipti eins og gengur, en meiri núna í seinni tíð og kom ég oft við hjá honum. Maggi fylgdist vel með dægurmálum, las Moggann alla daga og horfði á fréttir. Og ef hann vildi meiri fréttir hringdi hann og spurði mig hvort ég hefði hitt og talað við "mína menn" nýlega. Vissi að ég þekki marga. Ég hringi ef ég frétti eitthvað markvert, svo var hann farin úr símanum. Við Maggi töluðum saman í síma 13. mars, ég var að athuga hvernig heilsan væri, og lét hann ekki illa af sér. Það var mér mikið áfall 30. mars, þegar ég frétti að hann hefði dáið 14. mars og útförin væri afstaðin. Ég veit að ég mæli fyrir munn okkar félaganna í fyrsta bekk Vélskólans 1972/73 að fallinn er frá góður drengur og traustur vinur. 

Blessuð sé minning hans og ég mun sakna þess að heyra ekki frá honum meir. 

             Enginn ræður sínum næturstað.  Ólafur Hjálmarsson.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Magnús Hörður Hákonarson

Útför

Minningarorð.