Æviágrip er skrifað í október árið 2000.

Jóhann Valdórsson, frá Þrándarstöðum í Eiðaþinghá fæddist 20. febrúar 1920 á Hrúteyri við Reyðarfjörð. Hann lést 25. október sl. á heimili sínu, Lagarási 17, Egilsstöðum.

Jóhann var sonur hjónanna Valdórs Bóassonar, f. 24.6. 1885,d. 22.4. 1927, og Herborgar Jónasdóttur, f. 23.8. 1886, d. 22.8. 1964. Jóhann var yngstur í hópi ellefu alsystkina. Herborg móðir hans og Þorleifur ólu þar að auki upp fimm fóstursyni.

Jóhann kvæntist 22.10. 1942 Huldu Stefánsdóttur frá Stakkahlíð í Loðmundarfirði, f. 26.11. 1920, d. 26.4. 1989. Foreldrar hennar voru hjónin Stefán Baldvinsson, f. 9.1. 1883, d. 10.8. 1964, frá Stakkahlíð, og Ólafía Ólafsdóttir, f. 12.11. 1885, d. 3.1. 1971, frá Króki á Rauðasandi í Vestur-Barðastrandarsýslu. Jóhann og Hulda eignuðust ellefu börn. Þau eru: 

1) Eðvald, f. 25.4. 1943, býr á Randabergi, kvæntur Vilborgu Vilhjálmsdóttur, f. 20.1. 1942, þau eiga 6 börn; a) Bóas Hallbjörn, f. 1.11. 1963 býr með Sonju Erlingsdóttur, þau eiga 2 dætur, Hólmfríði og Birgittu. b) Hulda Jóhanna, f. 2.11. 1964 býr með Rúnari Sigurðssyni, þau eiga 2 syni, Hafþór Atla og Arnar Jóel. d) Margrét Lilja, f. 18.11. 1966, býr með Terje Moldaunet, þau eiga 1 dóttur, Camillu. e) Herborg, f. 18.11. 1969, gift Sævari Sigurgeirssyni, þau eiga einn son, Eðvald, f.) Hjálmar Þór, f. 1.8. 1972, hann á eina dóttur, Amalíu Ósk. Móðir hennar er Kristjana Gestsdóttir, g) Selja Hvönn, f. 15.7. 1969, býr með Björgvini Óskarssyni, þau eiga eina dóttur, Vilborgu. Sonur Eðvalds; h) Árni f. 17.8. 1963, kvæntur Inger Erlingsdóttur, þau eiga 2 börn, Vilmu Ýr og Ísar Mar. Móðir Árna er Ragnhildur Árnadóttir.

2) Ólafía Herborg, f. 9.3. 1945, býr í Fellabæ, gift Jóni Þórarinssyni, f. 30.6. 1943, þau eiga 3 dætur, a) Guðrún Bjarney, f. 8.3. 1969, býr með Brodda Ægi Svavarssyni, þau eiga einn son, Mikael Bergvin. b) Eygló Huld, f. 4.8. 1974, c) Sandra Mjöll, f. 30.10. 1978.

3) Stefán Hlíðar, f. 19.8. 1949, býr á Þrándarstöðum, kvæntur Guðrúnu Benediktsdóttur, f. 6.9. 1951, þau eiga 4 börn, a) Benedikt Hlíðar, f. 22.4. 1973, b) Jóhann Erling, f. 14.6. 1975, kvæntur Kristínu M. Karlsdóttur, þau eiga einn son, Jón Gunnar, c) Sigríður Hulda f. 25.6. 1980, unnusti hennar er Ingólfur Friðriksson, d) Þorgerður, f. 6.5. 1986.

4) Þorleifur, f. 24.2. 1951, hann lést af slysförum 22.4. 1979, bjó með Auði Garðarsdóttur, f. 2.6. 1953, þau eignuðust einn son, Garðar Þránd, kvæntan Sólrúnu Sigurlaugsdóttur, þau eiga 3 dætur, Auði, Thelmu og Lindu.

5) Ásdís, f. 8.12. 1952, býr á Egilsstöðum, gift Ragnari Þorsteinssyni, f. 13.7. 1951, þau eiga fjögur börn, a) Lovísa Herborg, f. 30.5. 1971, býr með Vigni Siggeirssyni, þau eiga tvo syni, Þorberg og Ragnar Þorra. b) Þorsteinn Baldvin, f. 28.5. 1975, býr með Merete Myrheim, þau eiga einn son, Patrik Þránd. c) Þorleifur Bóas, f. 31.5. 1988, d) Þorvaldur Björgvin, f. 3.7. 1990.

6) Valdór, f. 16.3. 1954, býr í Reykjavík, á 3 börn með Halldóru Sverrisdóttur, a) Guðbjörg Hulda, f. 10.9. 1972, b) Jóhann Kristján, f. 22.12. 1973, býr með Hrafnhildi Jónsdóttur, hann á tvo syni, Daníel Orra og Ísak Aron. Móðir Ísaks Arons er Erna Guðmundsdóttir. c) Ásdís Erla, f. 27.11. 1976, býr með Svani Má Snorrasyni, þau eiga eina dóttur, Elísu Rún. d) Gísli Freyr, f. 10.6. 1980. Móðir Gísla er Kristín Gísladóttir.

7) Jóhann Viðar, f. 31.3. 1955, býr í Keflavík, kvæntur Ósk Traustadóttur, f. 4.10. 1955, þau eiga 3 börn, a) Trausti Þór, f. 3.5. 1974, b) Ævar Smári, f. 29.12. 1977, býr með Lindu P. Sigurðardóttur, c) Bóel Björk, f. 29.7. 1985. 8) Vilhjálmur Karl, f. 16.9. 1957, býr á Þrepi, kvæntur Svanfríði Drífu Óladóttur, f. 7.10. 1965, þau eiga 3 dætur, a) Elísabet, f. 23.5. 1988. b) Linda María, f. 10.5. 1991, c) , f. 24.5. 1997.

9) Kári, f. 13.8. 1959, lést af slysförum 9.7. 1961.

10) Kári Rúnar, f. 4.4. 1961, býr í Reykjavík, hann á 3 börn, a) Daníel Már, f. 26.3. 1985, b) Rakel Ýr, f. 13.12. 1987, c) Axel Freyr, f. 25.12. 1989. Móðir þeirra er Anna Gyða Reynisdóttir.

11) Ingibjörg Ósk, f. 17.5. 1965, býr í Reykjavík, á einn son, Andra Hafstein, f. 10.2. 1991. Faðir hans er Heimir Hafsteinn Eðvarðsson.

Afkomendur Jóhanns eru nú 65, 33 barnabörn og 21 barnabarnabarn, þar af eru 63 á lífi. 

Jóhann ólst upp á Hrúteyri til sex ára aldurs. Hann flutti þá með móður sinni að Sómastaðagerði við Reyðarfjörð ásamt Þorleifi Þórðarsyni frá Neðra-Hóli í Staðarsveit, f. 17.4. 1891, d. 29.6. 1951, Þorleifur kom sem ráðsmaður að Hrúteyri 1925. Að Sómastaðagerði bjuggu þau til ársins 1931 þá fluttu þau að Dalhúsum í Eyvindarárdal. Síðan fluttu þau að Þrándarstöðum árið 1938. Þar hóf Jóhann búskap í samvinnu við móður sína og Þorleif fóstra sinn. Jóhann og Hulda fluttu að Stakkahlíð vorið 1943 þar hófu þau búskap í samvinnu við foreldra Huldu og bróður hennar, Sigurð Stefánsson, fluttu aftur að Þrándarstöðum 1948 þar sem þau tóku að mestu leyti við búskapnum, móðir Jóhanns og Þorleifur fóstri hans voru þar til heimilis til dauðadags. Jóhann stundaði hefðbundinn búskap en starfaði jafnframt mikið utan heimilisins, bæði til sjós og lands, einkum harðindaárin í kringum 1950. Hann var jafnan meðal bestu fláningsmanna meðan hann var upp á sitt besta, var fljótur að tileinka sér nýjungar og óhræddur við að takast á við ný verkefni. Kominn hátt á fimmtugsaldur settist Jóhann á skólabekk með sonum sínum og félögum þeirra og lauk sveinsprófi múrara en hann hafði starfað við múrverk í nokkur ár. Árið 1972 brunnu íbúðarhúsið og útihúsin á Þrándarstöðum til kaldra kola. Fjölskyldan flutti þá til Seyðisfjarðar þar sem þau festu kaup á íbúðarhúsinu Elverhoj. Þar hafði Jóhann næga atvinnu enda fjölhæfur og afkastamikill starfskraftur og eftirsóttur til allrar vinnu. Síðari ár vann hann við sjómennsku og fiskvinnslu. Þau hjónin fluttu síðan aftur að Þrándarstöðum og byggðu þar nýtt íbúðarhús 1980. Jóhann hannaði hús sitt að mestu sjálfur og fór þar nýjar leiðir í hönnun og byggingaraðferð, sem reynist vel enn þann dag í dag.

Hulda lést 26.4. 1989. Síðustu árin hefur Jóhann verið í sambúð með Ólöfu Ólafsdóttur frá Syðri-Vík í Vopnafirði.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Jóhann Valdórsson

Útför

Ertu með minningargrein?