Ástkæra dóttir okkar, fósturdóttir, fóstursystir, barnabarn, frænka og vinkona Jana Sif Sigurjónsdóttir.. Lést á Skånes universitetssjukhus 'i Lund  í Svíþjóð. 

Sumum stundum bíður maður lengi eftir en aðrar kom allt of fljótt. Við vildum öll hafa hinu lífsglöðu Jönu Sif lengur með okkur. Það var nefnilega svo einstakt hvernig hún geislaði af gleði, með smitandi hláturinn sinn, sérstaklega þegar einhver sagði prumpubrandara, þeir voru alltaf fyndnastir. Þá hafði hún einstakt lag á að sjá það jákvæða og góða í fólki. Jana Sif var sannkallaður gullmoli fyrir alla í kringum sig. En það leit ekki vel út fyrir Jönu Sif þegar hún fæddist í Reykjavík þann 5. ágúst árið 2000. Það kemur nær strax í ljós að hún hafði alvarlegan hjarta og lungagalla. Einungis 15 daga gömul var hún flutt í öndunarvél til Boston í sína fyrstu aðgerð, síðan átti hún eftir að koma oft til Bandaríkjanna, sjálfsagt oftar en við flest. Fyrir þessa fyrstu utanlandsferð sína þurfti litla stúlkan að fá vegabréf og þar misritaðist nafn hennar úr Jana Sif í Jana Líf og foreldrum hennar þótti það nokkuð táknrænt, því hún kom sannarlega með lífið með sér. Þarna í Boston gerðist nefnilega kraftaverk, litla stúlkan sem var vart var hugað líf, braggaðist hægt en örugglega, þau komu aftur til Íslands en hún dvaldi á sjúkrahúsi meira og minna fyrstu tvö ár ævi sinnar og móðir hennar með.

Foreldrar Jönu Sifjar eru þau Kristjana Halldórsdóttir og Sigurjón Kristinn Guðmarsson, þau eru skilinn en maki Kristjönu er Árni Björn Einarsson og kona Sigurjóns er Monica Sørlie. 

Fjölskyldan bjó á Flúðum er Jana Sif fæddist en fljótlega fluttu þau til Reykjavíkur en svo nokkrum árum síðar á Selfoss. Þar byrjaði Jana skólagöngu sína í Sunnulækarskóla. Hún fluttist svo með móður sinni til Reykjavíkur árið 2010 og byrjar þá fljótlega í Klettaskóla þaðan sem hún lauk svo grunnskólanámi, þar eignaðist hún marga góða vini. 

Þær mæðgur og Árni Björn stjúpfaðir hennar fluttu síðan hingað á Akranes árið 2015, börn Árna eru Anton Einar Árnason og Elísa Sif Rannveigardóttir. 

Jana Sif fór svo í Fjölbrautaskóla Vesturlands á starfsbraut. Eftir fjölbraut hóf hún síðan störf í Fjöliðjunni þar sem stór hluti vina hennar héðan af Akranesi starfa einnig, Jóhanna Nína, Áslaug, Kristjana, Daníel og allir hinir þar er góður hópur og Jönu Sif leið ákaflega vel. 

Sem barn dvaldi hún stundum í Rjóðrinu og svo fór hún í sumarbúðir í Reykjadal öll sumur þar til hún var 21 árs og formlega orðin of gömul. 

Ég sagði hér áðan að Jana Sif hefði verið lífsglöð og þegar ég hitti vini hennar í Fjöliðjunni þá töluðu þau öll um gleðina hennar Jönu og hvernig hún var alltaf í góðu skapi. Já, Fjöliðjan saknar sannarlega mikils er þau horfa á eftir Jönu Sif. Mamma hennar sagði líka að hún hefði alltaf verið í góðu skapi, nema svona fyrst á morgnanna, það var nefnilega stundum svolítið erfitt að fara á fætur. En hún var nú fljót að jafna sig og eftir morgunmatinn sátu þær mæðgur í sófanum, mamma heklaði og Jana Sif prjónaði meðan beðið var eftir bílnum í Fjöliðjuna. 

Jana Sif elskaði dýr og þá sérstaklega hunda og ketti, þegar hún kom í heimsókn einhver staðar þá spurði hún jafnan fyrst átt þú einhver dýr – og ef það voru dýr á heimilinu þá var hún fljót að tengjast. 

Sigurjón faðir Jönu Sifjar og kona hans Monica búa í Noregi. Monica á börnin Simen og Carina.  Jana Sif fór oft að heimsækja þau, þar átti hún margar góðar stundir, þótti gaman að þvælast um, fara á rúntinn og svo var alltaf farið til Svíþjóðar að versla, það var nefnilega svo gaman að versla og Jana Sif passaði alltaf upp á að enginn yrði út undan. Árið 2014 fóru þau svo saman með ömmu Kollu í Astrid Lindgren garðinn í Svíþjóð, Jana Sif hélt nefnilega mikið upp á Emil í Kattholti og var mjög spennt að fá að hitta hann. Sama sumar rætist svo stór draumur er hún eignaðist kött í Noregi, hann fékk að sjálfsögðu nafnið Emil. Þegar Jana Sif var svo að tala við pabba sinn eða stjúpmóður í símanum spurði hún þá alltaf fyrst hvort hún mætti ekki sjá Emil.

Svo hafði hún líka gaman af því að syngja, söng eins og engill, prjónaði bestu borðtuskurnar og með brosi sínu eignaðist hún vini hvert sem hún fór. 

Allra besti vinurinn var þó kærastinn hann Stebbi, Stefán Trausti Rafnson, þau voru lánsöm eða eiga hvort annað.

Veikindi settu óneitanlega mikinn svip á líf Jönu Sifjar, en alltaf mætti hún hlutunum af æðruleysi, kvartaði aldrei og breiddi faðminn á móti öllum og barðist gegn öllum þeim hindrunum sem mættu henni. Á covid árunum voru þær mæðgur í varnareinangrun í nær tvö ár, en samt brosti Jana Sif og vinir hennar Brynjar, Helena og Bryndís, stóðu á sitthvorri hæðinni við útidyratröppurnar og gátu þannig talað saman, það var alltaf hægt að gera gott úr hlutunum. 

Í apríl fór Jana Sif til Svíþjóðar með móður sinni til að fara í einfalda hjartaþræðingu, en við aðgerðina urðu alvarleg vandkvæði og var Jönu Sif haldið sofandi á gjörgæslu í fimm daga en hún lést þann 17. apríl síðastliðinn. 

Glaðvær minnig hennar mun ávallt lifa í hjörtum okkar og minna okkur á gleðistundirnar sem við áttum öll saman með henni.

Sæunn Freydís Grímsdóttir

Innilegar samúðarkveðjur til fjölskyldunnar.

Sæunn og Kalli, Hveragerði

Hanna Sigga Unnarsdóttir

Vona að þú sért komin í ljósið elsku Jana. 
Hvíldu í friði

[DEFAULT]

Minningarnar um þig eru margar og þú kenndir okkur öllum svo margt. Til dæmis man ég hvað þú varst reið við mig þegar ég kallaði þig Ronju og þú settir í brýrnar, dökk yfirlitum, með óstýrilátt hárið og þá varstu alveg eins og Ronja ræningjadóttir. Þú skammaðist og sagðir „

Með tímanum hættir þú að vera reið við mig, því þetta var gælunafnið sem ég gaf þér einfaldlega af því að Ronja var sterk, dugleg stelpa sem fór sínar eigin leiðir. Rétt eins og þú.

Ég hafði engar áhyggjur af þér úti í Svíþjóð, það var svo eðlilegt að þú myndir "skreppa í eins og eina þræðingu".  En svo fékkstu óvænt vænginga þína og ert farin í annað hlutverk ... eftir stöndum við og skiljum ekkert, engin okkar nær að meðtaka þetta, þetta er bara of skrýtið, of óraunverulegt og of sárt. 

Elsku Jana Sif, það var heiður að vera stóra (stríðna) frænka þín, ég mun ávallt sakna þín og þú verður alltaf elskuð. Og nei, það verður engin önnur Ronja í mínu hjarta, það var,er og verður ávallt þinn staður.

ps ... Ég er sannfærð um að afi Guðmar beið eftir þér og þið munið bralla eitthvað skemmtilegt saman, eins og ykkur tveimur var einum lagið

﻿það er svo lítið hægt að segja þegar fólk hverfur skyndilega úr þessum heimi til annarra verkefna í Sumarlandinu. 

﻿Við kynntumst Jönu Sif á Eyrarbakka þar sem mamma hennar og ég áttum sameiginlegt "vinafólk"

﻿Elsku Jana mín þá varstu lítil 5 ára stelpuskotta. Þú og stelpan mín jafngamlar. 

﻿þó að við höfum fjarlægst og flutt langtíburtistan þá fylgdumst við alltaf með þér og ég hef alltaf dáðst að jákvæðni þinni og bjartsýni alla tíð. Svo jákvæð fyrir þessari hjartaþræðingu sem þú varst bara að skreppa í.....en í stað þess að fá að koma aftur til elsku mömmu þinnar sem elskar þig meira en allt varstu ráðin í eitthvað stórskemmtilegt verkefni í Sumarlandinu. Ég hugsa oft til þín og finnst ég lánsöm að hafa fengið að kynnast þér.

﻿Ef allir væru svona jákvæðir og glaðir eins og þú þá væri heimurinn betri. 

﻿Takk fyrir samveruna á þessari jörð elskan. Við sjáumst síðar. 

﻿Samúðarfaðmur til allrar fjölskyldunnarog vina.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jana Sif Sigurjónsdóttir

Andlátstilkynning

Útför

Aðstandendur

Elsku Ronja mín

Kveðja til dásamlegu Jönu