Jóhann Ólafsson, bóndi og organisti, fæddist á Ytra-Hvarfi í Svarfaðardal 2.10 1952. Hann lést á Akureyri 29.4 2015. Foreldrar hans voru Ólafur Tryggvason, f. 9.6 1920, d. 6.1 2005 og Friðrika Haraldsdóttir, f. 2.1 1915, d. 21.10 1992. Jóhann átti þrjú systkini. Þau eru: Ævarr Hjartarson f. 1940, d. 2009 (sammæðra), Kristín, f. 1951, Jón Haraldur, f. 1958, d. 2002. Jóhann kvæntist Unni Maríu Hjálmarsdóttur 1974 og eignuðust þau sex börn: 1)Tryggvi, f. 28.8 1973. Börn Tryggva eru Einar Jóhann, f. 12.6 1997 og Friðrika Vigdís, f. 5.11 1999. 2)Hafdís, f. 9.9 1975, sambýlismaður hennar er Jósef Kristjánsson. Börn þeirra eru Birna Lind, f. 8.7 2008, Kristján Páll, f. 12.10 2010, Ólafur Tryggvi, f. 10.10 2011 og Stefán Jósef, f. 12.10 2012, fyrir á Hafdís soninn Jóhann Harald, f. 3.1 2003 og Jósef á soninn Bjarna Heiðar, f. 3.8 1997. 3)Heiðrún, f. 9.9 1975, eiginmaður hennar er Skarphéðinn Leifsson, þeirra börn eru Guðrún María, f. 4.8 1998, Alexander, f. 24.5 2004 og Leifur Máni f. 30.6 2008. 4)Helgi, f. 9.12 1977. 5)Daníel f. 23.11 1978, eiginkona hans er Kristín Hjálmarsdóttir, börn þeirra eru Sunneva f. 21.12 2009 og Freymar f. 5.11 2014. 6)Sólveig Eyfeld, f. 5.6 1983. Dóttir Sólveigar er Athena Freyja, f. 22.2 2010. Jóhann og Unnur María skildu 1996. Eftirlifandi eiginkona Jóhanns er Herdís A. Geirsdóttir, f. 26.9 1951. Hennar börn eru 1)Ingunn Margrét, f. 3.4 1973. Hennar börn eru Jökull Þorri, f. 4.11 1999, Urður Birta, f. 18.9 2003 og Breki Hrafn, f. 21.8 2007. 2)Einar Bjarki, f. 29.8 1975. Hans börn eru: Herdís, f. 7.11 2004, Snælaug f. 5.6 2009, Júlía, f. 29.4 2011 og Þórhalla, f. 11.2 2013. 

Jóhann lauk unglingaprófi frá Húsabakkaskóla 1967, miðskólaprófi frá Dalvíkurskóla 1968, útskrifaðist sem búfræðingur frá Bændaskólanum að Hólum 1970 og tók við búinu af foreldrum sínum 1976. Jóhann hefur unnið sem vélamaður og bílstjóri hjá ýmsum fyrirtækjum. Þá rak hann leigubíl og var Landpóstur frá árinu 1997. Jóhann hefur átt sæti í Búnaðarfélags og Ræktunarsambands Svarfdæla, Framsóknarfélags Svarfdæla, Veiðifélags Svarfaðardalsár, Búnaðarsambandi Eyjafjarðar og Félagi eyfirska nautgripabænda. Hann var varaformaður Umf. Þorsteins Svarfaðar 1992, sat í stjórn UMSE 1987-91, sat í stjórn UMFÍ frá 1989-2001 og sæmdur gullmerki UMFÍ 2002. Jóhann sat í skólanefnd Húsabakkaskóla 1982-90, í skólanefnd Dalvíkurskóla 1986-90 og í skólanefnd Bændaskólans á Hólum 1983-1996. Jóhann gekk í Kiwanisklúbbinn Hrólf á Dalvík 1973, var forseti 1981-82 og svæðisstjóri Óðinssvæðis 1990-91. Þá hefur hann verið fulltrúi héraðsins á ýmsum landsfundum t.d. hjá SÍS, Landsambandi kúabænda og Sambandsþingum UMFÍ. Jóhann var í sveitastjórn Dalvíkurbyggðar 2006-2014 og formaður sóknarnefndar Vallakirkju og safnaðarfulltrúi. Haustið 2014 gekk Jóhann til liðs við Frímúrararegluna á Akureyri. Jóhann hóf nám í orgelleik hjá Jakobi Tryggvasyni og í Tónlistarskóla Dalvíkur 1965-69. Árið 1991 hóf hann nám í orgelleik við Tónlistarskólann á Akureyri, lauk því námi 1995 og sama ár lauk hann þriðja stigs prófi í söng. Þá lauk hann námi við Tónskóla Þjóðkirkjunnar vorið 2014. Jóhann kenndi við Tónlistarskólann á Dalvík 1982-84. Hann tók við starfi organista í Svarfaðardal árin 1991-1996 af föður sínum sem gegnt hafði því starfi í tæp 50 ár. Jóhann hefur starfað með ýmsum kórum og endurreisti Karlakór Dalvíkur 1995 og stjórnaði honum til ársins 2001. Jóhann var organisti við Hríseyjarkirkju frá árinu 2008 og við Miðgarðskirkju í Grímsey í rúman áratug auk þess að spila við ýmsar athafnir í öðrum kirkjum. Útför Jóhanns var gerð frá Dalvíkurkirkju laugardaginn 9. maí 2015 og jarðsett var að Völlum í Svarfaðardal.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóhann Ólafsson

Útför

Ertu með minningargrein?