Af öllu hjarta þökkum við fyrir hlýju og kærleika sem okkur hefur verið sýndur vegna fráfalls okkar ástkæra Jóhanns Gunnars.

Jóhann Gunnar Júlíusson fæddist í Keflavík 17. janúar 1970. Hann lést á líknardeild Landspítalans í Kópavogi 12. mars 2022.

Foreldrar hans eru Júlíus H. Gunnarsson, f. 1949 og Ástríður H. Sigurvinsdóttir, f. 1953.

Systur Jóhanns eru Bergey Jóhanna, f. 1973 og Katrín Júlía, f. 1978.

Jóhann gekk í hjónaband 2. júlí 2005 með Guðríði Þórsdóttur, f. 17. janúar 1977, launafulltrúa hjá Isavia ohf. Foreldrar hennar eru Þór Jónsson, f. 1941 og Elísabet Pétursdóttir, f. 1948.

Synir Jóhanns og Guðríðar eru Halldór Örn, f. 13. mars 2006 og Einar Logi, f. 27. júlí 2009.

Jóhann gekk í Myllubakkaskóla og Holtaskóla í Keflavík. Hann fór á vinnumarkað þegar grunnskólanámi lauk og hóf störf hjá Ramma hf. sem seinna varð Glugga- og hurðaverksmiðja Byko hf.  Hann lauk sveinsprófi í smíðum frá Fjölbrautaskóla Suðurnesja. Hann var í nokkur ár hjá Trésmiðju Ella Jóns ehf.,Húsagerðinni ehf og fór þaðan á Keflavíkurflugvöll og starfaði við vopnaleit í flugvernd hjá Isavia ohf. Árið 2019 kvaddi hann flugstöðina eftir 9 ár og hóf störf við viðhald og viðgerðir hjá Umhverfismiðstöð Reykjanesbæjar.

Jóhann var mikill áhugamaður um alls kyns íþróttir og sjálfur var hann meðlimur í Golfklúbbi Suðurnesja frá 14 ára aldri. Hann stundaði skotveiði á árum áður og stangveiðin átti líka stóran sess hjá honum. Veiðigræjurnar og golfsettið voru alltaf með í för í fríum. Hann fylgdi sonunum á öll fótboltamót og oft fór hann sem liðsstjóri eða fararstjóri fyrir Keflavíkurstrákana.

Jóhann gekk til liðs við Frímúrararegluna 2020 og átti sá fallegi félagsskapur mjög vel við hann.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóhann Gunnar Júlíusson

Útför

Þakkir

Ertu með minningargrein?