Ástkær eiginkona mín, móðir okkar, tengdamóðir og amma, jóna Jónsdóttir, Vallarbarði 12, Hafnarfirði, lést þann 17.09.2023.  Útför hennar fer fram frá Hafnarfjarðarkirkju 27.09.23

Útför Jónu Jónsdóttur fer fram frá Hafnarfjarðarkirkju miðvikudaginn 27.sept. 2023 kl. 13.00

Aðstandendur vilja þakka öllum þeim sem sýnt hafa hlýhug og samkennd á þessum erfiða tíma. 

Jóna Jónsdóttir fæddist á Drangsnesi 18.mars 1943.  Hún varð bráðkvödd þann 17.september 2023.

Jóna var dóttir hjónanna Jóns Jenssonar f. 1889 og Soffíu Guðrúnar Guðmundsdóttur f. 1901.  Uppeldisfaðir Jónu var Sigurgeir Jensson f. 1897.

Systkini Jónu voru Ester Jónsdóttir f.1933, Emil Jónsson f. 1935, Guðmundur Jónsson, f. 1937 og Magnús Jónsson f. 1938.  Eru þau öll látin.

Eftirlifandi eiginmaður Jónu er Þorsteinn Svavarsson f. 1.júlí 1946.  Börn þeirra  hjóna eru 1) Sigurjón Þorsteinsson f. 8.nóvember 1964, giftur Sigríði Birnu Bragadóttur.  Börn þeirra eru Steinar Bragi f. 2007 og Anna Jóna f.2011,  2) Svavar Þorsteinsson f. 6.október 1965, giftur Margréti Lilju Sigurðardóttur.  Börn þeirra eru Þorsteinn Hrannar f.1995 og Jóna Rún f. 1999. 3)Þorsteinn Jónas Þorsteinsson f.10.maí 1971, giftur Guðrúnu Antoniussen.  Börn þeirra eru Garðar Þór f. 2006, , Aldís Ósk f. 2008 og Anita Ösp f. 2008.  Dóttir Þorsteins frá fyrra sambandi er Harpa Líf f. 1995. 4) Rúnar Freyr Þorsteinsson  f. 29.september 1983, giftur Tone Merethe Thorsteinsson.  Stjúpsonur Rúnars er Tor-Eivind Stokkebekk f.1999.

Jóna ólst upp á Fiskinesi við Drangsnes., Flutti hún fyrir tvítugt til Reykjavíkur og síðar til Hafnarfjarðar árið 1964 þegar hún kynntist eftirlifandi eiginmanni sínum.  Bjó hún þar til  dauðadags.

Jóna starfaði sem húsmóðir og við ýmis störf tengd iðnaði og fiskvinnslu.  Lengst af starfaði hún í fyrrirtæki þeirra hjóna Útvík hf. frá  1981 til starfsloka.  Hún hafði unun af því að ferðast og kynna sér nýja staði.  Hún las mikið og eyddi mestum frítíma sínum við lestur góðra bóka. Sumarbústaður þeirra hjóna í Grímsnesi var þeirra griðastaður ásamt því að þau eyddu ætíð hluta af sumri á Drangsnesi.  

Útför hennar fer fram í dag miðvikudaginn 27. September kl. 13 frá Hafnarfjarðarkirkju.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóna Jónsdóttir

Andlátstilkynning

Útför

Aðstandendur

Þakkir

Ertu með minningargrein?