Jóna Gróa Sigurðardóttir fæddist í Reykjavík 18. mars 1935. Hún lést á krabbameinsdeild Landspítalans 17. september 2015.

Foreldrar hennar voru Sigurður Guðmundsson málarameistari, f. í Reykjavík 9.11. 1912, d. 2.5. 1995, og Ingunn S. Jónsdóttir, f. 20.9. 1915, d. 20.8. 2007. Ingunn og Sigurður áttu fjögur börn. Tvö dóu í frumbernsku, Birgir, f. 1937, og stúlkubarn óskírt, f. 1938. Systir Jónu Gróu er Mattína Sigurðardóttir, f. 15.3. 1944.

Hinn 15.5. 1954 giftist Jóna Gróa eftirlifandi manni sínum, Guðmundi Jónssyni vélfræðingi, f. 27.4. 1932. Hann er sonur hjónanna Jóns Jóhannesar Ármannssonar stýrimanns, f. 23.11. 1899, d. 20.7. 1982, og Guðlaugar Margrétar Guðmundsdóttur, húsmóður, f. 14.8. 1900, d. 14.7. 1990.

Börn Jónu Gróu og Guðmundar eru: 1. Ingunn Guðlaug, rekstrarhagfræðingur og forstöðumaður hjá Icelandair Cargo, f. 9.8. 1954. Börn hennar eru Sara Axelsdóttir, arkitekt, f. 27.2. 1980, og Skúli Axelsson, verkefnastjóri, f. 12.7. 1981. Faðir þeirra er Axel Skúlason, flugstjóri. Sambýlismaður Söru er Jacob Egelund, sagnfræðingur, og eru börn þeirra Áróra, f. 15.6. 2012 og tvíburarnir Elva og Ísey, f. 30.3. 2015. Eiginkona Skúla er Birna Þorkelsdóttir, grafískur hönnuður, og eru börn þeirra Ingunn Eyja, f. 12.12. 2007, Ágústa Fríður f. 23.5.2010 og Elín Magna f. 18.9.2012. Sambýlismaður Ingunnar er Magnús Andrésson, útvegsfræðingur. 2. Sigurður, lögmaður og bóndi í Kjós, f. 10.5. 1957. Börn Sigurðar og Lovísu Geirsdóttur fóstru, eru Ísak, viðskipta- og tölvunarfræðingur, f. 24.6. 1984, og Aldís Gróa, sjúkraliðanemi, f. 10.9. 1992. Eiginkona Ísaks er Edda Arnaldsdóttir stjórnmálafræðingur, og er dóttir þeirra Saga, f. 1.3. 2015. Sambýlismaður Aldísar er Einar Hildarson tæknimaður. Sambýliskona Sigurðar er Guðný G. Ívarsdóttir, viðskiptafræðingur og framkvæmdastjóri Kjósarhrepps. 3. Helga, fjölmiðlafræðingur og flugfreyja, f. 10.8. 1958. Börn Helgu og Úlfars Garðars Rafnssonar, veitingamanns, f. 12.8. 1954 d. 2.8. 1987, eru Svana, viðskiptafræðingur, f. 13.12. 1979 og Heba, viðmótsforritari, f. 4.2. 1983. Eiginmaður Hebu er Steinar Ingi Farestveit, sköpunarstjóri og eiga þau Victor Úlfar, f. 27.10. 2011. Barn Helgu og sambýlismanns hennar, Jóhanns Gíslasonar viðskiptafræðings er Aron Jóhannsson, atvinnumaður í knattspyrnu, f. 10.11. 1990. Sambýliskona Arons er Bryndís Stefánsdóttir sálfræðinemi. 4. Auður Björk, viðskiptafræðingur og framkvæmdastjóri, f. 15.8. 1966. Eiginmaður Auðar er Ægir Birgisson viðskiptafræðingur. Börn þeirra eru Andrea Líf háskólanemi, f. 16.4. 1988, og Guðmundur Birgir háskólanemi, f. 3.4. 1990. Unnusta Guðmundar er Karen Sif Viktorsdóttir háskólanemi. Sonur Guðmundar Jónssonar er Ívar, bókaútgefandi f. 23.4. 1953.

Jóna Gróa lauk verslunarskólaprófi frá VÍ 1953. Hún vann hjá Fjölritunarstofu Friedu Briem 1953-1954, hjá Bræðrunum Ormsson 1954-1955 og Kristjáni Ó. Skagfjörð 1955-1957. Hún starfaði hjá Alþingi 1960-1969, var framkvæmdastjóri Bílaleigunnar Fara 1970-1976, skrifstofumaður hjá SÁÁ 1978-1982 og formaður og framkvæmdastjóri Verndar 1982-1989. Jóna Gróa var borgarfulltrúi Sjálfstæðisflokksins frá 1982-2002.

Jóna Gróa sat í stjórn atvinnumálanefndar Reykjavíkurborgar og gegndi þar formennsku, í stjórn SVR, í fræðsluráði og skólamálaráði. Hún sat í menningarmálanefnd Reykjavíkurborgar, í stjórn Lífeyrissjóðs borgarstarfsmanna, í stjórn Veitustofnana Reykjavíkurborgar og í stjórn Samstarfsráðs um Kjalarnes. Hún var í stjórn Innkaupastofnunar Reykjavíkurborgar, formaður atvinnumálanefndar og formaður Ferðamálasamtaka höfuðborgarsvæðisins. Auk þess var hún í áfengisvarnaráði og í áfengis- og vímuvarnaráði. Hún skipaði 13. sæti á lista Sjálfstæðisflokksins til Alþingiskosninga 1978. Hún var í stjórn Félags sjálfstæðismanna í Smáíbúða-, Bústaða- og Fossvogshverfi og gegndi formennsku fyrir það félag um árabil. Jóna Gróa sat í stjórn Hvatar, í stjórn Landssambands sjálfstæðiskvenna, í stjórn fulltrúaráðs sjálfstæðisfélaganna í Reykjavík og í flokksráði Sjálfstæðisflokksins. Síðustu ár hefur Jóna Gróa setið í stjórn Sambands eldri sjálfstæðismanna.

Útför Jónu Gróu var gerð frá Bústaðakirkju, 29. september 2015.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóna Gróa Sigurðardóttir

Útför

Ertu með minningargrein?