Foreldrar Kristjáns voru Óskar Indriðason vélstjóri, f. 9. september 1930 á Akranesi, d. 27. janúar 2015 og Selma Júlíusdóttir ilmolíufræðingur, f. 18. júlí 1937 í Reykjavík, d. 26. janúar 2014. Uppeldissystir hans heitir Margrét Erla Guðmundsdóttir, f. 1979. Börn hennar eru Kristófer Atli Hagelund Ólason og Tinna Líf Óladóttir. 1984 kvæntist Kristján eiginkonu sinni Marilyn Herdísi Mellk myndlistarmanni, f. 4. febrúar 1961. Börn þeirra eru eru Eva Ósk Kristjánsdóttir, VFX listamaður f. 31. desember 1984 og Kristján Indriði Kristjánsson, starfsmaður hjá M.S. f. 7. september 1988. Foreldrar Marilyn eru Kristjana Bjargmundsdóttir Mellk, f. 1925, d. 2017 og George Mellk, f. 1915, d. 1973. Systkini hennar eru Róbert Mellk, maki Guðríður Guðmundsdóttir, og Karen Mellk. 

Kristján ólst upp í Reykjavík og gekk í Laugarnesskóla. Sem barn fór hann á sumrin til Tálknafjarðar í sumarvist hjá fjölskyldu móðurbróður síns. Hann flutti í Árbæinn 12 ára og spilaði þar sem fyrirliði Fylkis í handbolta til 16 ára aldurs. Hann spilaði einnig fótbolta með Skallagrími í Borgarnesi á unglingsárunum. Frá 11 ára aldri til 1981 starfaði hann á sumrin í Olíustöðinni í Hvalfirði. 17 ára fór hann til Vestmannaeyja, spilaði í hljómsveitinni Logum og vann í Vinnslustöðinni til 1977. Hann lauk verslunarprófi 1979 frá Samvinnuskólanum á Bifröst. 1980 tók hann upp fyrstu plötuna með hljómsveitinni Upplyftingu, sem hefur m.a. að geyma lögin Traustur vinur og Kveðjustund. Eftir Samvinnuskólann lauk hann stúdentsprófi í Reykjavík og vann með skóla í hljóðfæraversluninni Rín. Eftir það vann hann hjá Skipadeild Sambandsins til 1987, var framkvæmdastjóri sölusamtaka loðdýraræktenda til 1990 og svo hjá Eimskip til 1991. 1992-1995 var tónlistin hans aðalstarf auk þess að vinna í hlutastarfi í Rín. Á þessum tíma spilaði hann m.a. í dúettinum KOS. 1995 vann hann í söludeild Landflutninga Samskipa og varð hann viðskiptastjóri Innflutningsdeildar Samskipa 1999-2008. Þar sá hann um stórflutninga og kenndi fyrir hönd Samskipa í Verslunarskólanum og í Menntaskólanum við Sund. Hann fór í endurmenntun í Háskóla Íslands. Síðasta árið hjá Samskipum vann hann að því að taka saman kennslubók í flutningafræði sem var svo notuð í Samskipaskólanum.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Kristján Óskarsson

Útför

Ertu með minningargrein?