Jóhann fæddist í Brekkukoti í Lýtingsstaðahreppi í Skagafirði 27. nóvember 1943. Hann lést á hjúkrunarheimilinu Skógarbæ 22. apríl 2024.

Foreldrar hans voru Jóhann Hjálmarsson, bóndi á Ljósalandi í Lýtingsstaðahreppi og síðar húsvörður í Menntaskólanum við Hamrahlíð í Reykjavík, f. 27.11. 1919 á Grímsstöðum í Svartárdal í Skagafirði, d. 22.5. 1990, og María Benediktsdóttir húsmóðir, f. 12.5. 1919 í Skálholtsvík í Bæjarhreppi, Strandasýslu, d. 14. 1. 2000. Jóhann var næst elstur átta bræðra en þeir eru: Sigurgeir Jens, f. 27.10. 1940, d. 4.1. 2023, Snorri, f. 17.1. 1945, Ingimar, f. 9.10. 1949, Frosti Fífill, f. 27.4. 1952, Jökull Smári, f. 27.4. 1952, Benedikt Emil, f. 19.11. 1959, og Hjálmar Rúnar, f. 19.11. 1959, d. 23.2. 2013.

Þann 15.7. 2001 kvæntist Jóhann Magneu Guðmundsdóttur lyfjatækni frá Hallbjarnareyri í Eyrarsveit, f. 3.4. 1950. Magnea á tvö börn frá fyrra hjónabandi og átta barnabörn. Frá fyrra hjónabandi með Ingu Valdísi Þórðardóttur frá Grund í Svínadal, f. 5.9. 1943, átti Jóhann tvo syni: 

Þórð Gunnar, f. 29.9. 1966, eiginkona Mhiciell M. Johannsson f.14.01.1986 Þau eiga eina dóttur, Sophia Elise. Af fyrra hjónabandi með Kristínu Stefánsdóttur f. 04.05.1967 á Þórður tvö börn, Karen f. 02.08.1987 og Katrín 06.10.1989.

Jóhann Ingvar, f. 27.12. 1970 eiginkona JocelynDevera Johannsson f. 05.06.1978. Af fyrra hjónabandi með Margréti Jóhannssdóttur á Jóhann tvö börn, Aron og Hafdísi.  Barn Jóhanns Ingvars með Margréti Jörgensen er Karl Alexander f. 26.07.1987 

Barn Jóhanns Péturs með Margréti Sigurðardóttur frá Sauðárkróki, f. 16.7. 1947, er Arnar Már f. 14.10. 1981. Sambýliskona hans er Åse Tuntland, f. 19.3.1979. Fyrrverandi eiginkona Arnars er Þorbjörg Elsa Ingólfsdóttir. Synir þeirra eru Andri Freyr, f. 15.7.2006, og Steinar Már, f. 17.1 2008.

Jóhann ólst upp hjá foreldrum sínum, fyrst í Brekkukoti og síðan á Ljósalandi í Skagafirði, og vann að búi þeirra fram á unglingsár. Hann fór ungur að heiman, vann m.a. í fiskvinnslu á Akranesi, hjá Ölgerðinni Agli Skallagrímssyni í Reykjavík, var í millilandasiglingum, vann á skurðgröfu í nokkur sumar og hjá Sementsverksmiðju ríkisins, en starfaði lengst af sem bílstjóri hjá strætisvögnum Reykjavíkur. Einnig átti hann og rak sendibíl um skeið. Jóhann var bóndi á Auðkúlu í A-Húnavatnssýslu frá 1977 til 1981 er hann fluttist til Akureyrar þar sem hann starfaði sem bílstjóri hjá Strætisvögnum Akureyrar. Árið 1991 flutti hann til Reykjavíkur og vann um tíma hjá Hagkaupum og síðar sem bifreiðarstjóri hjá StrætisvögnumReykjavíkur til starfsloka.

[DEFAULT]

Mig langar að minnast Jóa bróður með nokkrum orðum. Hann hét í höfuðið á fósturföður föður okkar, Jóhanni Pétri Magnússyni frá Mælifellsá í Skagafirði.

Jói fæddist í litlum torfbæ í Brekkukoti á Efribyggð í Lýtingsstaðahreppi og bjó þar með foreldrum og eldri og yngri bróður fyrstu þrjú æviárin og síðan á Ljósalandi í Neðribyggð, í sama hreppi, sem var nýbýli úr landi Skíðastaða sem foreldrar okkar reistu. Húsið er um 100 fermetrar og svefnherbergin þrjú.Eftir að okkur bræðrunum fjölgaði, við erum bara átta, þurfti að nýta rúmin betur og því sváfu þeir Jói og Snorri, yngri bróðir hans, saman í rúmmi fram á unglingsár. Í sama herbergi svaf einnig eldri maður, okkur óskyldur, sem móðir okkar sá aumur á og leyfði að búa hjá okkur.

Jói vann við öll almenn sveitastörf fram á unglingsár og fór ungur að heiman. Fyrst til Akraness þar sem hann vann við fiskvinnslu. Þá leigði hann ásamt Snorra bróður sínum húsnæði á Digranesvegi 4 í Kópavogi og starfaði hjá Vélasjóði ríkisins sem m.a. átti og rak skurðgröfur. Hann vann við skurðgröft nokkur sumur í Fljótum og A-Húnavatnssýslu og sinnti viðhaldi tækjanna yfir vetrartímann. Síðan leigðu þeir bræður saman á Grettisgötu 22 og unnu hjá Ölgerðinni Agli Skallagrímssyni í Reykjavík. Þar vann Jói við útkeyrslu á gosdrykkjum í verslanir í Reykjavík. Þá var hann í millilandasiglingum, m.a. á Arnarfellinu, vann á krana hjá Sementsverksmiðju ríkisins og átti og rak sendibíl um skeið. Hann var bóndi á Auðkúlu í A-Húnavatnssýslu frá 1977 til 1981 er hann fluttist til Akureyrar þar sem hann starfaði sem bifreiðarsjóri hjá Strætisvögnum Akureyrar. Árið 1991 flutti hann til Reykjavíkur og vann hjá Hagkaupum og síðar sem bifreiðarstjóri hjá Strætisvögnum Reykjavíkur til starfsloka.

Jói var handlaginn, geðgóður, hafði ljúfmannlega framkomu og var vel liðinn þar sem hann starfaði. Hann var bílaáhugamaður, sérstaklega á yngri árum, og hugsaði vel um sín farartæki og gerði sjálfur við ef aðstæður leyfðu. Einn af fyrstu bílum hans sem ég man eftir var amerískur Ford, drossía, gulur, rauður og svartur á lit. Hann vakti athygli vegna litarsamsetningarinnar og var á götum Reykjavíkur nefndur Belgíufáninn. Og ekki var athyglin minni er eðal fákurinn renndi í hlaðið í sveitinni.

Um síðustu aldamót komum við bræðurnir upp þeirri venju að hittast einu sinni í mánuði í Perlunni og mætti Jói þarf jafnan. Sú samvera hefur verið bæði ánæguleg og gefandi. Þá komum við einnig upp þeirri reglu að hittast a.m.k. tvisvar á ári með mökum okkar, á þorranum og að sumri til. Á sumrin skiptumst við á að velja samkomustað utan Reykjavíkur og þegar valið kom að Jóa var náttúrlega safnast saman í sumarbústað þeirra Magneu á Hallbjarnareyri í Eyrarsveit. Ávallt var glatt á hjalla á þessum samkomum og söngurinn í fyrirrúmi. Sérstaklega er mér minnisstætt eitt skipti þegar organistinn í Grundarfirði mætti með magaorgelið og spilaði undir langt fram eftir nóttu og auk þess Kristrún dóttir mín sem þá var að læra á harmónikku.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóhann Pétur Jóhannsson

Útför

Frosti