[DEFAULT]

Með söknuði í hjarta minnumst við vinar og vinnufélaga okkar, sem var hrifinn burt frá okkur allt of snemma. 

Jón Björn hóf störf hjá BAUHAUS á upphafsári fyrirtækisins og átti stutt í tíu ára starfsafmæli þegar hann féll frá. Jón setti sitt mark á starfsemi fyrirtækisins og vinnudaga okkar allra. Starfsemi fyrirtækisins var honum hugleikin og varði hann löngum stundum að huga að hagsmunum þess. 

Í vinnunni var Jón maður fárra orða, hann var einstaklega hnyttinn, réttsýnn, traustur, ósérhlífinn og vinnusamur. Hann var alltaf fyrstur til að rétta fram hjálparhönd og var þá ekki spurt að stað eða stund, Jón var tilbúinn til að hjálpa. Jón var góður mannþekkjari, sem kom sér vel við ýmsar aðstæður. 

Með einstakri lund, nærveru og hlýju náði Jón til allra sem hann vann með, óháð aldri eða stöðu. 

Við leiðarlok og hinstu kveðju er efst í huga sú jákvæðni sem Jón smitaði frá sér. Þegar á móti blés var viðkvæðið ávallt: Höldum áfram, verkin vinna sig ekki sjálf. Dagarnir gátu verið langir og verkefnin mörg en Jón fór ávallt á undan með góðu fordæmi og sýndi hug sinn í verki. Við munum sjá til þess að bera minningu Jóns áfram á vinnustaðnum. 

Jón var einstakur og skilur hann eftir stór spor sem ekki verða fyllt. 

Með söknuði kveðjum við Jón og þökkum góð kynni. Minningin um góðan vin lifir með okkur. 

Við sendum Mörtu, börnunum og öðru samferðafólki sem eiga um sárt að binda samúðarkveðjur. 

Kæri vinur og mágur Jón Björn varð bráðkvaddur á heimili sínu. Skelfilegt áfall, sorg og söknuður af þessum góða dreng og vini. 

Ég kynntist Bjössa fyrir ca 30 árum þegar hann fór að slá sér upp við litlu systur mína. Ég hafði nú samt allan varan á í byrjun og þar sem mér var afar mikilvægt að litla systa væri nú ekkert að vera of fljótfær í þessum málum.

Bjössi var hógvær og í byrjun var hann ekkert að tala alltof mikið, en þegar vid kyntumst betur þá flutu samræðurnar milli okkar og sá ég líka hvað gott hjartalag hann hafði og einng skemmtilegan húmor. Við Bjössi náðum vel saman og urðum góðir vinir, og þegar við hittumst töluðum við um daginn og veginn og allskonar mál sem okkur þótti báðum gaman af. Við höfðum líka nokkuð svipaðan húmor, og í þessum hittingi okkar fengum við mjög oft hvorn annan að hlægja hressilega og það hressilega ađ við lágum í sófanum eða komnir niður á gólfið með krampa í magann. Bjössi var líka einstaklega greiðvikin og hjálpsamur og hafði líka alveg hlutina á hreinu hvar hægt væri að kaupa ýmsa hluti og hvar þeir fengjust og jafnvel hvar í búðinni þeir væru. Eitt lítið dæmi um þegar viđ vorum saman i stóru vöruhúsi í Svíþjóð sem selur allt mögulegt, og ég sagđist ætla athuga og leita í tölvunni hjá þeim eða spyrja eftir rúðuþurkum á bílinn minn, Bjössi svaraði um hæl, rúðuþurkur! Uh.. þær eru held ég í gangi númer 14. Já já það var auðvitað allveg rétt. Maður þurfti sko ekkert ađ googla þegar mađur hafði Bjössa með sér. Þar sem við fjölskyldan búum í Svíþjóð þá var Bjössi, Marta og börnin þeirra mjög dugleg að heimsækja okkur reglulega og voru nokkrum sinnum hjá okkur þar sem við héldum meðal annars jól, áramót og sumarfrí saman. Sérstaklega þótti okkur vænt um þegar öll fjölskyldan kom í brúðkaup dóttur okkar i September sídastliðnum og veit ég ađ Bjössi var aðaldrifkrafturinn að það varð tillþessar heimsóknar til okkar og sem við öll erum afar þakklát fyrir. Ekki hvarlaði að manni að þegar þau fjölskyldan kvöddu okkur að það yrði síðasta sinn sem ég sæi hann Bjössa á þessari jarðvist. Við kvöddumst innilega med faðmlagi og hann sagði: þetta var gaman, takk fyrir samveruna og við sjáumst síðar.

Það er mikil sorg og söknuður af Bjössa sem fór alltof fljótt.Við fjölskyldan höfum síðustu daga veriđ og yljað okkur við góðar minningar af Bjössa þar sem bæði hlátur og grátur, sorg, söknuður og ekki minnst þakklæti fyrir þann góða tíma sem vid áttum saman. Blessuð sé minning þessa gæða og góða drengs og minningin lifir í hjarta mínu. Ég trúi því líka að við sjáumst síðar eins og hann sagði þegar vid kvöddumst. 

Elsku Marta mín, Ívar, Baldur og Rakel og aðrir aðstandendur, ég samhryggist ykkur svo innilega.

Guð styrki ykkur í þessari erfiðu sorg og söknuði.

Kveðja, Davíð Guðmannsson og fjölskylda í Svíþjóð.

Missirinn er mikill fyrir veröldina og okkur öll.

Við sem vorum svo heppinn að þekkja Bjössa persónulega vitum að hann var sannur,hann var dýrari týpan.fágætur er góður vinur.

Sennilega mun okkur aldrei skilja til fullnustu hvers vegna Bjössi var kallaður frá okkur svo fljótt, minning hans er svo sannalega ljós í lífi fólksins sem var honum kærast,börninn hans fjögur og kletturinn hans hún Marta.

Elsku Marta syst Magnús ,Ívar,Baldur og Rakel

Aldrei gleymdur-hann mun lifa í hjörtum okkar um aldur og ævi

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jón Björn Steingrímsson

Andlátstilkynning

Útför

Aðstandendur

Í minningu um vin og vinnufélaga

Minning

Bjössi mágur minn og vinur

Til minningar um tengdason