Jón Sigurgeirsson er fæddur 25.10.1875 í Víðum í Reykjadal í Suður-Þingeyjarsýslu. Foreldrar hans eru: Sigurgeir Jónsson f. 04.03.1842 - d. 01.01.1905 bóndi í Víðum frá 1873 og til æviloka og Sigurborg Jónsdóttir f. 31.10.1836 - d. 07.08.1926. 

Ásmundur Sigurgeirsson f. 17.09.1865 - d. 09.02.1917. Bóndi í Víðum 1890-96, Hjalla í sömu sveit 1896-98, Ljósavatni í samnefndum hreppi 1898-1900 og aftur í Víðum frá 1900 til æviloka. Kona hans var Guðný Sigríður Helgadóttir f. 06.01.1865 - d. 22.04.1950 Húsfreyja og ekkja í Víðum. Þau hjón eignuðust níu börn. 

Sigríður Kristín Sigurgeirsdóttir f. 30.09.1870 - d. 27.10.1871.  

Sigríður Kristín Sigurgeirsdóttir f. 13.11.1872 - d. 11.09.1955. Síðast húsfreyja á Húsavík. Maður hennar var Árni Jakobsson f. 20.03.1891 - d. 24.03.1960. Síðast búsettur í Sólbakka á Húsavík. Ritaði ævisögu sína: 

Kristján Sigurgeirsson f. 24.10.1879 - d. 20.07.1883. 

Tómas Sigurgeirsson f. 19.10.1880 - d. 26.09.1961. Hálfbróðir Jóns, samfeðra. Bóndi víða en lengst þó á Brettingsstöðum í Laxárdal 1909-25. Kona hans var Guðný Erlendsdóttir f. 05.05.1882 - d. 14.07.1935. Þau eignuðust fjögur börn. 

Jón var með foreldrum og systkinum í Víðum. Var fermdur í Einarsstaðakirkju 15 maí 1890. Hann fór vorið 1896 til náms í Búnaðarskólanum í Ólafsdal í Dalasýslu. Þaðan útskrifaðist hann sem búfræðingur vorið 1898. Fór þá norður að Hjalla í Reykjadal til fjölskyldu sinnar og flutti síðan með henni að Ljósavatni í Ljósavatnshreppi. Árið 1900 lá leiðin aftur að Víðum í Reykjadal. Á fyrstu árunum eftir að Jón útskrifaðist sem búfræðingur mun hann á sumrum hafa unnið hjá bændum í héraðinu að ýmiskonar jarðabótum og jarðrækt. Einnig mun hann hafa unnið við smíðar en hann var mjög laghentur og útsjónarsamur við öll verk.  

Þann 9. júlí 1916 giftist Jón ekkjunni Guðrúnu Erlendsdóttur frá Brettingsstöðum í Laxárdal. Hún var áður gift Stefáni Sigurðssyni bónda á Brettingsstöðum. Hann drukknaði í Laxá í Laxárdal eftir tæplega tveggja ára hjúskap þeirra. Þau eignuðust dóttur saman; Sigríði Stefánsdóttur f. 06.08.1900 á Brettingsstöðum. Sigríður fluttist seinna til Reykjavíkur og giftist þar Sigfúsi Sigurhjartarsyni f. 06.02.1902 - d. 15.03.1952. Ritstjóra og alþingismanni. Þau eignuðust tvær dætur og einn son. Sigríður var búsett í Reykjavík til æviloka 23.12.1974. 

Jón, Guðrún og Sigríður bjuggu á Hamri í Laxárdal frá 1916 til 1917. Fluttu þá í Víða og bjuggu þar til 1925. Þann 6 ágúst 1918 fæddist þeim Guðrúnu og Jóni sonur í Víðum. Var hann skírður Hákon. Vorið 1925 fluttu Jón, Guðrún og börnin að Brettingsstöðum í Laxárdal. Þar bjuggu þau ágætu búi allt til 1945. Þá flytja þau hjónin, ásamt Hákoni og eiginkonu hans Sigrúnu Kristbjörgu Hólmgeirsdóttur og sonarsyninum Jóni Hákonarsyni norður á Tjörnes. Þar höfðu yngri hjónin keypt jörðina Tungugerði. Í lok febrúar 1955 varð Guðrún fyrir því slysi að lærbrotna og var flutt á sjúkrahúsið á Húsavík. Þar lést hún 1. mars 1955 og var jarðsett frá Húsavíkurkirkju 9. mars. Fjölskyldan í Tungugerði hætti búskap þar sumarið 1958 og flutti til Húsavíkur. Þar settust þau að í Þórshamri og hafði Jón það sér helst til dundurs að hnýta á öngla fyrir Kaupfélag Þingeyinga sem það seldi síðan Húsvískum sjómönnum. Var vel látið af þessari vinnu Jóns.  

Jón Sigurgeirsson hélt upp á níræðisafmælið í Þórshamri 25 október 1965. Komu úr Reykjavík: Sigríður Stefánsdóttir og börn hennar: Adda Bára, Hulda Heiður og Stefán Hilmar Sigfúsarbörn. Einnig komu gamlir sveitungar úr Reykja- og Laxárdal og af Tjörnesi.  

Jón Sigurgeirsson lést á Sjúkrahúsi Húsavíkur föstudaginn 20 október 1967. Hann var jarðsettur frá Húsavíkurkirkju föstudaginn 27 október. Erfidrykkjan fór fram í Hlöðufelli á Húsavík. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jón Sigurgeirsson

Útför

Ertu með minningargrein?