Ingunn Eydal er fædd í Svíþjóð 9.febrúar 1942. Hún lést á Landspítalanum í Fossvogi 24. 2. 2017.  Foreldrar hennar voru Ingrid Johanson kortagerðakona frá Blackstad í Svíþjóð,  f.1910 d. 2004 og Ástvaldur Eydal Kristinsson prófessor úr Skagafirði f. 1906 d. 1984. 

Systkini Ingunnar eru Auður Eydal f. 1938,  Sigrún Carlwig f. 1944 Áslaug Bentzer Björkenhed f.1947 og Anders Eydal f.1950.

Ingunn giftist Guðbergi I Guðbergssyni f. 1937,vélstjóra og forstjóra árið 1960 og eignuðust þau fimm börn. 1) Guðbergur (1960) Fasteignasali giftur Kristínu Birnu Garðarsdóttur, börn þeirra a) Anna Björk f.1987, börn hennar: Aþena Ósk og Viktoría Ósk. b) Viktor f.1992. 2). Ástvaldur Eydal (1961) sölufulltrúi giftur Önnu Mariu Hansen, börn þeirra a) Guðmundur Ingi f. 1991, b) Guðbergur Ingi f. 1992, c) Guðlaugur Ingi, f.1995, d) Hanna María f. 1998, e) Halla María f.1998. 3) Linda Dís atvinnurekandi í USA (1967) gift Jóni Árna Jónssyni, börn þeirra a) Fannar Freyr f.1991, sonur hans: Aiden Árni, b) Aron Alex f. 1994, c) Ingunn Eydal f. 1995. 4) Lilja Dís (1969) nemi í hjúkrun gift Þorsteini Þór Guðjónssyni, börn þeirra eru a) Íris Dröfn f.1988, b)  Björn Fannar f. 1990  c) Rúnar Ástvaldur f. 1991, d)  Hrafney Svava f.1993, e) Ágústa Kristín f. 2001, f) Þorsteinn Þór f. 2002. 5) Anna Dís iðjuþjálfi börn hennar eru a) Hrannar Ási (2010) og b) Hreiðar Ási (2010). 

Ingunn bjó í Svíþjóð fyrstu fjögur árin er fjölskyldan flutti til Íslands.  Hún ólst upp í Reykjavík og bjó þar alla tíð ef frá eru talin tvö ár í San Fransisco. Hún lauk landsprófi frá Kvennaskólanum og stúdentsprófi frá MR 1962 tók 2 ár í viðskiptafræði við HÍ. Ingunn lauk námi í Myndlistar- og handíðaskólanum 1976 og kenndi við sama skóla í 3 ár. Auk þess að kenna í FB og ýmis námskeið.  Hún er kunn sem grafíklistamaður en hefur einnig fengist við málverk og glerlist. Hún hefur haldið 14 einkasýningar og tekið þátt í um 140 samsýningum um víða veröld. Hún var kjörin borgarlistamaður í Reykjavik árið 1983. Verk eftir Ingunni eru til á ýmsum söfnum hérlendis og víða erlendis.

Ingunn var virk í ýmsum félagsstörfum og vafði ekki fyrir sér að taka að sér formennsku og önnur ábyrgðarhlutverk i þeim félögum sem hún var í. Þar má nefna Íslensk grafík, Grafica Atlantica og Soroptimistasamband Íslands. Hún hafði brennandi áhuga á garðrækt og ræktaði upp blómlega garða við hús sín svo mikil prýði varð að. 

Hún hafði unun af því að ferðast um villta náttúruna sem og menningarborgir heimsins og ferðaðist mikið um ævina bæði innanlands og út um allan heim. Hún var einstaklega góð móðir, amma og langamma. Hún var mikil fjölskyldumanneskja og var heimili hennar ávallt opið öllum, hvort sem það voru fjölskyldan eða vinir hennar eða barnanna. Líf hennar einkenndist af æðruleysi og það sást glöggt eftir að hún greindist með MND sjúkdóminn. Útför Ingunnar fer fram frá Seljakirkju föstudaginn 24. mars 2017 kl. 13:00 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Ingunn Cecilia Eydal

Útför

Ertu með minningargrein?