Elsku hjartans eiginmaður minn, faðir okkar, stjúpfaðir og afi 
Kristberg Snjólfsson 
Miðgarði 9,  Reykjanesbæ,
lést á landspítala Fossvogi
útförin hefur farið í kyrrþey 

Starfsfólk á gjörgæsludeild landspítala fær sérstakar þakkir fyrir frábæra umönnun

[DEFAULT]

Það er skrítið að sitja hér með fullan haus af minningum. Það var svo mikill samgangur á milli okkar frændsystkina og fjölskyldna okkar og man ég svo mikið frá Grýtubakkanum þar sem ég var oft í pössun hjá mömmu þinni og eins í Mýraselinu þar sem við Guðbjörg vorum iðulega að leika okkur saman. 

Sumarbústaðurinn í Svarfhólsskógi, þegar þú komst svífandi um loftið í fallhlíf. 

Við urðum svo foreldrar með svipuðum tíma, þó ég hafi aðeins verið á undan í bæði skiftin, en Alma Glóð er tæpum mánuði yngri en mitt annað barn. 

Ég var líka heppin að eiga þig sem vinnuveitanda minn, þar sem ég vann í sjoppunni þinni á Grundastíg og þegar þú seldir hana passaðir þú uppá að ég fengi vinnu hjá yndislegum hjónum í sjoppunni þeirra í Höfðatúni. Þú passaðir alltaf vel uppá litlu frænku. Og símtölin okkar á milli voru iðulega „sæl þetta er bestasti, besti frændi þinn!“ og svo hófst samtalið.

Við systur og mamma, erum svo þakklátar fyrir að hafa lagt leið okkar til ykkar hjóna í haust. Þvílíkt sem það var gaman og mikið ofboðslega eigið þið fallegt heimili. Hundarnir tóku nú líka vel á móti okkur. 

En eitt máttu vita elsku bestasti besti frændi minn, við munum hugsa vel um Möggu þína.

Þar sem englarnir syngja sefur þú.efur í djúpinu væra.

Minn styrkur þú ert mín lífsins rós.

Síminn þinn er þagnaður, þú ert ekki lengur í stólnum þínum að selja fasteigni eða bíla eða hafa skoðun, sprella og ræða heimsmálin. Mér finnst í raun ótrúlegt að tímin haldi áfram að fluglarnir syngi enn og féttir séu sagðar í fjölmiðlum dag hvern því tíminn stöðvaðist hjá mér og hjartað brotnaði í þúsund mola 17 desember um kl 21.30, ég og Alma Glóð og Lilja Björt vorum hjá þér, við héldum dauðahaldi í hendur þínar.

 þú sagður alltaf að þú yrðir ekki langlífur og mestan part af okkar 18 ára búskap varstu veikur en það vissu fáir. Við áttum gott líf þó blési á móti okkur stundum. Við fluttum tvisvar sinnum til spánar saman og til baka, seinna skiptið sem við komum aftur heim varstu orðin alvarlega veikur með lifrarbilun á lokastigi, 2018 var svo árið sem þú fékkst boð um að ný lifur biði þín í Gautaborg við fórum þangað með sjúkraflugi og þú útskrifaðist með fína einkunn. við héldum að nú myndi lífið geta haldið áfram en aldeilis ekki þú greindist síðar með fjölvöðvabólgu sem var af versta tagi og engin lyf virkuðu og olli því að þú gast lítið hreift þig síðustu árin þú varst nokkuð mikið bundin við heimilið okkar og ég passaði upp á þig og er þakklát fyrir þann tíma þó hann hafi oft verið erfiður. þú fékkst covid nú í október og eiginlega ótrúlegt að við höfum sloppið þar til þá, eftir 6 vikna covid þrautagöngu fékkstu lungnabólgu og varst í öndunarvél í 11 daga og aðeins 2 dögum síðar þá gafst líkaminn upp og þú kvaddir heimin á afmælisdegi mömmu þinnar. 

Elsku hjartans Kiddi minn ég er óendalega þakklát fyrir öll árin okkar ég er þakklát fyrir ferðalögin okkar um landið með krakkana og ferðalögin erledndis, ég er þakklát fyrir tíman sem við vörum í jeppatúrunum, ég er bara svo þakklát fyrir svo margt. ég er þakklát fyrir að þó við ættum ekki börn saman þá voru strákarnir mínir þínir og stelpurnar þínar mínar.  

Við rifumst aldrei ekki það að við vorum ekki alltaf alveg sammála en við rifumst samt ekki það geta ekki öll hjón státað að þvi.  Ég varla enn farin að átta mig almennilega á að þú sért ekki hér, ég held enn á símanum ef ske kynni að þú hringir, já við töluðum mikið saman fyrstu vikurnar sem þú varst á spítalanum og ég beið með þér í símanum þegar þér leið illa og þú beiðst eftir að einhver sinnti þér samt var ég líka mikið með þér þar eða oftast u.þ.b 6 tíma á dag, tími sem var vel varið með þér ástin mín.  það er óraunverulegt að skrifa um minningu þína þú varst bara 58 ára gamall já þú varst ekki gamall maður en samt búin að reyna svo margt og ég fann svo sannarlega hve heitt þú elskaðir mig enda er missirinn mikill og ég spyr mig hvenær hættir manni að vera svona óskaplega illt í hjartanu ?elsku hjartans Kiddi minn ég elska þig meira en hægt er að koma í orð en þangað til ég legg í ferðina miklu þá segi ég það sem við sögðum við hvort annað oft á dag "ég elska þig" þín Magga



Elskulegur vinur minn hann Kristberg Snjólfsson lést á Landspítala í gærkvöldi, hann háði harða baráttu við hinn illvíga sjúkdóm Covid 19. Ég kynntist Kidda fyrir mörgum árum í gegnum jeppamennsku og héldum við ávallt góðu sambandi, það var svo árið 2019 sem okkar leiðir lágu saman á Reykjalundi, hann var þar í endurhæfingu eftir lifrarskipti. Blessuð sé minning hans Guð styrki aðstandendur hans í sorginni. Góður drengur sem fór alltof snemma.

Þegar kemur að því að kveðja æskuvin þá er svo ótal margt sem kemur upp í hugann, Kiddi var alveg ótrúlegur karakter t.d ef hann fékk hugmynd þá varð að framkvæma hana strax engin ástæða að hanga og bíða eða skoða málið eitthvað frekar, samanber þegar við vorum einu sinni á rúntinum niður bankastræti heyrðum við auglýsta tónleika á Wembly í útvarpinu 5 mínútum seinna vorum við búnir að kaupa miða og 1 aukalega ef einhver skyldi vilja koma með, já svona var Kiddi.

Hann Kiddi reyndi margt á sinni ævi sumt mis gáfulegt eins gengur og gerist hjá öllum en sama hvað hann gerði þá kom hann alltaf standandi niður. Kiddi var fullur af orku og leitaði uppi sport til að leysa hana úr læðingi, um tíma stundaði hann meðal annars ísklifur og fallhlífastökk og þannig fékk hann útrás, Kiddi lærði líka að fljúga og auðvitað dró hann mig með í það við lærðum hjá flugskólanum flugtak og náðum okkur í einkaflugmanns réttindi.

Þrátt fyrir að vera þessi orkubolti sem hann var þá tók hann sínum veikindum af æðruleisi og reyndi að taka þátt í þjóðfélaginu, þótt líkaminn gæfi sig þá var toppstykkið í lagi þannig að hann hélt áfram að sinna fasteignaviðskiptum heiman frá sér.

Kiddi var ótrúlega hjálpfús og vildi allt fyrir alla gera og gæti hann það ekki sjálfur þá sendi hann einhvern í sinn stað til að redda málunum.

Ég gæti eflaus setið hér og skrifað langa grein um uppátæki Kidda en læt nú staðar numið.

Ég vil senda Möggu og öðrum aðstandendum innilega samúðarkveðjur, minningin um góðan dreng lifir

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Kristberg Snjólfsson

Andlátstilkynning

Útför

Aðstandendur

Þakkir

Elsku frændi minn

Síminn er þagnaður

Kristberg Snjólfsson

Kæri vinur