Jóhannes Hólm Reynisson
Framkvæmdastjóri Fínpússningar
Vallarás 15, Reykjanesbæ

Lést á Heilbrigðisstofnun Suðurnesja 29. Desember 2022

Útför fer fram miðvikudaginn 11. janúar frá Kópavogskirkju kl. 13 

Aðstandendur þakka auðsýnda samúð og vinarhug

Jóhannes Hólm Reynisson fæddist í Reykjavík 6. október 1950. Hann lést á Heilbrigðisstofnun Suðurnesja 29. desember 2022.

Foreldrar hans voru Reynir Reykjalín Ásmundsson, f. 1925, d. 2013 og Elísabet Guðrún Brynjólfsdóttir, f. 1933, d. 2016. Systkini Jóhannesar eru Rannveig Ása, f. 1951, Þórarinn Gunnar, f. 1954 og Kristín Sigríður, f. 1966.

Eiginkona Jóhannesar er Ásdís Runólfsdóttir f. 1948. Dóttir þeirra er Sólveig Þóra, f. 1992.

Jóhannes eignaðist tvö börn með fyrri eiginkonu sinni Sigríði Ólafsdóttur. Ólafur Þór f. 1972, maki Aldís Arnardóttir og eiga þau þrjú börn og eitt barnabarn. Elsa Guðrún, f. 1975, maki Jón Kjartan Kristinsson og eiga þau þrjú börn.

Fyrir átti Ásdís fjóra syni. Óttarr, f. 1975, maki Marcin Makuch. Óttarr á þrjár dætur. Runólfur f. 1965, maki Hafdís Fanndal. Runólfur á tvær dætur og þrjú barnabörn. Þórir, f. 1969, maki Rannveig Erlingsdóttir. Þórir á fjögur börn og þrjú barnabörn. Heiðar Már, f. 1973, maki Brynhildur Kristinsdóttir. Heiðar Már á tvö börn og tvö barnabörn. 

Jóhannes ólst í fyrstu upp hjá langömmu sinni Guðrúnu og langafa Þórarni í Höfða á Vatnsleysuströnd en flutti svo aftur í foreldrahús og sleit barnskónum að Austurbrún 29 í Reykjavík. Eftir grunnskólagöngu stundaði Jóhannes nám við Iðnskólann í Reykjavík. Jóhannes kom víða við á starfsævi sinni, vann við trésmíðar með föður sínum, múrverk, akstur vörubifreiða, veitingarekstur auk ýmissa skrifstofustarfa. Undir lok síðustu aldar keyptu hjónin Fínpússningu ehf. og starfaði hann þar sem framkvæmdastjóri til dánardags. 

Íþróttir voru aðal áhugamál Jóhannesar og  lék hann knattspyrnu á sínum yngri árum með Fram og Reyni Sandgerði. Hann fylgdi barnabörnum sínum mjög vel eftir og fylgdist náið með árangri þeirra í leik og starfi. Þá var hann alla tíð mikill áhangandi Fram liðsins og missti helst ekki úr leik meðan heilsa hans leyfði. Jóhannes fann styrk í trúnni og var virkur þátttakandi í kirkjustarfi.

Útför Jóhannesar fer fram frá Kópavogskirkju 11. janúar klukkan 13.

[DEFAULT]

Þó við höfum vitað í einhvern tíma í hvað stefndi og baráttan væri töpuð er erfitt að sætta sig við það og einhvernvegin er maður ekki undirbúinn undir það þegar kallið svo kemur, þó maður haldi það.  

Þegar við áttum notarlega stund saman á jóladag á HSS og þú sagðir að nú færi tíminn að koma, þú hefðir gert samning við almættið um ein jól í viðbót og nú væri sá samningur uppfylltur og því tími til kominn að kveðja.

Þegar Hrefna Sif hafði samband við mig kvöldið sem þú kvaddir hafði ég ekki hugarflug að þetta væri síðasta skiptið sem ég myndi tala við þig.  Mikið sem ég er þakklátur að hafa fengið þetta símtal og hafa tækifæri til þess að koma til þín á HSS.  Eins einkennilegt og það kann að hljóma þá var engu líkara en þú hefðir beðið eftir við værum öll þrjú samankomin með þér.  Rúmri klukkustund síðar tókstu síðasta andardráttinn og sofnaðir svefninum langa án veikinda og meiri kvala.  Kveðjustundin var eins falleg stund eins og það gat orðið þegar Mamma, Sólveig og ég vorum með þér.  

Mig langar að þakka Hrefnu Sif sérstaklega fyrir allt sem hún hefur gert fyrir okkur í veikindum pabba sem og hvernig búið var um hann eftir að hann lést.  Það litla smáatriði að hafa teppi í uppáhaldslit pabba yfir honum segir meira en mörg orð, eitt lítið takk er lítið fyrir alla þá hjálp og aðstoð sem þú veittir okkur Hrefna mín.

Það var lítill snáði líklega mætti segja uppátækjasamur en samt feikna rólegur sem þú tókst á móti, ég var rétt um 6 ára gamall.  Það var opin faðmur sem beið mín þá og ætíð eftir það.   Það er nefnilega ekki sjálfgefið þegar maður bætist sem viðbót við óþekkta fjölskyldu að manni sé vel tekið en það gerðir þú, amma og afi svo sannarlega. 

Þau ár sem á eftir komu fyldu gleði og sorg eins og gengur í daglegu lífi fólks og margar minningar sem ég myndi vilja rifja upp og hæglega gæti ég fylgt blaðið ef út í það er farið.

Ég man að ég fór tvisvar sinnum með þér á fótboltaleik, í bæði skiptin var þitt lið Fram að vinna leikinn en mér þótti hitt liðið þurfa meiri hvatningu ef ég man rétt var það KR og síðan Valur og mér hafði jú verið kennt að styðja við af fremsta megni þá sem þurftu aðstoð eða hvatingu og byrjaði ég að hvetja þá til dáða við litla hrifningu pabba og benti hann mér góðfúslega á að liðið til að hvetja væri FRAM.  Fór sem fór mér var ekki boðið oftar á völlinn og ég sagðist ætíð eftir það styðja KR enda þyrftu þeir meira á því að halda.

Óteljandi bíltúrar innanbæjar sem utanbæjar þar sem allt var rætt milli himins og jarðar, heimsins smærstu og stærstu vandamál leyst amk fyrir okkar leiti.  Ef maður komst ekki með þá brúkaðir þú gamla NMT símann og  nýttur til fulls með tilheyrandi símreikningum sem þú furðaðir þig oft á hve háir væru enda notaði þú símann minna en ekkert.

Þú var þannig gerður að þú stóðst alltaf með þínu fólki í gegnum allt sem það kunni að fara í gegnum.  Þú fagnaði þegar vel gekk og þú hughreystir þegar erfiðir tímar bönkuðu uppá, en alltaf stóðstu þétt upp við þitt fólk og hjálpaðir öllum eftir fremsta megni en því miður gleymdir þú stundum að sama skapi að hugsa um þig.

Það er óneitanlega skrítinn tilfinning að heyra ekki aftur í þér elsku pabbi, engin símtöl sem eru yfir klst löng þar sem rætt er um allt og ekkert, þar sem spurt er í þaula og stundum leið manni eins um spurningakeppni væri að ræða.  Þú sagði oft að “það er ekki að þér komi það við en væri ekki verra að vita það” og að sjálfssögðu varstu alls ekki forvitinn þó þú værir feikna fróðleiksfús.

Þú komst mér í föðurstað og ætíð hef ég litið á þig sem pabba minn þó við séum ekki tengdir blóðböndum.  Mér þótti óendanlega vænt um þegar þú spurðir mig hvort ég vildi gera eitt fyrir þig, það væri alveg mín ákvörðun, en þér myndi þykja óskaplega vænt um það enda væri ég sonur þinn og hefði alltaf verið.   Þú baðst mig að taka upp nafn þitt sem föðurnafn og það mun ég glaður gera pabbi.

Ég veit við eigum eftir að taka mörg samtölin þar sem ég tala og þú hlustar þar til við hittumst á nýjan leik.

Takk fyrir allt elsku pabbi ég sakna þín sárt.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóhannes Hólm Reynisson

Andlátstilkynning

Útför

Aðstandendur

Þakkir

Elsku pabbi