 
Útför hans fer fram frá Kópavogskirkju þriðjudaginn 18. júní 2024 klukkan 15


Þakkir til starfsfólks á gjörgæsludeild Landspítalans Fossvogi. 

Jón Pálmi Pálmason fæddist í Reykjavík 8.mars 1958. Hann lést á gjörgæsludeild Landspítalans Fossvogi 28.maí 2024 eftir stutt veikindi. Foreldrar hans voru Brynhildur Sigtryggsdóttir fædd 21.09.1932 dáin 30.09.2000 og Jón Pálmi Steingrímsson fæddur 22.06.1934 dáinn 16.06.2001.

Jón Pálmi var næst elstur fjögurra systkina, þau eru: Kolbrún Dýrleif Pálmadóttir fædd 12.04.1953 látin 24.ágúst 2022, Aðalsteinn Leví Pálmason fæddur 11.03.1959 kvæntur Kristínu Þorsteinsdóttur og Helga Ingibjörg Pálmadóttir fædd 16.05.1964 sambýlismaður Örn Felixson.

Pálmi eignaðist 2 börn. 1) Hugrún Pálmey Pálmadóttir fædd 21.09.1982, móðir Hugrún Hugadóttir fædd 12.04.1954. Hugrún Pálmey á eina dóttur, Kristbjörgu Ósk Atladóttur fædda 9.júlí 2016. Barnsfaðir hennar er Atli Heiðar Gunnlaugsson. 2) Pálmi Ernir Pálmason fæddur 04.02.1993 móðir Ásdís Erna Guðmundsdóttir fædd 17.02.1954 látin 09.01.2021. Hann átti eina fósturdóttur, Polinu Maríu Viktorsdóttur fædd 21. Maí 2007.

Pálmi ólst upp í Kópavoginum frá 3 ára aldri. Fyrst á Sunnubraut til 5 ára og síðan á Ásbraut þar til hann var 13 ára en þá flutti fjölskyldan að Hávegi 15. Hann bjó um stundarsakir í Grundarfirði og í nokkur ár í Grafarvoginum þar sem hann byggði einbýlishús í Gerðhömrum. En síðustu árin bjó hann svo aftur í Kópavoginum í Lækjasmára 17 með smá millilendingu í Hafnarfirði.

Sem ungur drengur brallaði Pálmi margt í skúrnum við Háveg og fékkst þar við bílaviðgerðir með bróður sínum. Pálmi var sendur í sveit á sumrin norður í Húnavatnssýslu sem unglingur. Hann vann við ýmis störf framan af. Meðal annars hjá Rarik við byggðalínu á vesturlandi og norðurlandi, við ýmis störf. Hann vann líka hjá föður sínum við alls konar jarðvegsvinnu á tækjum svo sem gröfum, jarðýtum og þess háttar. Pálmi lærði svo  vélstjórann og var mikið á sjó en síðustu árin vann hann mikið við smíðar á vélum fyrir fiskiðnaðinn og hannaði og smíðaði netafellingarvélar og hann stofnaði fyrirtækið Iceman ehf í kringum þessa vinnu sína sem einnig fékkst við að gera upp báta og stálsmíði á handriðum og stigum ofl.

Pálmi var dýravinur mikill og átti nokkra hunda í gegnum tíðina sérstaklega Schäfer.  Hann var einstaklega hæfileikaríkur við þjálfun hunda og gengdu þeir honum í öllu. Hann skilur eftir sig traustan vin, hann Trygg sem er orðinn 10 ára.

Pálmi eignaðist afa prinsessu árið 2016 og áttu þau alveg einstakt samband og naut hann sín mjög í því nýja hlutverki, en aðalsmerki hans sem afa var að hafa sem fæstar reglur og bralla og bulla með Kristbjörgu.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jón Pálmi Pálmason

Útför

Þakkir

Ertu með minningargrein?