Jón Ólafur Bjarnason fæddist á Grundum í Bolungavík 1.október 1925. Hann lést á Hrafnistu Hafnarfirði 14.mars 2019.

Jón Ólafur Bjarnason var sonur hjónanna Friðgerðar Skarphéðinsdóttur (1888–1943) og Bjarna Bjarnasonar (1895–1980). Systkini hans voru Gunnhildur Guðfinna , Jóna Bjarnveig  og Skarphéðinn Sigmundur og eru þau öll látin. Seinni kona Bjarna var Jóna Jónsdóttir, þeirra dóttir Friðgerður Elín f.1946.  Eftirlifandi eiginkona Jóns er Þorgerður María Gísladóttir íþróttakennari , f. 9. 9. 1925. Dóttir þeirra er Sigríður f. 26. 5. 1953, börn hennar eru a) Jón Ólafur Gestsson, kvæntur Katrínu Ástu Stefánsdóttur, eiga þau 3 börn, b) Þorgerður María Halldórsdóttir. Fyrir átti Jón Ólafur, Bentínu f. 22. 12. 1950, hún er gift Halldóri H. Ármannssyni , börn þeirra eru a) Elvar Eyberg, kvæntur Guðbjörgu M. Árnadóttur, eiga þau 4 börn. b) Linda Sóley, gift Karvel H. Árnasyni og eiga þau 3 syni. c) Ingvar Búi f.1974- d.2010 og á hann 3 börn.  d) Andri Þór, sambýliskona hans er Dóra M. Hilmarsdóttir og eiga þau einn son.

Jón Ólafur hóf skólagöngu í barnaskólanum í Bolungavík, síðar fór hann í Héraðsskólann í Reykjanesi 1940. Veturna 1941 – 1943 var hann á Bændaskólanum á Hólum og útskrifaðist þaðan sem búfræðingur. 

Jón Ólafur starfaði við landbúnað og sjávarútveg fyrir vestan. Vorið 1947 hóf hann störf á Keflavíkurflugvelli  og síðar sem lögregluþjónn í Hafnarfirði en þar bjó hann frá 1949. Hann var hjá Sýslumanninum í Hafnarfirði, þá gjaldkeri hjá Grænmetisverslun landbúnaðarins og loks fjármálastjóri hjá Rafveitu Hafnarfjarðar til starfsloka 1995. Hann var í Frímúrareglunni og Lionshreyfingunni, var einn af stofnendum og forvígismönnum Félags óháðra borgara, var um tíma formaður Bolvíkingafélagsins í Reykjavík, sat í stjórn Félags eldri borgara í Hafnarfirði og lengi í stjórn Fríkirkjusafnaðarins í Hafnarfirði. Hann sat áratug í stjórn Sólvangs og var í yfirkjörstjórn í Hafnarfirði 1974 til 1994.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jón Ólafur Bjarnason

Útför

Ertu með minningargrein?